رسالتي قبل دخول العمليه

السلام على كل من عطاني دقيقه من وقته
انا قصتي حملت وكان ينزل دم من بداية الحمل واستمر ولان اول حمل عانيت وماعطتني الدكتوره اى مثبت وقلت مانعطي شي واذ بيطيح بيطيح ولاني ماعرف شي تركت الامر واستمر الدم في زياده لين مازادبشكل مفجع وبسيلان فارحت الطوارئ وحطت لي تحاميل وطلعتني ومع المسكنات وتعذبت وانا
اطالع القطع اطيح وتعبت نفسيتي من المنظر ومن الأمي وبعدها طهرت.........
جلست سنه وحملت الحين وبدت معاناتي تستمر واستمر نزول الدم ورحت لدكتوره ثانيه عل وعسى تفيدني بإذن الله سبحانه وكتبتللي مثبت وانا قلبي بيدي ورجعت لها بعد اسبوعين وقالت في انفصال
وهذا بداية اجهاض ارجعي بعد اسبوع ومع المثبتات وراحه انشوف رحت ورجعت وسوت اشعه وقالت
شكل البيبي موعاجبها بهالاسلوب البارد وانا قلبي يحترق ودموعي حابستها وقالت المفروض عمره 10 اسابيع وهو7 وقالت اشوف القلب وماشفت نبض وانجنيت وسوت وماشفت نبض وقالت روحي
دكتورتك تتصرف وطلعت وبلساني كلمة لاحول ولاقوة الابالله لاحول ولاقوة الابالله
ذبحني شعور تمنيته وشفته صغير تمنيت يكبر بس الله اكبر من كل شي
ودكتوره ماعندها وقت بكره الصباح تنظيف وانا خايفه ارتعد لاني مرت بتجربه وتعبت نفسيا
لان طاح الاول قطع بدون عمليه بس تحاميل
وارسلتني لدكتور التخدير للكشف وسبحانه انا فيني سخونه وازكام والتهاب بلأنف فارسلتني لدكتور الانف والحنجره وقال معك التهاب ومراح نقدر نخدرك ونحط الانبوب لان راح ينزل الالتهاب الى الرئه
وانشوفك بعد اسبوع استعملي المضادات لين ماتروح السخونه لان خطره العمليه وانا مريضه
وطلعت ماشوف الدرب من البكا كل شي تجمع وكأن الدنياصكت علي وبكيت ودعيت ودعيت
ان كلامها يكون غلط عندي ماي زمزم ادعي واشربه وسبحان الله مافي دم ينزل ومر الاسبوع ويوم الاحد بعد بكره عملية التنظيف
وتصدقون كل شوي احط يدي واحس بنبض واتمنى يكون كلامها غلط وان شاء الله يكون غلط او مابين النبض لها وبكره بقولها تسويلي تلفزيون يمكن يبان النبض قبل ماسوي العمليه
يااااااااارب هذي قصتي للفايده ان الله اذاكاتب الشي كاتبه وللعبره والشكر على اي انسان انعم الله عليه بجنة الحياة الدنيا البنين فاللحمدلله والشكر وياارب تعطي غيري وتعطيني الجنه
وسبحان الله تاخذني الافكار ان يمكن خيره تاخرت العمليه لاني مريضه ويمكن ان شاء الله ان حي باذن الحي القيوم السموح لاني طولت بس حبيت اقول لكل من بحالي اوافضل اواضعف ان لوقريتي
همي كيف انتظر الحمل ولماافرح لاصار اتقطع لاراح الحمدلله ابي بس استشاره ودعاء من قلب محب
لكم ولي واستشاره ان انتظر او اذثبت ان مافي نبض اسوي التنظيف وشكرا والله لايوريكم مكروه