يسلمو لمروركم ومشكورين لردودكم ومانقلته الا من الواقع الي تدمي له القلوب وياريت مايرسلو الا المتفوقين والمتميزين فقط.

المشكلة ان الابتعاث مو بالواسطة الابتعاث مفتوح وبالهبل
لكن من تجربة شخصية ومن اللي حوالي شباب تخرجوا
من الثانوية بمعدلات ممتازة ورفضتهم الجامعات السعودية
بدون سبب طيب وش الحل للشباب هذا يحط يدة على خدة
انا ضد الابتعاث وبدال الاموال اللي تدفع للدراسة برى ممكن
اني ابني فيها عدة جامعات واجيب اساتذة ودكاترة من اعلى
الشهادات وجميع التخصصات وخلي دهنا بمكبتنا بس سوء
التخطيط العشوائي

بسم الله و به نستعين

اخواتي الغاليات انا اتفق معكم في نقاط و اختلف في نقاط

مين قال ان العمر مشكلة...لا المشكلة مو في العمر المشكلة في التربية و في نفس الانسان ان كانت طيبة أو خبيثة و العياذ بالله..

اسمعوا مني انا كنت في يوم من الايام ادرس...وفي معهد لغة ... و مر علي عينات كثيير
طبعا انا الان في البيت و بطلت دراسة و تبت لربي من البهذلة و الاختلاط

صادفني في الكلاس ...شباب سعوديين يدرسون معي ... في منهم من و الله ترفعين راسك و تفتخخرين بهم ما شاء الله و منهم من نفسك تذبحيهم<<استغفر الله لا دين و لا علم و لا حتى اخلااااااق

راح اذكر موقف صار معي شخصيا.....كانت صديقتي كورية و كنت اول شهر اداوم المهم جا يوم و سألتني مين اوسم شاب معنا في الكلاس<<<استغفر الله و يشهد علي ربي عمري ما ناظرت مجرد النظر او تملقت في احد انا كان هدفي واضح ابي اتعلم اللغة خاصة اني احبها من كل قلبي من يوم كنت في المدرسة
المهم نرجع لموضوعنا....انا رديت و قلت و لا احد
بعدين قالت شوفي فلان (سعودي) قلت وش فيه... قالت كثير بنااات معجبين فيه هو واخوه (عمره 18 سنة) ...
قالت لي الشهر اللي فات كانت معنا تايلندية طلبت انه تكون الجيرل فريندGirl friend للأخو الصغير وش تتوقعووون سوى<<<<رفــــــــــــــــــــــــــــض
و قالهم نو نو نو حراااام .... انا جوة قلبي فرحت ما شاء الله الله يوفقهم بس صديقتي سألتني ليه رفضوا مع انه في سعوديييين كثييير مصاحبين بنات و بعضهم صديقاتي... قلت لها هذول ضعيفين ايمان
تخيلوا معي شاب بهذا السن و تجيه وحدة تعرض له نفسها ... اللهم يا كافي و يرفض و يستنكر ربي يسعده و ين ما كانوا
و الموقف الثاني صار لي انا كان يوم استلام النتايج عندنا بحفل فيه رقص و اغاني و قلة حيا انا و اله ما كنت اعرف بما انه اول شهر لي ... المهم و انا جالسة ع الكرسي اكلم زوجي بالجوال و ما اشوف غير واحد ايراني كلب حقير حسبي الله علييييييه يصورني بالجوال مع اني قلت من اول يوم انا ما احب اتصور المهم و ما انتبه له الا في اللحظة الاخيرة ... و اقول لوحدة كانت معي و كانت ما شاء الله عليها جريئة كانت تقولي بأروح عند فلان(اللي قلت لكم عنه) و قالت له ... المهم ما قال خليها و تستاهل (وانا عارفة اني غلطانة كان سترت نفسي في بيتي)المهم و يروح للإيراني و يقوله ابي جوالك ابااشوف المقاطع اللي عندك...و يروح يمسح كل اللي صوره هالحقير(بنات انا كنت متحجبة بس للأسف من غير نقاب) و الين اليوم ادعي له من كل قلبي الله يهنيه بوحدة تملي عينه و قلبه..

و في عينات <<<استفغر الله شايب و يبي يدرس دكتوراة و راعي شرب و بنات و قلة حياء و وين زوجته بالسعودية

انا اشوف<<وجهة نظر العمر مو عامل اساسي و ان كان وارد

و مواقف كثييير شفتها ... في رأي الشخصي احسن شي الواحد قبل لا يطلع بعثة اهله يزوجوه و يسافر على الاقل زوجته معاه تعينه ... و ما أيد أبداااا زوج يسافر من غير زوجته و يعيش بعيد عنها.....

بنات تراني و لله الحمد تبت و عرفت اني غلطت و نزلت موضوع عشان لا احد يقوم علي أو يجرحني
و فعلا البعثات صارت للي يسوى و اللي ما يسوى الله المستعان...

الله يحمي السعودية و يكفيها كل شر ...

مشكوريين لمروركم.