رساله الى كل بنت تكلم واحد متزوج

بنات انا بكتب هالرساله عل وعسى تأثر في البنات اللي يكلمون رياييل متزوجين


طبعا البنت اللي تكلم اي واحد سواء متزوج او لا هذي معصية كبيره وغلط كبير بحق نفسها وربها واهلها ودينها وحتى مجتمعها


بس بعضهم يتحجج بالحب وان النية زواج

انا ماراح اتكلم عن البنت اللي تكلم


لا انا بخص رسالتي حق البنت اللي تكلم متزوج تحديدا بعرف ليـــــــــــــــــــــــــــــــــــــــــش


ليش تخربين بيت وتضيعين مستقبل اسره كامله حق شنو وعلى شنو ومافي هالبلد الا هالولد والا ماحلا بعينج الا لما دريتي انه متزوج



في بنات يدورون المتزوج تقول انا مليت من اللي ماعنده خبره ابي متزوج وتدش معاه بعلاقه عميقة وتخليه مايلتفت لزوجته وبيته وبعدين شنو النتيجه غير الطلاق



يابنات انا اعرف ثلاث بنات توهم متزوجين العام تطلقوا بسبب اكتشاف خيانة الزوج ووثنتين منهم يقولون عرفنا منوا يكلمون ازواج بنات ماتعدت اعمارهم 18 ويدرون ان اللي يكلمونهم متزوجين


السؤال ليـــــــــــــــــــــــــــــــــــــش


تسليه على حساب بيت واسره



ترضين تسرقين وقت مو وقتج ترضين تسولفين مع واحد مفروض مو انتي تسولفين معاه ترضين تسمعين عبارات حب وغزل الواجب والاجدر ان الزوجه تسمعها مو انتي





ترى الدنيا دواره وهالسالفه بالذات دين وبيرد باجر بتتزوجين وبيخونج زوجج وبتذوقين الحره وبتحسين ساعتها لومي نفسج لاتلومينه


مثل ماخربتي بيوت الناس بيي يوم يخرب بيتج انتي تدرين ان علاقتج بهالمتزوج فتره وتعدي وتنسينها من حياتج لاتزوجتي وعقلتي بس شعقبه عقب ماخربتي بيوت بسواياج


بس تأكدي ان الله يمهل ولايهمل ودموع الزوجه المسكينه ماتروح عند ربج هدر وماتضيع ودعاءها بتالي الليل ماراح تنجين منه

وبجيها وحوبتها وين بتروحين منها تأكدي كله بيردلج وكما تدين تدان


تبين تعيشين بسلام وراحة بال وتحبين زوجج اللي بيي بوقته لانه نصيبج لاتخربين حياة الناس وتضيعين اسر وياكثر المطلقات بالسالفه وامهات عيال حرام ياويلج من الله

وين بتروحين من ذنبهم


تدرين اي جرح تحس فيه المطلقه لج ذنب فيه


تدرين لو يضيعون هالعيال بسبب التفكك الاسري لج ذنب في ضياعهم

لو تضيعيع بنت اللي تكلمينه لاكبرت بتقول ماكان عندي ابو يحتويني


من اللي ابعد ابوهم عنهم وعن امهم مو انتي يعني لج ذنب


لو يضيع الولد ويماشي رفقاء السوء بيقول مالقيت ابو ينصحني ويصادقني من السبب في بعد الابو عن بيته وعياله وامهم موانتي


بذمتج اي متعه واي تسليه هذي اللي تحسين فيها


تراها تجر بلاوي وآثار ماراح تسلمين منها



الشيطان شاطر ووندري من زمان ولعلمج اشطر شيطان هو اللي يفرق بين الريال ولزوجته لان الشيطان يدري بأهمية هالعلاقه


فلاتخلين الشيطان يستخدمج طعم للتفريق بين الزوجين ويسوي اخبث عمل عنده


حبيبتي انا ادري انج غلطتي بس باب التوبه مفتوح وتوبي لربج والله يقبل التوبه الر حمن الرحيم


حبيبتي لاتقضين على حياتج ومستقبل عيالج لانج لو قضيتي على اسرة بيرد عليج وعلى عيالج فكري بعقل وتعوذي من ابليس الرجيم وتوبي لربج وتركي هالريال الخاين لاتقولين اذا انا خليته بيكلم غيري لانه بيخون بيخون من مني منه


لا ياحبيبتي انتي سوي اللي عليج وغيري بيسوي اللي عليه وكل وحده منكم لو تترك المتزوج لبيته وزوجته بيردع ومرده لزوجته

والاهم ياحبيبتي التوبه لله ترى اللي تسوونه جريمه والله كبيره وحــــــــــرام بس كلي امل ان الرساله توصل وتتعظين








طبعا هالرساله حق البنت اللي تكلم واحد متزوج واتمنى انها توصل وتتوب والله يكتبلي اجر توبتها ويكتبلكم ان شاء الله

__________________
قال الشيخ ابن عثيمين *رحمه الله* أفضل الدعاء ]((اللهم اني أسألك الأنس بقربك))


يتحقق للمؤمن فيها أربع :

1- عز من غير عشيرة .

2- علم من غير طلب .

3- غنى من غير مال .

4- أُ نس من غير جماعه .

عقب كل صلاة شرايج تقرين اربع صفحات من القرآن ...... النتيجة تختمينه بشهر
ادعولي ان الله يسهل لي كل اموري وييسرها لي ويخليلي امي وابوي واخواني وخواتي وعيالي وابو عيالي
تحياتي