رساله لكل البناتفي النقل ويليت تشارك ف الرد ام سوسو ولا يهون الباقين

انا لما نقلت من بيتي استفدت من الاخوات جزاهم الله خير
اول شئ تجيبي كراتين كبيره وشطرطون وقلم وجرايد او اوراق لف ..... كل شئ تحطينه بكرتون تسكرينه بشطرطون وتكتبين عليه وش موجود فيه واذا فيه ادوات للمطبخ او تحف لفيها بورق او جرائد علشان ماتنكسر او تتخدش والي تحتاجينه لاتسكرينه الا اخر شئ ....
ابدئى بالمطبخ وخلي الاشياء الضروريه الي تحتاجينها والملابس بعد وخلي الي تحتاجينه بشنطه
الموكيت والاشياء الثقيله جيبوا عمال ينقلونه بلحظه
ومنزل مبارك يارب

اخت ملاذ يعطيك العافيه يارب ع ردك السريع وربي يجزيك الخير ويوفقك ف حياتك...تسلميييين ع الفايده وان شاء الله راح اسوي زي ماقلتي

الله يعينك ويوفقك منزل مبارك حبيبتي

الله يعينك يارب لازم شركه نقل

في شكات لم المواعين اذا حبيتي واذا لا انتي حطيها بكراتين وحطي بينها مناشف عشان ماتتكسر اما الملابس والاشياء الشخصيه حطيها كلها بشناط سفر بالتوفيق

اول شيء احب اقولج : منزل مبرووك باذن الله وعامر والله يسعدكم ويهنيكم يارب ..


اولا بتحتاجين شركة تنظيف . اتنظف لج البيت .واذا عندج امكانيه هاتيهم على مرتين , مره قبل لا تحطين العفش وبعد ما ينتهي كل شيء .


نبدا بسم الله /

بتحتاجين الى :
كراتين كبيره + شنط

ابداي فالملابس : بتحتاجين شنط + كرتون لجرد الملابس " اكيد بتجردين ملابس تبرعي فيهم .

خصصي شنطه خاصة لج /
وشنطة لزوجج /
وشنطه لاولادج /


وكل شنطه اتروح للغرفه الجديده . ويوم تنتقلين افرزيهم .او كل مره ابداي غرفه وافرزي الملابس .

وخلي عندج فالبيت حاليا كمن لبسه وكمن بيجايم ..
______________________________

خصصي كرتون للكهربائيات المطبخ /
حطي فيه جميع ادوات الكهربائية الخاص للمطبخ واكتبي على الكرتون / كهربائيات المطبخ

_______________________________

خصصي كرتون اتحطين فيه الكوبات والصحون وحاولي اتلفيهم بالجرايد عسب ما تتكسر .
ولا تنسين لازم تكتبين على الكرتون للمطبخ على عشان يسهل عليج النقل / واكتبي قابل للكسر

_____________________________________


هاذي اهم الاشياء اللي تاخذ وقت في النقل .. والباقي بيكون سهل عليج.ابداي بنقل العفش ..


والله يسهل عليج يارب ..

ونصيحه مني / لاتنسين تشغيل سورة البقره فالبيت .

تقبلي مروري / اختج ام عبدالله





.