رسائل شعرية رومانسية مافي مثلها لعيونكم !!!!

السلام عليكم ورحمة الله وبركاته وبعد:

كل عيد وانتم بالف خير وينعاد على الجميع بالصحة والعافية ...طبعا ما نسيت عيديتكم خواتي بنات حواء وقلت ما في احلى من الشعر وابياته!!!
هذه رسائل رومانسية اتمنى تعجبكم>>> لا تنسونا من الدعاوي الطيبة والردود الحلوة:42:

1-


انت الغلا بالكون عرضه وطولـه""وانت الصديق اللي بك الظن ماخاب


2-


اعاهـدك باللـي خلقنـي وســواك""ويعاهـدك قلـبٍ اذا غبـت صانـك
والله ماخونـك ولا افكـر اجـفـاك""وملعون قلبـي كانـه بيـوم خانـك
لا ضاق صدرك وازعجك جور دنياك""تكفى اعتبرني واحـدٍ مـن اخوانـك


3-


لاصد عنك منهو توده وجافاك""خلك وجازه بالوفا عكس صـده
خلك عزيز النفس والعز مأواك""وكلن عطه تفصيل ثوبـه بقـده
خص الرفيق اللي اذا جيت حياك""وان غبت عنه ياصلك بالمـوده


4-


ان عاش راسي واسعفتني سنينـي""لروي ظما قلبي بقربـك واهنيـه
ولو يزرعون الغام بينـي وبينـك""نذرٍ علي لامشي لك الدرب واطويه
واشيل روحي فوق راحة يمينـي""وابيع عمري لاجل شوفتك واشريه


5-


خزنت بالقلب لك عشـرة ملاييـن""ماهو رصيد فلـوس لكـن مـوده
زكاة حبك تغنـي كـل المساكيـن""من الساحل الشرقي الى حـد جـده
وامشي معك والله على العسر واللين""المـوت والمقسـوم ماحـدٍ يـرده


6-


الطيب ورثك ماشريته بالاثمـان""متسلسلٍ من نبع نـاسٍ عريبيـن
الطيب ساسك وانت للطيب ديوان""قولٍ صحيح ولا يبي له براهيـن
لبست من طيبك على الراس تيجان""تاجٍ قـويٍ ولا تهـزه سلاطيـن


7-


اقضي مع الافكار غربة وترحال""ذكرى تفرحني وذكـرى حزينـة
انت الفرح وانت السعادة والامال""يامن بنى له في ضميري مدينـة
وانت الحبيب اللي مع الوقت مامال""مثل البحر ياكم حمل مـن سفينـة


8-


تامر على روحي عسى الروح تفداك""ياعزوتي يانـور شمسـي وظلـي
قلبي صويب وطاح ف كف يمنـاك""يمناك فيهـا عزتـي عقـب ذلـي
فالقلب وحشه والدوا فـي محيـاك""ذاب الخفوق وكاني اخطيـت قلـي


9-


سلام ياشيخٍ رقى عالي الطيب""سلام ياشيـخٍ طويلـه حبالـه
سلام ياشيخٍ عطيب المضاريب""ياللي على الطولات ثابت لحاله
ذيبٍ ولد ذيب وجده بعد ذيـب""سلايلٍ متسلسلـه حـي فالـه
وانا بمدحي ما ادور مطاليـب""لاشك شعري قام له وانثنى له


10-


ماحدٍ يشق القلب من غير تفكيـر""حتى الدكاتر ترتجف ثـم تحتـار
الحب يشق الجوف من دون تخدير""ويبني قصور بداخل القلب وانهار
هذي حقيقه قلتها بصدقٍ وتعبيـر""وارسلتها للي حفظ كل الاسـرار