رساله للسعوديات وسؤال لهم !

السلام عليكم ورحمة الله وبركاته

طبعا انا ما اعمم لان فيه ناس غير كذا ولكن لاحظت هالظاهره منتشره هالايام
زرت وحده قريباتي ببيتها الجديد
البيت ماشاء الله جميل و مرتب
بس مو لها:06:
متخيلين ان الدور اللي تحت كله مجالس حريم ورجال 
قلت لها وين تجلسون قالت تعالي للبدروم واخذتني للقبو وجلستهم جدا عاااااديه واقل من عاديه لدرجة ان لاجلستي على الجلسه الارضيه تتكسرين وتنمل رجولك منها :06:
غير كذا مافيها اثاث واجد فاظيه تحسينها حتى اشجار او لوحات مافي وبنفس الوقت تكتم مافيها روح اببببد 
قلت لها كان حطيتي كنب امريكي على الاقل 
قالت لا عادي ابد جلستنا لحالنا عادي 

انقهررت 
حرااام مفروض الدور اللي تحت قاسمته نصين نص للظيوف ونص لها هي وعيالها علشان يسبحون ويلعبون بالحوش
تقول لا خليه للظيوف احسن علشان اتجمل عند الناس
وزرت وحده من صديقاتي نفس الشي بس الفرق جلستهم بالصاله اللي فوق وما اهتمت فيها شينه وتظيق الصدر 
لييييش كذا عندهم فلوس مو ناقصهم ماشاء الله
حرااام تدفعون ازواجكم وتدفعون بدون ما تنبسطون ببيتكم 
مفروض غرف جلسة العائله على المسابح والحوش 

انا ما اقصد خلو غرف الضيوف نفس غرفة العائله
اقصد اعطوها اهتمام شوي اشجار وشوي لوحات وخامة الكنب والجلسه الارضيه لازم تكون مريحه و الوانها تشرح الصدر والاضائه كذالك حطي ابجورات ناعمه وهاديه وابعدو عن اللمبات البيضا لانها تشهب الوجيه وتشهب المكان:hahaha:
كل واحد حر ببيته وموضوعي مجرد تساؤول ليش جلسة العائله مهمله
انا ما اعمم فيه ناس غير ولكن لاحظت بدت تنتشر هالظاهره
الموضوع للنقاش مفتوح قد اكون غلطانه بس ابي اعرف لو بنيت مستقبلا وش المشكله اذا اعطيت العائله حقها من البيت ؟ 
اما دور كامل واحواش للظيوف اللي بالسنه مره حسيتها قويه