جزاك الله خييييييييير

اختي كيف اعرف شخصيه زوجي شمالي ولا شرقي
وكيف اعرف لما يتقدم شخص لبنتي ايش شخصيته

الله يبارك فيك دكتوره نسيبه ويجزاك عنا كل خير

انا يادكتوره مشكلتي مع زوجي انه كريم وحنون و مراعي لدرجة اللي يعرفه والللي مايعرفه حتى باعة المحلات يحكون له مشاكلهم ويثقون في رايه.... طيب وين المشكله .. المشكله انه معايه العكس مهملني لدرجة انه احيانا احس انه مو مخليني الا مربيه لاولادي يعني مفرخه لاني لما جلست 4 سنين بعد ولدي الثاني ماحملت قال لي انا ابغى عيالي تكون اعمارهم قريبه من بعض ما ابغاهم متباعديين

وهو مع اولاده الصراحه مايقصر معاهم ابد اذا زعلوا يراضيهم واذا طفشوا يمشيهم ويشتريلهم ملابس والعاب ولا قصر ابد في تدليعهم لكن انا ابد ولاشئ واذا احتجت السوق في اغراض لي يقول اذا رحت عند اهلك اشتريها حتى اذا زعلت لواجلس اسبوع ماراضاني بالعكس انا ارجع اراضيه واذا تعبت ما يقول لي حتى سلامتك كلامه معي بالقطاره وطلعاتي مره قليله لان ما عندي اهل في نفس المنطقه واذاذ حصل وجاتني طلعه يقول لي روحي وباوديك واذا طلعت يجلس زعلان يومين لاني خرجت من البيت هو مايقول كذا لكن يجلس يدور على اشياء بايخه يزعل عليها ..اخته تزوجت في نفس منطقتنا وبس تهاوشني ليش ماتطلعين ليش ماتروحين زيارات وصل انه امس كلمت اخوها يودني انا وياها عند ناس مجرد ساعه سلام وصله فهو في الروحه جلس يصايح عليها وفي الرجعه بوزه ممدود فتسالني ايش فيه زعلان قلت لا بس لاني خرجت من البيت وقبل فتره كان في جمعه في استراحه قال لي توك شفتيهم لاني رحت جمعه زيها من 6 شهور

حاولت اسوي اختبار البوصله معاه لكن حسيته مازبط انا حملت الكتاب اللي ذكرتيه طلع الاختبار اللي فيه غير اللي سويته باجرب لعمله عليه واشوف النتيجه

مره من المرات جلست معاه جلسة مصارحه ماادري كيف جلس معي وسمعلي وقلت له انت ليش تعاملني كذا قال انا اعتبرك نفسي واعاملك مثل مااتعامل مع نفسي يعني كل شئ مقدم عليه وانقهرت مره يعني يعاملني بهذا الجمود لانه يحبني اجل لو انه ما يحبني ايش كان سوى


ادري ثقلت عليك وانا احس ان مشاكلي تافهه لكن لاني مااقول لاحد عنها فحبيت افضفض لك بما انك خبيره وارائك حكيمه ماشاء الله عليك ووي تشورين عليه كيف اتعامل معاه واخليه يحسن تعامله معي

انا مشاريكة جديدة وارغب في تعلم عدة امور منها التحاور التعارف وكيفية المشاركة ارجو......ارجو المساعدة

j,