أم مروان العسل* :

يا بنتي زوجك مو نهاية العالم ليه يا عالم تربطون سعادتكم وحياتكم بالرجال ؟ صح هذا مجتمعنا وهذي تربيتنا وقليل جدا تربى على الاستقلالية وحب الذات أغلب البنات تربوا ع أنه زوجك هو مصباح علاء الدين الي إذا تزوجتيه بيحقق لك كل آمالك وعشان كذا تلاقينها إذا تزوجت انقلبت كل حياتها احبه واموت فيه وحياتي ولاشي بدونه حتى بالواتس نشوف هالحالة كثير صح حبيه ما نقول شي بس مو لدرجة كل حياتك تصير هالرجال ماعاد لك حياة بدونه وإذا تزوج أو خان أو حتى ما سوا شي مجرد إنك مخليته كل حياااتك هذ لحاله كارثة وإنت وين نفسك ؟ وين حياتك ؟ وين صاحباتك ؟ وين علاقاتك بالمجتمع ؟ وين هدفك ؟ خلاص ؟؟ عشان كذا الوحدة تصير فارغة ع وصفك من أول صدمة فيه لأنها اعتبرته حياتها ولغت نفسها وشخصيتها .. بعض الناس حتى حالتها بالواتس ما تغيرها ما غير صورته وكلام حب عنه والله يحزنون الي مثل كذا تحسين خلاص ماعاد لها حياة بدونه حتى لو ما خان تبقى هي تخلت عن حياتها له .. ما أقول لا تحبينه حبيه واكيد بتحزنين وقت ما يتركك بس لازم تكونين إنت .. لازم تكون لك شخصيتك الي تخليك تقدرين تواصلين حياتك فيه ومن غيره .. خليه بالطقاق راح وخلاني هذا أكبر شي يخليني التفت لنفسي .. يعطيني بيتي وعيالي و مصروفي ويولي والله لأفل أمها وانبسط واحسسه اني تحررت من قيود كثيرة كانت محاصرتني بوجوده أكيد لابد من الحزن حبتين بس عاد ما الغي حياتي و اصير فارغة ع قولتك عشانه ليه وين اولادي ؟ وين احلامي ؟ وين اهلي ؟ وين علاقاتي ؟ وين هواياتي ؟ هذي كلها موجودة داخلي معه ما فرغت نفسي كاملة له ؟؟ فكري زين بكلامك واذا الطلاق يريحك يختي تطلقي ما وقفت الددنيا عليه .. بس فكري بأولادك لا تشتتينهم عشان عواطف .. ارمي العواطف ع جنب وخليك جدعة وفرغي نفسك لصداقاتك واولادك وتوظفي واشغلي وقتك وانسي الي حصل ..

يا بنتي زوجك مو نهاية العالم ليه يا عالم تربطون سعادتكم وحياتكم بالرجال ؟ صح هذا مجتمعنا وهذي...