السلام عليكم
حبيت أفرجكم على كلام ,, ممكن يسمى خواطر ,, ممكن يتسمى شعور ,, ممكن يتسمى رساله
سموووه اللي تسمووونه ,,
بس ترآه مووو مرتب خخخ جآي كذا على بساطه وبإسلوب طفولي ,,
كتبته على لسان ولد أختي ,, هذي أول سنه له في المدرسه ,, رساله موجهه لأبوه اللي في السجن ,,
{{ .. بسم الله الرحمن الرحيم
إلى بابا الغالي ..
هذي السنه الدراسيه الجديده قربت ,, والكـل فرحآن ومستعد ,,
في هذاك اليوم ,, صحيت بدري انا وأمي وخواتي ورحنا للمكتبه ,,
كنت اتجول فيها وأسمع أصوات الصغار ,,
كل ماشاف الطفل شي يعجبه صاااح : يبه أبي هذي
بس انا كنت اجمع أغراضي بنفسي لإن أبوي ما كان موجود ..
وعلى واحد من الرفوف ,, لقيت شنطه أعجبتني ,,
مديت يدي عشان آخذها بس ما قدرت ,, لإن الشنطه كانت كبيره ,,
حاولت مره ثانيه لكن طيحت الأغراض اللي كانت حولها ,,
جاء العامل وصرخ علي : ليش تسوي كذا !
جمعت أغراضي اللي طاحت من سلتي ومشيت وانا ساكت
ماشريت الشنطه اللي أعجبتني يا يبه ,, لإن الشنطه كبيره وانا إيديني صغار ,,
في اليوم الي بعده ,, رحت مع خالي لـ محل الثياب ,,اشتريت لي ثوب ,,
تذكر يا بابا الثوب اللي شريناهـ انا وانت آخر مره قبل لا تروح ؟!!
كان هذا مثله ,,
بس مقاسه كان صغير ,, والحين كبرت وكبر مقاس الثوب ..
وقرب موعد المدرسه ,, في هذاك اليوم صحيت بدري ,,
جهزت ثوبي وشماغي ,,
وحطيت دفتري وأقلامي بالشنطه ,,
وطلّـعت جزمتي من كرتونها ,,
كنت حيل فرحآن بالمدرسه ,,
ولما صارت الساعه ست وربع ,,
رحت عند الشباك عشان أشوف فرحة الأطفال وهم رايحين للمدرسه ,,
وأشوف منظر الآباء وهم ماسكين ايدين أطفالهم ويركبونهم السياره ..
شفتهم وانا حاط يدي على خدي ,,
وأتخيلك تمسك بـ يدي ,, وتشيل لي شنطتي ,,
وتحط لي ثلاثه ريال في جيب ثوبي الجديد .. ونروح للمدرسه سوا
صارت الساعه سبع ,,
وانا لآ زلت بـ بجآمتي ..
مارحت للمدرسه يا يبه في هذاك اليوم ,,
ما كان عندي من يوديني
وباليوم اللي بعده رحت للمدرسه ,,
كانت حيل حلوه ,, فيها أولاد كثير .. وفيها مدرسّـين ,,
في كل يوم كانوا يسلمون علي ويمسحون على رآسي ,,
كانوا يحبوني ,, بس ما يحبوني كثرك يا بابا ..
صرت كل يوم أروح المدرسه مع السايق ..
وإذا نزلت من السياره أبقى واقف مده طويله على الرصيف ..
كنت خايف ,, لإن السيارات عابره وما توقف لي عشان أقطع الطريق ,,
بس أصحابي بالفصل كانوا يقطعون الطريق وكل واحد يدهـ في يد أبوهـ ,,
وانا أضل واقف على الرصيف ..
كتفي اللي كنت تحط يدك عليه وتوصيني ,,, انهدّ حيله من الشنطه الثقيله يا يبه ...
كانت جدتي كل يوم في رمضان وقبل الفطور تقول لنا :
روحوا ادعوا الله باللي تتمنونه ...
كانوا عيال خالاتي يدعون بأشياء بسيطه ,, واحد يقول يارب بابا يوديني الألعاب ,
وواحد يقول يارب ماما تشتري لي حلاوه ..
بس انا كان همي كبير ,,
كنت أروح بعيد وأختفي عن الأنظار ,,
وأرفع يديني فوووق ,,
وأقوول : يآآآرب بابا يرجع .. يآآرب بابا يجي بكره ..
مجلس الآباء قرب ,, لا يجي هاليوم وانت مو موجود ,, تكفـى يا بابا ..
ولدك : نـآصـر
:26:
..}}
معينه خير @maaynh_khyr
عضوة فعالة
يلزم عليك تسجيل الدخول أولًا لكتابة تعليق.
ح ـنين :
دمعت عيني .. اخر كلامه ودعاءه ذكرني بنفسي .. لما كنت صغيره .. مااستوعبت شنو يعني مات وما راح يرجع .. كنت آدعي يرجع بابا :"( ربي يجمعه بأبوه ويفرح قلبه وعينه فيه ..دمعت عيني .. اخر كلامه ودعاءه ذكرني بنفسي .. لما كنت صغيره .. مااستوعبت شنو يعني مات وما راح...
ياحياتي :(
الله يجمعك به في الجنه يآآآرب
الله يجمعك به في الجنه يآآآرب
يوووووووووووه والله دمعت عيني .......
ياقلبي يااااااااااااااااااااااااارب افرج له وافرح قلبه بخرووج ابوه عاجل
ياقلبي يااااااااااااااااااااااااارب افرج له وافرح قلبه بخرووج ابوه عاجل
اسلوب بسيط وصل لمعنى عظيم لايدركة الافاقدية ,اتمنى ياصغيري ان تعيش لحظات رائعةفي عالم اشبة مانسمية بالمغامرة في حياتك الصغيرة ولاتنسى كتابة م\كراتك اليومية بمساعدة والدتك لانك قريبا جدا سترويها لوالدك بكل سرور اتمنى لك التوفيق والنجاح ياطبيب المستقبل وادا كانت امنيتك مختلفة لاتنسى ان تخبرني بها
الصفحة الأخيرة
اخر كلامه ودعاءه ذكرني بنفسي ..
لما كنت صغيره .. مااستوعبت شنو يعني مات وما راح يرجع ..
كنت آدعي يرجع بابا :"(
ربي يجمعه بأبوه ويفرح قلبه وعينه فيه ..