الله يجزاهن خير الاخوات اللي رفعن الموضوع عسى الله يسعدكن

ام امل .. علمتها بالموقع اللي ذكرتيه وقالت لي انه يطلع لها جمل غير مفيدة

وتبين الصدق انا سبق وجربته يطلعلي كلام مو مفهوم يعني مو مرتبط مع بعض كل كلمة لحالها

lama^love .. الله يجزاتس الجنة على محاولتس للترجمة الله يعطيتس العافية ياخيتي

لكن هي تقول ان الرساله من شغالتهم لشغالة جيرانهم وماعندهم سايق اصلاً بالبيت

دار ركيه .. مثل ماذكر باول الموضوع هي رسالة من شغالة اندونيسيه لشغالة ثانيه

يعني ان ترجمتها دواء لوالدها يمكن يكون هالترجمة بعيده شوي عن المحتوى لكن اشكر لتس تجاوبك تسلمين




بإنتظـار بقية الاخوات علشان نشوف اقرب ترجمة لمحتوى الرسالة

مدري ليه احس اني متفشلة منها .. لما تكفلت بموضوعها بصراحة عشمتها وعشمت نفسي اني بلقى تجاوب وردود بسرعه

لكن الى اليوم تسألني وش صار وقول لها للحين بنات حواء ماردن علي والله استحيت منها ليتني مانزلت الموضوع :(

لكن كنت ابي اساعدها .. تعرفن هالخدم ما ينأمن شرهم عسى الله يكفينا ويكفي الجميع

شغالتنا تقول انا ما اعرف كيف انا كلام عربي الله يستر علينا منهم و يكفينا شرهم

على كلام شغالتنا تقول الرساله مثل ماقلتي من الشغاله الى فوق تبغى تتعرف على الشغاله الي تحت تعرفها بنفسها تقول اسمي فاطمه من سوكا بومي جاوه بارات عندي طفلين صغار واحب زوجي مره ودايم على بالي .. ابي اتعرف عليك لأن كان في شغاله اول وراحت وجيتي انتي ... انا لي 3 سنوات باقي لي شهرين واروح

يختي خلوهم يتعرفون على بعض في هالغربه

ام امل .. علمتها بالموقع اللي ذكرتيه وقالت لي انه يطلع لها جمل غير مفيدة
وتبين الصدق انا سبق وجربته يطلعلي كلام مو مفهوم يعني مو مرتبط مع بعض كل كلمة لحالها

حبيبتي اللي اقصده انك تكتبين في قوقل منتديات سفاري اندنوسيا وبيطلع لك موضوع اسمه لنفس مطمئنه نترجم رسايل خادمتك واكتبي الرساله ويترجمها لك لاتروحين ترجمة قوقل لان الرساله مكتوبه بالعاميه اتمنى اكون افدتك