هذا ردها بنسخه لكم لانها شافت ردودكم بس ماتبي احد يعرفها وهذا ردها لكم


اااه اه اااه شكرا لكم :44:والله حسيت انكم اخواتي نصحتوني من قلبكم الله يجزاكم خير والله افرحني خصامكم لي اكثر من الطبطبه وعارفه انكم تبون مصلحتي بس والله لو تعرفون اللي بي تعذروني ولالي امل بالزواج نهائي لكن قلت اجرب هالمره دام باقي حبيب القلب يبيني ويدورني وانا والله احتاجه حاجة الارض الجدباء للماء تعذبت بهالدنيا عذاب محد يدري عنه لكن الحمدلله ربي عوضني وارتحت والحين جاني اللي احبه يبيني وباقي عنده امل نتزوج لكن ظروفي الخاصه اللي حتى امي ماتعرفها تمنعني من الزواج الطبيعي مااقدر اقولها لكم لكن كلامكم هزني واثر فيني وحسيت ان زواج المسيار مايصلح ورح يأثر على اطفالي اللي ابي اجيبهم لذلك رح افكر واعيد حساباتي واحكم عقلي قبل اوافق على الزواج لانه يامسيار ياعزوف عن الزواج للابد انا مابي اظلمه ولااصدمه ولااخرب سمعة احد انا انسانه اشقتني الحياه شفت مصايب وماارتحت الا قريب حياتي كلها شقى في شقى يوم دق بابي وقال احبك وابيك رجعت بي السنين ورى كثير حسيت اني بحلم حسيت مثل المطر اللي نزل على ارض يابسه رجعتلي مشاعري اللي دايم اكبتها واحاول اخنقها وامحيها رجعتلي الحياه الدم تحرك في قلبي حسيت اني كنت ميته ورجعت للحياه حياتي طول عمري مسخره للي حولي اعطي واهتم واصرف واشيل واحط وولدي اعطيته وكرست حياتي له حتى اللقمه كنت اشتهيهها واقول لا هو يحبها بخبيها له والله كنت اجوع عشانه وعشان دراسته والحين حسيت الامل رجعلي بالحياه والحب والحنان اللي ماعرفته بيوم وفكرت انجب طفل يكفيني لان الاطفل يبيلهم اب وام ومصاريف وتعليم وحياه مستقره فما في بالي احمل كثير بعد ارادة الله
لكن بعد ردكم لازم اسيطر على مشاعري وافكر زين واستخير صدقوني كل حرف كتبتوه اثر فيني وخلاني اعيد حساباتي وكل امر الله خير ومافي تعب بدون اجر والحمدلله على كل حال شكرا لوقفتكم ورايكم الله يوفقكم جميع

بتندمين إنه زواج مسيار قد شعر رأسك وتشوفين وراح تتذكرين كلامي زين

مع احترامي لك أنت تنظرين للأمور من زوايا محددة وتتخيلين الدنيا بتمشي على ما تتوقعين

لا يابعدي خلي نظرتك أفقية وانظري للموضوع من جميع الزوايا وحطي كل الإحتمالات

تبين نصيحتي وهو الشي اللي بسويه لو أنا بمكانك وأنا مغمضة بعد

أتزوج ولد خالتي زواج عادي مافيه قوة في الأرض تمنعني من حق الزواج العادي لأنه هو الاستقرار وخلي عنك من الأفكار العجيبة اللي لو بغى يتزوج زواج عادي ويكون أسرة ماعندك مانع ياشيخه صراحة مدري كيف تفكرين ترى ممكن يتزوج ويسحب عليك وعلى اللي خلفوا ويروح مع زواجه وبيته المعلن وانت اقعدي وعضي أصابع الندم على مثاليتك الزائدة وعيالك حطي ببالك بعد ان ممكن كلن يتزوج ويروح عنك أو لا قدر الله يعقون فيك وتروح تضحيتك عليهم خسارة

سبحان الله استغرب من طريقة تفكير بعض الناس هذا مثل اللي يقول خذ خير قال مامعي ماعون

فعلا من كلامك عن نفسك وانك تبين وتبين شخصيتك انانيه يمكن الظروف خلتك كذا بس لاتنسين ان يبي زوجه تنام معه ويحس بوجودها بين اطفاله ولو بغى الاستقرار اتحدى منك توافقين
مرا صعب قدام اطفالك لاكبرو تكونين زوجه بالمسيار ومن الاصغب انه يتحمل وضعك لاتخوضين تجربه طلاق ثاني واطفال
انتي قاعده تتعبين عمرك بالمسيار



وتبين الصدق مخي ماخلى ولاسبب خاص يمكن يخليك تهربي من الزواج العادي وماني قادره اتخيل هالاسباب اللي تخليك تغامرين بنفسك


واللي رزقك بزوج يحبك يرزقك بتحسن ظروفك

الله يكتب لك الخير
استخيري ولاتخلينه ياخذ فكره سيئه عنك منتي قد الزواج ارفضيه ودوري مسيار للي يبي المسيار مو لرحال تقدم لك ويبيك شريكه لحياته علطول


سبحان الله وبحمده عدد خلقه ورضا نفسه وزنه عرشه ومداد كلماته

شوفي يا اختي ما نقدر نعطيك رأي بمصداقية الا لما تقولي السبب

فكرت كثير في السبب وعجزت القى لك سبب يخليك ترفضي الزواج الشرعي وتقبلي بالمسيار

الولد ابوه متنازل عنه لك وهو فاقد للاهليه ومستحيل يطالب فيه
انتي الله منعم عليك
واهلك ما راح يعترضوا

وين السبب يا اختي
هل هو سبب صحي مثلاً ؟؟
يمنعك من المعاشرة باستمرار
عشان كذا المسيار افضل لك ؟؟!!

يعني ما فكرت الا بهذا السبب

يمكن عندك سبب صحي يمنعك
عشان كذا قابلة انك مسيار وهو يتزوج بعدك زواج شرعي عادي

بتكرهينه فيك باسلوبك هذا
زواج مسيار وبشقتك وبفلوسك
وهو داخل بمجهوده
صورة البنت اللي يحبها وعشق الطفولة بتنتهي بعد زواجكم بفترة
لانه بيشوفك انسانة مستغنية بشقتها وبفلوسها وتبيه يطل عليها كل فترة وبس

وطبيعي بيتزوج غيرك وبتأيدينه في البداية بس
بعدها بتتفتح عيونك وتنهبلين
الصرف والفلوس والدلال للثانية لأنها دخلت عليه وهي محتاجته مثلها مثل اي حرمه
وانتي لك الكرف والتطنيش لانك من دخلتي عليه وانتي مستغنية

يا تزوجيه زواج مثل الاوادم الطبيعيين ولا لا تتزوجينه
ا