ام رانسي1 :

مره تهاوشت مع زوجي واخوي كان عندي دقيت عليه قال ايش فيكي وانا ابكي وهو عند الشباب اخوي المهم ارسلت رساله لاخوي قلت ترى متهاوشه مع بغلي <<من قهري مع انه عمري ماقلت هالكلمه لقطتها من وحده بدل بعلي نقول بغلي المهم ما اشوف اللي عيون زوجي مبققه تقول ما اكلنه فلفل حار يقول عشره تسع سنوات واطلع بغلك يعني انا حمااار..قلت مين قال انا متهاوشه معك كيف اقولك حمار وراني الرساله قلت شفت انك نيتك خبيثه انا كاتبه بعلي يعني زوجي بس جوالي لمس وكتب بغلي تبغى تصدق بكيفك <<وانا بس تصريفه قلتها...عاد كنه هدا علي شوي بعد ماتصالحنا قلت له بالله زعلت من الرساله قال لو مو غلطانه في حرف كان مداني وريتك البغل من هووووه ..ههههههههه ،،،،،،،،،، وموقف ثاني صار لاختي زوجها مدرس بس عنده اخطاء املائيه كثير ..تهاوشت مرره معه وقالت بروح عند اهلي ما عاد ابغاك طبعا تتغلى راح ارسل لها رساله كتب فيها اصلا انا مستغني عنك؟؟؟جلست اختي تبكي وليش وليش ؟؟تدخلت انا في الموضوع وكلمت زوجها وقلت له ليش يابومحمد تسوي كذا هذه نهايه العشره قال ايش سوييت؟؟منصدم قلت اخرتها ترسلت لزوجتك مستغني عنها بكل سهوله ......قال لا والله انا ارسلت اصلا انا ما استغني عنك نسي حرف الالف اللي بعد الميم مااستغني يوم علمت اختي بغت تنجلط من الفرحه تقول احسبه مستغني مايبيني ههههههههههههههههههههه الله يسعد صاحبه الموضووووع

مره تهاوشت مع زوجي واخوي كان عندي دقيت عليه قال ايش فيكي وانا ابكي وهو عند الشباب اخوي المهم...

قصيميه بجده :

مره كتبت قائمة طلبات ابرسله لزوجي ارسلته لوحده مابيني وبينها علاقه قويه مجرد سلام وهي معرفتي فيها عن طريق اهل زوجي بس تسلطت وارسلت لها وعقب تفطنت وشفت الرقم وارسلت رسالت اعتذار ومره كنت انتظر اختي بتجي تزورني من القصيم لجده وكل دقيقه تتصل تاخذ الوصف وتاخرو وبنفس الوقت دق واحد تسلط غلط قال هذا جوال فلان قلت لا وبكل ادب قفل يوم تباطيت اختي ماتصلت وارسل على اخر رقم حسبالي اختي لان رقمه مو مخزن عندي وراح من بالي انه تو متصلين ناس غلط وارسل يالله وراكم ابطيتو برد عشانا بسرعه لاتاخرون ولهانيييييين حيل يابعد حيي وياعيني وكلمات ناسيتهن بس كلهن دلع لاختي هههههههههههه وشوي يدق علي نفس الرقم ويجلس يتغزل ويقول يومنك تبين التعارف ليش قلتي الرقم غلط ومن هاالهرج انا صار وجهي احمر من الفشيله واسود من الخوف واعتذرت منه وقلت الرساله جتك غلط واسفين قال غلط هاااه ليتكم كل يوم تغلطون خخخخخخخخخخ وقفلته بوجهه وجلس اسبوع يدق ومارديت عليه لين مل واقتنع اني منب يمه :)

مره كتبت قائمة طلبات ابرسله لزوجي ارسلته لوحده مابيني وبينها علاقه قويه مجرد سلام وهي معرفتي فيها...