رسائل كثيييرة وهذه أروعها..حسب طلبكن

السلام عليكم ورحمة الله وبركاته

اخواتي الغاليات..بعد موضوعي الأول..كثيييير من اخواتنا الغاليات الطيبات النشميات فزعن لي..وتكرمن علي برسائل كثيييرة

وكل واحدة منهن تبغي مساعدتي باي حال من الأحوال فاكتشفت مدى البياض الذي يكتنف قلوب عضواتنا الغاليات..واغتنمها فرصة لأشكركن جميعا كثييييير الشكر..

جزاكن ربي الجنة دون سؤال ولا حساب وجمعنا جميعاً في الفردوس الأعلى من الجنة برحمته إنه سميع مجيب.

وكثييييير من خواتي طلبني إني أدز لهن الرسايل الخاصة المفيدة اللي تصلني ولكن لكثرة العدد وقلة خبرتي..تخيرت رسالة مهمة جداً ومفيدة من أخت غالية وعزيزة

هي &شانيل وديور& جزاها الله خير الجزاء في الدنيا والآخرة..

فأحببت أن تستفدن منها كما استفدت منها أنا ووضعتها كما هي دون تغيير ولا حتى تنسيق والله الموفق

وهذا نصها..(طبعاً أنا ما أعرف كيف اقتبسها فنسخت ولصقت المهم هو الإفادة) اسأل الله أن ينفع بها.



(تدرين ليش اتحمست معك لان لي اخت زيك ضايق صدري عليها بالمرررررررره
والمشكله الغلط فيها هي
هي حريصه علا النظافه
والشياكه تبهر الناس اذا دخلت وخلي الف خط عند تبهر الناس
لانها انصدمت من زوجها صدمه قويه وهي تحس انها تكرهه مع اني اكتشف العكس
والسبب تحس انها كامله ومسويه كل طلباته (نظافه وشياكه واكل بعد يعني تقديم فندق )
وهي تطالبه باشيء واشياء يمكن اشياء صعبه يسويها مع الوقت قامت تنق تنق لين حس
ان الي قدامه واحد من خوياه غثيث وده يتهرب لاي مكان او انه يتهاوش ليل نهار
تدرين الغلطه الكبيره ينهي فيه انها دلعته بحيث ضغطت علا نفسها وقامت تجمع بقلبها
ودايم تذكر كلام الناس واعجابهم وتقول هو يشوفني ولا شي شفتي كيف بدت المشكله كبرتها
يوم عن يوم الي صارت شي لا يطاق والسبب هي (الرجال كلهم فيهم عيوب وحسنات
حاولي تتذكرين حسناته)لو اقولك شي لو مثلا اتخيلي انك انتي الزوج ومعك المصروف
والدلع بايدك وزوجتك تنق ليل نهار او فيها اشياء ماتحبينها هل انتي مجبوره
انك تدفعين عليها اموال ومصاريف والي تقول ابي هدايا وسفريات اصلا هي ليش كل
هالدلع اما انها تبغى تعيش زي غيرها طبعا هي مالها الا الضاهر او انها دلعته بنقاط ابدا ماراح يتذكرها يمكن هي تهتم فيها بس ترى كل رجال له مفتاح والي بتلقى مفتاح زوجها تملك كل شي فيه
انا اقولك فيه رجال يحبون قله الثرثره والكلام بالناس بل الغالبيه وبعضهم يحب الخفيفه دم
مايستغني عن جلستها وبعضهم يحب الثرثاره الي تسولف بس قليل مررره
ويحبون الاناقه والاكل لاتقولين مايهتم بالاكل لا بالعكس لو كان مايتكلم ترى يفقدك
لمن يسافر او تصيرين بحاله ولاده
طريقه الاكل لاتكلفين حالك او نفسك بذيك الاشكال يوميا بس اذا صرتي رايقه
سوي تشكيله والكلام خليه اخر دلع لاتنادينه باسمه ابدا ناديه حياتي روحي شوفي
حتى وانتي معصبه بيتعود لسانك لاتقولين مايستاهل هذا علشانك انتي راح يفرق
زعلك ذيك الوقت بالدلع حتى لو جابلك اغراض البيت او اي شي اشكريه او دعوه صغيره ترى علشانك موعلشانه شوفي حبيبتي راح تصارعين اول الفتره تدرين ليه لانه منبهر من تصرفاتك
الي تغيرت فجأه ويحس انه وراك بلوه طبعا هالكلام سوو عليه اختبار ووطلعت نسبه كبيره
منهم منبهرين انتي اصبري واستحملي شوي لين تجي الفتره الثانيه الي هي خايف انك ترجعين لاسلوبك القديم واصلي راح توصلين للنتيجه الثالثه الي هي الامان كذا راح تحصلين المفتاح

حاولي الزعل نادر نادر نادر ترى الرجال اهم شي الوجه المبتسم لها مفعول سحري
حتى اذا راح للدوام وخذي اغراضه منه اذا جاء من الدوام تدرين ليه اقول كذا اول شي
انتي قولي هذا كله لله موله علشان ماتحسين تعبك راح عالفاضي ثانيا علشان زعلك
يعذبه عذاب عذاب
كلامك خليه قليل الا اذا كان من الرجال الي يحبون السوالف
ركزي علا اهتماماته يعني سولفي باهتماماته مثل لو كان سياسي سولفي ببوش الله لايربحه
او اي شي زي كذا
واذا كان رياضي مثلا ذكريه بمباراه اساليه من الي فاز او اذا كان راعي بر او قناص اساليه لقى حبارى وش سوى بالمكشات
خلي حياتك مبتسمه ترى البسمه تساعدك
امدحيه ووريه اعجابك فيه مع اني اللحظ البنات ينفرون من هالصفه وهذا سر من اسرار الرجل يحب انه يثق من نفسه اكثر انه رجل
طبعا نادر نادر نادر مثل بسفره او ليله رومانسيه نادره ترى علا فكره الليالي الرومانسيه
الي هابين فيها احس انها تهتم فيها المراهقات فاهتمام الرجل موب هالشكل هو يهتم بالمضمون
وهي تهتم بالشكل يعني تلقينها انواع البرود لاكن كتغيير مره كل 6اشهراو8اشهراوسنه عادي كسر الروتين
الي لازم تسوينه يوميا استقبال من الدوام ماتصيرين عابسه نكديه ترى يهرب للي يلقى عندها الي قلتلك يعني انتي لاتقولين مايستاهل ابد والله هولك انتي تخيلي لو فقدك فقد كل الدلع من وحده روعه ضحتها تملى الدنيا تحافظ علا شعوره اذا كان متضايق تتحمله اذا هاوش تخليه وبكل حريه يقول لا ترى علا فكرى الرجل الي يقدر يقول لا وبسهوله بسهوله يلبي طلبك يعنياذا قال لا قولي عادي اهم شي رضاك ممكن تطلبين بوقت ثاني وثالث وتاخذين افضل الاوقات الي يكون فيها في قمه الروقان تدرين في المساج احس انه احسن وقت للسواليف وتدخلين فيها طلباتك بلطف ترى الطلب مايدخل فيه فلانه وعلانه ولا فلان ولا علان الطلب جا منك انتي شخصيا لانك محتاجته ما يحبون اللف والدوران
اذا تبين اشياء ثانيه بحاول اساعدك كان الله في عون العبد مادام العبد في عون اخيه ..............ترى علا فكره انتي ذوق خليتيني اتحمس واعطيك من جهدي وعصرت لك مخي وبحاول اساعدك نفس الشي زوجك ان شاء الله يسوي لك)