رسالة لعموم رواد المنتدى ((أحترت في تأثيث صالة منزلي)) ساعدوني

يا ريت لو تشرحين ألوانها او هل انتي بترجعين تطلينها من جديد
شو الأرضيه او بتفرشينها من جديد؟

أتوقع تحتاجين ألوان فاتحه عشان يعطيك وسع للمكان..
أنا انشالله راح امخمخ لج بس لو توضحين لنا مكان الشباك وين
والباب وين عشان نساعدج بشكل أفضل

اختارى لون فاتح احلى

الصاله لون ارضيتها عسلي فاتح سراميك والجدار ابيض والشباك في الجهه الغربيه في عرض 3متر والجهه الشرقيه بها بابين وبيت للدرج والجدارين الشمالي والجنوبي صامته وعرضها 5 متر

السلام عليكم

شوفي اختي انا بحاول اني اساعدج وانشاءالله صاحبات الخبرة بعد ما يقصرون عشان
يصححون أو يضيفون معلومات لنا ويعطون مقترحات تتناسب مع الصالة..

أول شي انا اللي فهمته انتي محتارة في توزيع الأثاث في الصالة
بعطيج مقترحات يمكن تساعدج..

مثلاً قبل التأثيث لازم نحدد

1- خط التوازن في الصالة (وهالشي انا سويته شوفي الصورة)
http://nazoof.jeeran.com/p1.gif


توزيع الأبواب والنافذه انا حطيته بدون مقاسات ولكن كتقدير مبدئي وأنتي راح
تعرفين أماكنهم وتحددين وين يتوزع الأثاث ..

2- لازم نحدد شو الاستخدام الأساسي للصالة (استقبال الضيوف، جلسة عائلية فقط متابعة تلفزيون
قراءة راحة استجمام) وبعد لازم نحدد كم أفراد العايلة اللي ممكن يستخدمون الصالة
بنفس الوقت عشان نوفر لهم مساحات.


هني أنا افترضت انها فقط لاستقبال الضيوف وطلع معاي هالتوزيع
http://nazoof.jeeran.com/p2.jpg

ولو لاحظتي صار التوزيع عندنا غير متوازن
عندنا مساحات في المربعين اللي جهة الأبواب هذي ممكن
تستغلينها تحطين من جهة كونسول وجهة ثانية ممكن رفوف مع مراعاة هل الأبواب
تفتح داخل الصالة أو خارجها، يعني تحطين شي يحقق التوزيع الصح للصالة

هني افترضت انها جلسة عائلية وأضفنا تلفزيون
وهذا توزيع متواااااااازن .. لكن
http://nazoof.jeeran.com/p3.gif
أحس الصالة صارت مكتضه والممرات مش عملية..


لذلك أقترح عليج تجربين تاخذين الكنب الكورنر
واللي هو تقريباً راح يوفر لج مساحه وقعده مريحة في حال كانت الصلة للجلسه
العائلية

وهني التصور التقريبي

http://nazoof.jeeran.com/p4.gif

رقمتلج المربعات عشان تعرفين وين عندنا أثاث كثير وأماكن الفراغات
اللي لازم تحققين لها توازن مع المربع اللي يقابلها ..


ونصيحتي عشان تعرفين توزعين
أخذي مقاسات الصالة والنافذه والأبواب
وقيديها كلها وأرسمي لها مخطط وقعدي
جربي توزعين الأثاث على هالمخطط
لا تنسين انه في عندنا خط توازن يضمن لج
توزيع سليم للأثاث, بالإضافه انه لازم
تراعين الممرات والاستخدام الرئيسي للصالة..

في المكتبات يبيعون رسومات للأثاث مع مقاساتهن
راح تساعدج في عملية التوزيع

واسمحيلي على القصور

روحــ لك ـــي
أعجبني ردك ، ماشاء الله عليك
وتوزيعاتك مقنعة ، تسلم يدينك
لو أيقونة الصور تعمل عندي لوضعت
لك ختم التميز ،،، لكنها ملحوقة إن شاء الله

رهاد
إن شاء الله تعجبك توزيعات روحــ لك ـــي
ومقترحات موف بالنسبة للألوان أيضا مناسبة
الله يوفقك