رسالــــــــة عتـــــــاب للغالي على قلبي

السلام عليكم ورحمة الله وبركاته

خواتي العزيزات اطلب منكم هالطلب ورجائي فيكم انكم تساعدوني فيه وتفكون الضيقه اللي في صدري لاني ما عدت اتحمل اكثر من كذا ...

انا متزوجه صارلي سنه ونص بالضبط والفارف السني بيني وبين زوجي ماهو كثير يعني تقريبا 5 او 6 سنين فقط من دولتين مختلفتين لكن كلنا خليجيين والحين حامل منه وبدخل بشهري الرابع ..

مشكلتي يابنات ان المشاكل بيني وبين زوجي كل مالها وتزيد ومعاها يقل احترامه وتقديره لي مع اني من عائله جدا محترمه ومعروفه بالكرم والاحترام حتى لاعدائنا .. وانا تربيت تربيه بلا فخر احسد عليها واحس بقيمتي وبقيمة اهلي لما اشوف بنات بدرجة فظيعه من الدناءة والقذاره وتهمها المواضيع اللي هدفها الرذيله وعدم احترام الذات من علاقات غير شرعيه وما الى ذالك .. انا انسانه ملتزمه بزيي الاسلامي وملتزمه بنصوص ديني واطبقها بكل حب وبنيه صادقه .. واهم شي المكنون ..

زوجي يبغاني نسخه اصليه من اخته اللي حياتها عباره عن تعقيد في تعقيد .. الحمد الله كلنا نصلي وعارفين ربنا وديننا ونسعى دائما للاحسن اما هي بعين زوجي لا صلاتها غير ... لبسها !!! اذا هي لابسه عبايه على الراس لازم انا البس عبايه على الراس مع انها تسوي اشياء من دون ما يدرون عنها اهلها واخوانها لكن قدامهم لا انا احسن وحده انا مواظبه على صلاتي وما اكلم شباب وهي عندها تليفونين واحد محد يدري عنه ولبسها يجيب المرض دراريع وبس .. وربي مستحيل البس قدام زوجي دراعه وشعري منفوش مثلها وربي ما اقدر ومشكلته انه مأييدها بكل شي ويبغاني اصير نفسها طيب انا انسانه لي شخصيتي وكرامتي مستحيل اقلد احد وليته لما يطلب مني اشياء اسويها مثل عباية الراس انه دين منه لا سيطره وبس لانه لا هو متدين ولا شي واذا مشيت بالسوق يدخل اي محل انا ادخله حتى لو كان متروس نساء و يراقب مشيتي وكأنه وبلا مبالغه يبغى يمحيني من الوجدود لانه عيب امشي بالسوق مع اني متستره وما تهمني نظرات الرجال ولا حتى الحريم اللي بالسوق واي شي اسويه لازم ينقد عليه الفاظه بذيئه لدرجه اني استحي من نفسي احيانا والمشكله اذا رفع صوته علي والا هاوشني دائما ساكته هذا اللي انقهر منه صرت اكره نفسي واتمنى اني ما انخلقت حتى وانا حامل يحب يشوف دموعي ويستهزء فيني كأني مو انسانه واهم شي بالدنيا اهله مع اني ما سويت اي مشاكل معاهم هو صدق انه حياتهم مو عاجبتني لان الرجال يسيطرون على البنات حتى لو ان البنات اكبر منهم ولازم يحترمونهم حياتهم تعيسه تجيب المرض لكن وربي بعمري ما بينت اي شي لهم من هالكلام بالعكس احب امه وابوه واحترمهم وخواته اتصل فيهم من فتره لفتره اسأل عن اخبارهم لكن هم ما يردونها لي يعزمون بعض ولا يدعوني يتكبرون علي وما ادري على ايش كأني حاسدتهم على عيشتهم التعيسه واذا صار عندهم عزيمه ما يتصلون علي ويعزموني لا يتصلون على زوجي ويقولون له قول لزوجتك ترى عندنا الليله عشا حريم وخلها تجي ويا ويلي اذا كنت تعبانه وما رحت اليوم هذا راح يكون جحيم .

ادري اني طفشتكم لكن والله اني محتاجه رد منكم يهون علي ...
ابغى رسالة عتاب لزوجي اعاتبه على اهماله وسيطرته علي اللي مالها اي معنى لاني احبه واحترمه ولا اناظر احد غيره وان اهله هم اهلي وتاج راسي وان كل انسان له كرامه وشخصيه محد يقدر يغيرها ...

انتظر منكم رسالة عتاب ويارب انشاالله ما كنت مثقله عليكم