الإخوة والاخوات الكرام .....
السلام عليكم ورحمة الله
نعرض عليكم اليوم رسالة من بريد خدمة الرسائل الإجتماعية .....
جزاكم الله عنا وعن السائلة كل خير ....
تقول الاخت صاحبة الرسالة :
انا بنت عمري 23 سنه ومقوماتي الشكليه عاديه
جداً يعني مافيني جمال زايد ولا شي غير هالخلايق بس
الحمدلله ربي انعم علي بصفه حلوه اني محبوبه من
الجميع بسبب اخلاقي العاليه ولساني الحلو الى هينا وراح تقولين وين المشكله
المشكله انه الى يومك مادق بابي احد
ممكن تقولين لي عادي توك صغيره او حتى مافيه مشكله كثير بنات زيك
بس المشكله انه كل الي حولي بعمري اتزوجو وبعضهم جابو اطفال
الله يوفقهم ويهنيهم انا مااحسدهم بس شي غصب
عني اتمنى انه ربي يرزقني بزوج صالح يقدرني ويهنيني
وربي اني احس بغصه لما يقولون فلانه انخطبت او فلانه قرب زواجها ممكن تقولي
حسد او شي بس والله وربي اني افرح لهم من كل قلبي واتمنى لهم
السعاده والتوفيق بس شي غصب عني مو بيدي و
الي يزيد حسرتي عندي
اختي جميله بشهادة الجميع يعني من اكثر البنات في مجتمعنا جمالاً ودماثة اخلاق
ومع كذا وصلت لعمر 28 سنه وهي لسه مااتزوجت
الي يضيق صدري انه مافيه احد دق بابها يعني وربي مو عشانها اختي
بس يعلم الله انه اخلاقها عاليه وبنت ناس وكامله وماكامل الا وجه ربي
يعني الي يضيق صدري واشبع بكاء طوال الليل و
لمااشوفها تشوف عرض فساتين عرايس وتقول ان شاء الله لمااتزوج بخيط مثله
ولا لو انا بتملك كان شريت هالفستان اموووووت من البكى
لمااتذكرها واشوف الي اصغر منها والي بعمرها صار عندهم طفلين وثلاثه
وهي لسه ماجانصيبها انا عارفه انه كل شي مقدر من عند ربي
وهذا نصيبها
وانا مااعترض على قدر ربي
والله يرفع نصيبها ونصيب كل مسلم
بس اتمنى انكم تدعون لها ولي ولكل بنت بالزوج
الصالح الي يجعلها قرة عين له ويجعله قرة عين لها ويجمع
بينهم بخير عاجلاً غير آجل
بليييييييز
انا عارفه انه كلامي مشوش
بس وربي من كثر مافيني
ادعولي انه ربي يستر علي وعلى اختي وبنات المسلمين
ويرزقنا بالرجال الصالحين الي يملون عيونا ونملى عيونهم بكل مافيني
ويجعل عيوبنا في عيونهم ميزات وعيبوهم في عيونا ميزات
وجزى الله كل وحده ترد على الموضوع كل ماتتمناه
ولو ماقدرت وحده ترد على موضوعي على الأقل ابي منكم دعوه في ظهر الغيب
لي ولأختي ولكل بنت مسلمه بتحقيق ماتتمناه عاجلاً غير آجل
وبس
اسفه على دخولي في مواضيع يمكن تعتبر تافهه بالنسبه
للمشاكل الموجوده في القسم
بس ربي اعمل بمافيني
فلبي معاك ومع اختك وحاسة بكل البتقوليه عارفة ليه ؟ لاني نفس عمرك وما جاء النصيب بس دايما بيخفف على نفسي وعلى غيري اللسه ما جاهم النصيب باننا ندعو رب العالمين ونتفاءل خير بان نصيبنا قريبا إن شاء الله وبتذكر الحديث القدسي إن الله عند ظن عبده به - ظنيت خير ربنا إن شاء الله حيعطيك الخير..
اللهم يا رحمن يا رحيم .. يارحمن الدنيا والآخرة ورحيمهما ارزفني واختي صاحبة المشكلة وشقيقتها الازواج الصالحين عاجلا غير اجلا يا الله .. إنك سميع مجيب الدعاء