رسالة للي واثقة انها ما قصرت بحق زوجها بس هو عينه زايغة

بسم الله الرحمن الرحيم
السلام عليكم ورحمة الله وبركاته

قرات في المنتدى انواع واشكال من المواضيع
كيف تجذبي زوجك وكيف تخليه ما يناظر غيرك
وشمو تلبسين له وشنو تشترين من كريمات وعطور وتصرفين كل فلوسك على كشختك .

ووووو الخ .

صحيح بعضها اسباب تجذب الزوج .
لكن هناك تعارض مع قصة اعرفها واقعا .

احدى معارفي (( ماشاء الله لا قوة الا بالله )) جميلة جدا جدا جدا ما تخلي لبس جديد او عطر او اي شي الا شررته وجربته .
وعندها عيال وجسمها حلو وكل شي فيها مميز حتى زوجها من كثر الاهتمام فيه حسيته ملك .

المهم مع كل توفير السبل لارضاء الزوج
الا انه يسافر لدول مشبوهة . ومعروف قصته على مستوى العايلة انه صاحب نساء والعياذ بالله ويناظر البنات في المجمعات ويغازل بالتلفون الخ


اذا ما ذنبها هي اذا وفرت كل السبل ولم يمتنع عن الحرام .

هو شيء في نفسه لا تستطيع المرأة بكل السبل منعه .. لكن اقول لكم

الزوج تسخير من رب العالمين
ما تجيبه حركات العالم كلها

الحياة مو كلها فقط للزوج .. خصصي وقت تذكرين فيه ربك تناجيه وتدعين لنفسك ولزوجك بدعواتك .

ولا تشغلي نفسك تراقبيه ايش سوى وايش عنده . حسابه عند ربه !

لا تنظري لنفسك انك مو تارسة عينه وتبحثين عن الاسباب دائما .. صحيح غالبا في اسباب تنفر الزوج من زوجته .

لكن انا اتكلم عن اللي واثقة من نفسها وموفرة كل شي لزوجها . لا تفقدين الثقة بنفسك وتحسين انك اتعس انسانة .

اولا عيشي لنفسك واستانسي اذا تكشختي فهي لنفسك عشان تكونين الاجمل دائما مو عشان ترضينه ! واهتمي بنظافتك دائما مو عشانه هو لان النظافة من الايمان كل شي فكري فيه لنفسك بعدين فكري في زوجك

تنبيه ( هذه رسالة للي واثقة انها ما قصرت بحق زوجها بس هو عينه زايغة )

هذه لامبالاة بشكل غير مباشر !
مهتمة بنفسك لكن مو عاملة له حساب
عشان ما يقول ليه ما تكشخين لي ولي ما تنزينين لي انا مو زوجك الخ .؟!