رسالة الى آدم ؛ نظافة اللسان ونظافة الابدان ~

بسم الله الرحمن الرحيم 
السسلام عليكم خواتي واخواني >بما ان المنتدى مليئ بعيال كونان المتخفين واولهم ابو جفاف 
حبيت يكون هالموضوع عن ادم 
هالمخلوق العجيب 
انا انسانه بصراحه عندي كم ملاحظة على ادم وعياله 
و اهم ملاحظة ان ادم وقتنا الحالي يختلف عن ادم زمان 
زمان كانوا رجال عندهم عادات منها عادات حسنه 
اذكر منها ما يتكلمون في اعراض بعض 
ما يتكلمون عن الامور الجنسية بين الزوجين 
يعني فيه كم نقطة حبيتها في اجدادنا 
وكلها تنطلق من "الحياء" 
الحين شبابنا غير مع التطور اللي صاير زادوا العيار حبتين 
و صاروا مفلوتين على اساس انهم متطورين 
يعني كلام شبابنا الحين اغلبهم كلام مقزز 
وسوالفهم اغلبها فضائحية !!
و الادهى والامر من يتكلم بامور خاصه مع زوجته لاصحابه 
يعني احدهم وصلت فيه المواصيل يشرح لاصحابه عملية الايلاج و كيف زوجته قاومت و و 
يا الله لوين وصلوا الرجال ؟! 
حراااام شرعا عيب عرفاا 
ما ادري هل انتم يا عيال ادم ما تعرفون الحكم ؟! والا بس احكام التعدد فالحين فيها 
حرام اللي قاعد نشوفه ونسمعه 
و الكلام الفاحش اللي نسمعه بينكم وبين بعض 
الواحد لو يسال سؤال بريئ يجيه رد قذر !!
ليش ما تتخلقون باخلاق الرسول 
كان لا بالفاحش ولا بالبذيئ ؟!!!!
هذي اول نقطة 
السنتكم اصبحت بصراحه قذره و ترا محاسبين على الشيء هذا 
فاحش القول منهي عنه و الرجل اذى اتى زوجته وافشى اسرارها حرام 
فبطلوا هالعادة لانفسكم ولدينكم ولرجولتكم 
الرجال يصون لسانه و عرضه ونفسه .












النقطة الثانية ؛ 
المقاطع الاباحية والصور النظر اليها حرام 
تداولها حرام و تكسب ذنبك و ذنب غيرك 
الواحد يا الله يا الله ذنوبه يتحمل ذنوب الناس وراه ؟!












ثالث شيء ؛ 
النظافة اتعب واتعب والله وانا اشوف اشكال في الشارع و الاسواق مناظر توجع القلب 
الشوارب اللي اكل الدهر عليها وشرب 
واصله للفم !! معروف النهج النبوي تخفيف الشارب و اعفاء اللحية 
اللي صاير العكس شوارب كانها مكنسة يدويه 
والله عيب عيييب خففوها لصحتكم وعشان هالزوجة المسكينة ما تتقرف 
الاكل والشرب كله قرف مع هالشارب الموستاشي العجيب !!
و الا الملابس الصفراء من الغبار والعرق 
جونا حاااار وغبار لازم يوميا تتغير 
بجد والله يا رجال ويا نساء انتبهوا للنقطة هذي كلوحده توعي ولدها المراهق 
و كل رجل ترا لما تجي من برا انتبه لنقطة الرائحة لان ريحة العرق من حرارة جونا لابد تفوح 
البعض لا من الشارع للسرير واول ما يرفع يده اعصار مفاجئ للزوجة 
ترا ما راح ينقص من عمرك لو تسبحت و تعطرت و رحت للسرير مروق ونظيف 
!!!  
وفهمكم ادرى !!








من غير امور النظافة الثانية 
بصراحه عيب ان كلمة رجل مرافق لكلمة قلة اهتمام 
بس من اداب الاسلام الترتيب والنظافه واللبس الحسن 
بس ثلاث اشياء نظافه 
و اظافر وشعر مرتبين 
و لبس حسن مو من فوق اخضر اهلاوي ومن تحت اتحادي مصوفر 
اهتموا لنا نهتم لكم 
يعني ما نطالبكم بازالة الكرش والا زراعة شعر للصلعة والا ملابس جينز و تيشرتات مثل ما ازعجتونا 
نبي بيضا شقراء ترقص البسي اليوم مصري وبكره هندي انحفي اسمني 
لا والله نبي نظافه و لبس وترتيب بس !
ماهي صعبة ترا 
طلباتنا بسيطة 
و في هالموضوع ركزت على نقطتين 
نظافة اللسان و نظافة الابدان 
وطالبت بابسط شيء و اسهل شيء 
ما دخلنا في العميق 
واللي حابه تضيف حياها الله