رساله لدنيا حزينه ،، ولكل مصاب في فقدان أحبته،.

الحمدلله على كل شي ...
الله يصبر قلبك ويعوضك بخير.،
صح الفراق صعب جدا وهذي سنة الحياة.
لااااااا تعذبين نفسك بالتفكير !!
هذا يسمى :(بالتعذيب الذاتي)
((كلنا بنموت مفروض نحزن على حالنا لاننا ماندري وش مصيرنا.))
.
أما الناس اللي ماتوا ندعي لهم ، وهم راحوا عند خالقهم، وهم في راحة لايعلمها الا الله،
.
بعض الاحيان أشوف أقاربنا اللي ماتوا مبسوطين عكس يوم كانوا موجودين في الدنيا كانوا مهمومين وفيهم أمراض ،
بس سبحان الله بعد ماتوا تغيرت حياتهم في الاخره صارو مبسوطين في البرزخ ومستانسين وفيهم نور ماشاء الله حتى ماأشتاقوا للدنيا ولا لأهلها،..!!
.
ادخلي على اليوتيوب وشوفي مقاطع العائدون من الموت تمنوا إنهم مايرجعون للدنيا..
سبحان الله ، (الله رحيم بالكفار فما بالك بالمسلمين وأطفالهم. )
قسم بالله كلامهم نفس اللي اشوفه انا بالمنام ،،
(يعني الاخره حق والبرزخ حق والجنة حق.)
((ولو يسئل الان طفلك ويخير بين الدنيا والاخره صدقيني راح يختار الاخره لانها راحه بال وراحه نفسيه .))
.
اخوي يوم كان معنا كان في هم وضيم ومشاكل ، بعد ماتوفى في حادث ،صرت أشوفه في منامي مبسوط وأشوف حوله نور وأشجار خضرا ، ويتمشى مع أجدادانا اللي سبقوه، وكأنه حي مو ميت،
.
وجدتي شافت في منامها زوجها وأبوها المتوفين يتمشون في مزرعه ، تقول مزرعه ماشافتها بحياتها كلها جمال وخضار وراحه نفسيه،
تقول تمشت معهم وهي سيدت وهم خذو لفه وقالوا لها امشي معنا يافلانه ، قالت واّلله اعذروني انا بطلع فوق الجدار ذا لاني اشوف بيتي ، فطلعت ورجعت لبيتها اللي معها ألحين وصحت من نومها ،
تقول لو مشيت معهم كنت ميته ولحقتهم ،
وبكت قالت :( عمر الشقي بقي)
قصدها ذاقت الشقى والتعب من الدنيا وتتمنى تلحق أولادها اللي ماتوا وعددهم سته وزوجها وامها وابوها ،
تقول هم تركوني وإلحين هم مبسوطين ومرتاحين وانا في هم وتعب،
قلت لها ياجده انتي حزينه من فرقاهم ؟ قالت لا !! قلت وشبك تبغين الموت ؟ قالت ابغى ارتاح مثلهم ،
لانها عارفه انهم في راحة وسكينه ،.
تذكري ياحبيبتي إن الموت راحه من كل هم ومن كل مرض ومن مشاكل الدنيا .
(تخيلي لو مافي موت ؟!؟! قسم تصير الدنيا عذاب وأهوال لنا.)
الله رحيم بعباده ويعلم انك اذا صبرتي و احتسبتي لله وشكرتي الله راح يرزقك من فضله في الدنيا والاخره ويبني لك بيت الحمد في الجنة،
وتشوفي ولدك ينتظرك في الجنة وبيكون حجاب لك من النار ،
.
طريقة نسيان وفاة الشخص عن تجربه :،،
اختمي القران في ثلاثة ايام وتهون مصيبتك وبتجف دموعك،بإذن الله ،
ابدأي من بعد صلاة الفجر حتى الظهر كل يوم عشر أجزاء بدون توقف.
يعني عشر اجزاء كل يوم من الفجر حتى الظهر او العصر على حسب قرائتك..
و بعد ثلاث ايام من الختم صلي ركعتين و أدعي الله انه ينسيك موت ولدك ويهون عليك و يصبر قلبك ويبعد عنك الحزن .،وراح يذهب عنك الحزن إن شاء الله.
وتعوذي بالله من الحزن في اليوم مئة مره أو أكثر.،واستغفري كثير ،
.
وتري الشيطان له دور في حزننا ويبدأ بالوسوسة ،والسبب لان عمره طويل وماراح يموت الا بعد ماتقوم القيامه، فهو قاعد يستغل ضعفنا ويبعدنا عن الله،
تعوذي بالله منه عشان ماتضيعين في شباك وسوسته.
تري مو انتي اللي تقول انا السبب في موت ولدي !! هذي وسوسة إبليس أعوذ بالله منه،، لانه يبغاك تعيشين الحزن والضيم ويفرح اذا شافك تعبانه،،
ان شاء الله تستفيدين من كلامي ، والكلام موجه لكل مصاب ومصابه،، واّلله يعينا جميعا..
وصلى الله وسلم على نبينا محمد وعلى اله وصحبه اجمعين ...
آسفه على الاطاله.،،،،