رسالة من أب يتالم فقد جميع اولاده

انا جيت يدفعنى الشوق.
جيت وكلى الم .جيت اقول نسيتونى؟؟
نسيتوا ضحكتى وبسمتى نسيتوا طلعتى .........
نسيتوا وجهى ..شكلى..مشيتى؟؟؟معقولة نسيتونى؟؟؟؟؟؟؟؟
عشت نص عمرى لكم..........زهدت فى هالدنيا لاجلكم .......لبست ثوب واحد ما غيرتة لاجل اوفر لكم زادكم لبسكم .......وفسحتكم .......شقيت وتعبت .........راحت احلىسنين عمرى ماتهنيت علشان ابنى لكم بيت تسكنونة جميييييع جمييييع لكن للاسف تفرقتوا.
لية تباعدتوا تفرقتوا تباغضتوا انتوا ماتدرون انكم تجرحونى تقتلونى . وش اللى غيركم وكرهكم فى بعض؟؟؟؟؟؟؟
جمعتوا الريال فوق الريال ما ارسلتوا لى ولا ريال؟؟؟؟؟؟؟؟؟وانا اللى راح عمرى من مكان الى مكان ومن دوام الى دوام لاجل ما تحتاجون احد ولاجل تكونون احسن بشر ......لهالدرجة تحبون القرش؟؟

ايش؟؟؟؟اسهم؟؟تخافون تبيعون تخسرون ؟؟؟
مااسمع....الارض تخافون تبيعونها يرتفع سعرها
صدقونى احاول اسمع ........مشغولين تدورون وظايف؟؟؟؟؟؟؟؟بعدين ترسلون لى اذا توظفتوا؟؟؟؟
لا لا لا مااصدق الراتب مايكفى عليكم ديون ؟؟؟؟؟؟؟ وفواتير؟؟؟؟؟؟؟ ومصاريف؟؟؟
تبون تلبسون احلى لبس؟ والاسعار نار ؟؟؟؟؟
ياااااااااااااة معقولة بعتونى بالرخيص؟؟؟؟!!!!!!!!
حتى انا ترى كان فى زمانى يوم اربيكم فواتير وديون واقساط وكان فية بعد اسهم !!!!!!وكان كل هم الدنيا فية لكن عمرى قصرت فى حقكم ؟؟؟؟كنت اتعب واشقى ثم ابتسم والاعبكم تذكرون يوم اسوى لكم جمل وتضحكون؟؟ترى فى الليلاجلس احسب ديونى وانتوا نايمين اروح دوامى قبل لا افطر تذكرون ثوبى الزيتى ترانى كنت احب الابيض لكن فهمتوا لما كبرتوا ليش البس الزيتى؟؟؟
وين حبيبتى وين رفيقة عمرى ؟؟؟وين امكم ونوركم اللى نورت دربى ولاعشقت فى هالدنيا غيرها شاركتنى همى و غمى ودينى ورحت ماودعتها قولوا لها انى احبها
هاة يارفيقة عمرى كيف انت فى دنياهم عسى حسوا فيك ؟؟تعبت؟؟؟معليش تحملى واصبرى هم بدونك ولا شىء ولاشىءلكن مايدرون لاهين فى هالدنيا التافهة يتابعونها يحبونهاوهى عندهم غلا عيونهم اصبرى عليهم يمكن يصحون و يبكون لما يصحون اصبرى عليهم اذا انا ابوهم نسونى كيف انت ياللى معاهم وشايلة همهم ما نسوك؟؟سامحيهم وانا بعد بسامحهم لكن ....
بزورهم باحلامهم واصحيهم واقول النور بين ايديكم لاينطفىء .....تكفون التموا حوله...داروه..خلوه دايم يضوى .

و..............رغم كل شىء احبكم لانى عشت ومت وانا احبكم.......

أبوكم