بسم الله الرحمــــــــــن الرحــــــــــــــــــــيم
من سنن الله في الحياااه ان يقدر ع بعض عبااده شيء من البلاااء ..فالانسان يصبرويحتسب ..فكل وحده ابتلاها الله .. بذكرها
بقوله تعالى ( وبشر الصابرين )
وقوله تعالى : (ولنجزين الذين صبروا أجرهم بأحسن ماكانوا يعملون)....
وصلتني رساله ع الخاص من عضوه معنا قدر الله سبحانه وتعالى عليها وابتلاها بشيء معين ومن حقها ان تطلب من اخواتها هنا يدعون لها بظهر الغيب فقد توافق ساعة استجاابه بإذن الله..
احد العضوات الله يهديها ارسلت لها رساله تتشمت بوضعها.. والله اني الى الان ماني مستوعبه ولا مصدقه اللي قريته ..هي تقولي تعبت نفسيا وانا والله اني تعبت معها ولاادري وش اخباارها لانها انقطعت بعد هالرساله...ابي اعرف هالبنت اللي ماعندها لاذمه ولاضمير ماهي خايفه من عقاب الله ..ماهي خايفه من دعواتها عليها ..ماهي خايفه ربي يعافي البنت ويبتليها ..وترى اذا ماجاء البلاء فيها بيجي بعيالها وبناتها.. الدنيا قضاها منها وفيها ..وعقابها لو مااخذته بالدنيا بتاخذه بالاخره..
"لا تُظْهِرِ الشَّمَاتَةَ لأَخِيكَ فَيَعافيه اللَّهُ وَيَبْتَلِيكَ"
"من عير أخاه بذنب لن يموت حتى يعمله "
والله اني افكر فيك ياللي ارسلتي واقول معقوله ارسلتي الرساله ونسيتي الموضوع.. معقوله ماانبك ضميرك ومارجعتي تعتذرين ..معقوله تاكلين وتشربين وتنامين ومرتاحه وماعندك اي مشكله وانتي مرسله هالكلام الجارح..والله لو كانت غلطانه عليك مايهوون .. فكيف لو كانت كافه خيرها وشرها ...
والحين انتي مرسله ع الخاص يقالك مسويه حسنه ..ليتك خليتيها ع العام علشان نعرف نرد عليك ..
اما تجرحين البنت وتمشين بكل سهوووله.. مادري وش القلب اللي عندك ...
الله يعين اهلك واللي حوالينك عليك هذا اللي اقووله..
يابنااات حنا هنا خوات.. المفروض تصير قلوبنا ع بعض ..نوقف مع بعض ونراعي احاسيس ومشاعر بعض.. المريضه والمبتلاه نصبرها ..اللي محتاااجه دعاااء ندعي لها.. اللي ع خطاء نرسل ع الخاص نوجهها بالاسلوب والحكمه ..ليه التجريح والسب والشتم وكاننا معمرين بهالدنيا ولا ورانا مووت وحساب ..
الوحده اذا مو مرسله كلام حلو بلاش رسايل تفك الناس من شرها بس..
ياليت الوحده تفكر قبل تكتب اي شيء ..وتحط نفسها بنفس الموقف ..
حبيت يابنات تعلقون ع الموضوع ..واللي ماعندها تعليق ترفع الموضوع بدعوه لاختنا
ان يفرج الله همها ويسعد قلبها ...اعذروني ع الاطاله ...
(اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلوبنا ، ونور صدورنا وجلاء احزاننا وذهاب همومنا) ..
أسأل الله بمنه وكرمه أن يرزقنا الصبرعند البلاء..وأن يشرح صدورنا ...اللهم آمين
ابي دعـــــــــــــوه بظهرالغيب
يلزم عليك تسجيل الدخول أولًا لكتابة تعليق.
شذى الحلوه 99
•
الله يهديهم والله فيه بنات كذا
المسلم من سلم المسلمون من لسانه ويده
الله يهدي الجميع والله مادري كيف الوحدة تجرح احد من الناس لا وبعد مريض الله المستعان
الله يهدي الجميع والله مادري كيف الوحدة تجرح احد من الناس لا وبعد مريض الله المستعان
لاحول ولاقوة الابالله
اسال الله السلامه والمعافاه للتعبانين
والصلاح والهدايه للي يتشمتون
اسال الله السلامه والمعافاه للتعبانين
والصلاح والهدايه للي يتشمتون
الصفحة الأخيرة