رساله من اخوه وصلتني للانفجار عقب ماكنت ساكته عنه ...

السلام عليكم ...

وش الحل مع زوجي ..كل ماطلبته يصلح شيء بالبيت وإلا يعدل شيء قالي ارفقي علي واقتصدي مو انتم تبون بيت ملك مثل العالم وووو .. ومن هالاعذار وهو مستحيل يقدر يمسك فلوسه راعي تسليف يسلف الناس ويرفض انهم يردونه واذا قلت شيء قال تفريج كربه وعلى اجر ان شاء الله ومهو ضايع عند رب العالمين ومن هالكلام لدرجة ان اخوانه تاصل فيهم الى انهم لاطلعن الرواتب ياخذون بطاقة الصراف ويسكت مايعلمني حتى ما اناقشه ودايم ربي فاضحة عندي وانا اطلبه من تزوجت مبلغ شهري الف ريال وحتى لو مية يلعب علي بالكلام انتي تامرين وماراح يصير الا اللي يرضيك وو ولا اشوف ولا شيء واخوانه من يرسلون له نبي على طول تحويل واذا قلت شيء قال انا واخواني نصلح وماعليك منا قاهرني من هالناحية طيب مثل ماتعطي اخوانك عطني وحتى ملابس بناتي يرفض اشتري لهن غالي يقول اسراف وش بيعرف الناس وهذي مظاهر ووو والحمد لله اني عندي ذهب فكل ماجت مناسبه بعت منه وشريت لهن شيء زين للمناسبات بس ودايم ملابس البيت والطلعات الخفيفه من الهرم والشامل وانا راضية بس المناسبات الكبيرة هي اللي ابي الماركات لانها تكون اكشخ ولها مظهر هلى الطفل

واللي خلاني اكتب الموضوع خلاص قربت انفجر امه تبني لها فله و شفت رسالة من واحد من اخوانه على جواله مرسله انه طلع الراتب ارسلي مبلغ وقدرة حتى تساعده هو وامه في البناء وان هالفله بتكون دور لامه ودور له وارسله بنفس اللحظه وحتى ارسل له اخوه ان الفلوس وصلت وانا اطلبه اغير غرفة بناتي وافتحها على غرفتي وانقلهن عنا ويقولي الشهر هذا مظغوط وعندي اشياء كثيرة وهذا كلامة قبل الرساله وين ظغوطة وهو مرسل مبلغ لاخوه آآآآآآه يالقهر وزيادة الطين بله ماراح يكون لنا نصيب ابد من هالفله زوجي بس يدفع وهم يسكنون ويستقرون وهو ياكلها بكثر القروض والسيارات اللي عليه

احس اني خلاص بنفجر وضغطي من قريت الرساله وهو مرتفع وهو اللحين نايم وماعنده خبر اني عارفه بالموضوع قدرا وانا اناظر جواله وطحت على هالرساله والمغرب راح يقوم ويتقهوى مدري كيف اقدر امسك اعصابي وغير ان امه يحول لها شهريا الف ريال وهي لا اطفال ولا بيت اجار ولا عيال تخاف يضيعون من بعدها وهو وضيفته الحمد لله زينه بس كل اخوانه وضايفهم احس بكثير منه