بسم الله الرحمن الرحيم
والصلاه والسلام على اشرف الانبياء والمرسلين سيدنا محمد وعلى اله وصحبه اجمعين
اولا ببدا بموقفين راسخات بذاكرتي ومانسيتهن
اذكر يوم كنت صغير كان ابوي الله يرحمه ويسكنه الجنه يسمع الاخبار واذا جت موسيقى كان يقول وش هالدندنه وبسرعه يقفله وهكذا على الحال كل يوم اذا جت موسيقه قفله وكان يقولنا حرام وحنا صغار انا وخواتي لكن هاشي زرع بقلوبنا وانا صار هاشي بعقلي ومره كنت اقلب الرادوا حق ابوي واذا جت موسيقه اقفله على طووول بدون تردد اقلد ابوي
والحمد لله كبرنا خلاص ركز بعقولنا ان هذا الشي حرام
والموقف الثاني اذكر ابوي كان يقولنا ترا اللي يكذب بالحلم يعقد شعيره يوم القيامه والشعيره صعبه عقدها
ورسخ بذاكرتي واذ قعدت لحالي اتخيل خيالات اقول الشعيره صعبه اعقدها واحاول اتخيل ان معي حبه شعيره واعقدها واقول بنفسي اكيد تنكسر مقدر واقول بنفسي طرحت امي سهله اقدر اعقدها طويله واقارنها بالشعيره انها صغيره وصعبه تنعقد
من الخوف اتخيل خيالات واتذكر ان الشعيره صغيره وبتنكسر
وسبحان الله رسخ بذاكرتي
ايضا الاخ او الاخت الاكبر قدوه للصغير اختي اللي اكبر مني كانت اذا صلت تقعد تسبح وانا اصلي ولا اسبح هذا الموقف يومن كنت بدايه صلاتي وبديت اقلدها اصلي واقعد اسبح ويوم كبرت علمتها كنت اقولها كنت اقتدي فيك بشكل
أن يحذر كل الحذر وأن يخاف كل الخوف أن يكذب أو يفتري في حلمه أو يزيد في حلمه بل يذكره كما هو بدون زيادة أو مبالغة أو كذب وفي ذلك يقول صلى الله عليه وسلم محذراً (( إن من أفرى الفرى __أي من أكذب الكذب __أن يري الرجل عينه في المنام ما لم تر)) وفي رواية (( من كذب في حلمه كلف يوم القيامة عقد شعيرة )) وفي رواية (( يعقد بين شعيرتين )) وروايات أخرى كثيرة جداً فهل يا ترى يستطيع أن يعقد بين شعيرتين يعني بين حبات الشعير أو يصلهما ببعض ، وهذا واله أمر مخيف جداً
وايضا كان عندنا اختي الصغيره عروسه لها وجهه شارته اختي وامي تقطع الخشم والعيون وابوي نفسها وكانوا يقولون تقدرون تحطون لها روح يوم القيامه وخفنا وصارت امي تشري عرسه بدون وجهه يعني وجهها فاضي
رسالتي لكل من لديه اطفاااااااااااااااال من خلال مواقفي السابقه الطفل ترا يرسخ بذاكرته اي شي يشوفه سوا زين او شين ويصدق لذالك اتمنى من كل ام واب ان يحذرون عيالهم من الكذب
الحين اشوف اطفال يكذبون وعادي بصراحه اتفاجاء المفروض يعلمونهم ان الكذب حرام وفيه من يرسل عياله يتجسسون على اي احد الله المستعان غرسوا بالطفل حب التجسس لاحول ولاقوه الا بالله
والله شي خطير بيكونون مسؤلين عنهم يوم القيامه ليش اهملومهم ولا علمهم الصح من الخطأ
الطفل يولد على الفطره خلاص بس يبي اللي يوجهه ويربيه تربيه حسنه ويعلمه قيم الصحيحه
احذر كل ام واب او اي احد مسؤول الاطفال امانه باعناقكم وجهوهم الوجهه الصحيحه ربوهم على المحبه والصدق والاخلاص وكرهوهم بالكذب والاغاني والمسلسلات التركيه اطفال صغار يتكلمون بالمسلسلات التركيه واحداثها وحافضين اساميهم الله المستعان الله يهدي اهليهم المفروض يعلمونهم يعرفون قصص الانبياء
سبحان الله الطفل يولد واذا امه او ابوه قال هذا صح وهذا لاتسويه مايصلح خلاص بيرسخ بذهنه
الطفل بس يبي اللي يوجهه
بنت اختي معودتها اذا بتغير ملابسها تقولها عيب خلاص تلقينها اذا جت بتفسخها تقول عيب ههههه عمرها سنه كذا احسن
كتابِ اللهِ وسُنَّةِ رسولِهِ صلّى اللهُ عليهِ وسلَّمَ أوّلِ مرشدٍ وصديقٍ لنفسِ المؤمنِ، فالحلالُ لدَيها بَيِّنٌ، والحرامُ بّيِّنٌ،
وعليهما يَستطيعْ أن يتعرفَ على حقيقةِ الأشياءِ وكيفَ يتعامل معها
الفطرةِ السليمةِ التي جُبلتْ عليها النفسُ المؤمنةُ مِنْ إدراكِ منافِعِ ومضارِّ الأشياءِ.
كلُّ هذا مرتبطٌ بنفسِ المؤمنِ وحينَ يرتبطُ الشيءُ بالنفسِ يصبحُ عادةً متأصِّلةً.
فالعادةُ الإسلاميةُ هيَ التي تُخرِجُ الأجيالَ التي فِيها الحاكمُ والإمامُ والقائدُ والمجاهدُ
والمستشارُ والمعلّمُ والفقيهُ والتاجرُ والعالِمُ
اتمنى تستفيدون من الموضوع وكتبته للفائده والنصح فقط لكل من لديه اطفال
المايك لكي الان
كل واحده تكتب طريقه تربيتها لاطفالها لكي تعم الفائده ولكي الاجر
بالاخير اتمنى تدعون لابي بالرحمه والمغفره
اللهم ارحمه واغفرله واجمعني معه ومن احب بالجنه
اللهم اسكنه الجنه بلا حساب ولا سابق عذاب
مبتغآآي آلجنه @mbtghaay_algnh
محررة فضية
رســــــــــاله منـــــــــــــــي لكل مــــن لـــــــديه اطفـــــــــــــــــاااااال
41
4K
يلزم عليك تسجيل الدخول أولًا لكتابة تعليق.
ام شهد ونور2005
•
بارك الله فيك اختي والله الاطفال مسؤلية كبيرة انا ابذل كل جهدي لتربية اطفالي تربية صحيحة والله المستعان يا ريت الكل يشارك في هذا الموضوع لتعم الفائدة
بارك الله فيك اختي والله الاطفال مسؤلية كبيرة انا ابذل كل جهدي لتربية اطفالي تربية صحيحة والله المستعان يا ريت الكل يشارك في هذا الموضوع لتعم الفائدةبارك الله فيك اختي والله الاطفال مسؤلية كبيرة انا ابذل كل جهدي لتربية اطفالي تربية صحيحة والله...
الله يصلحهم لك ويوفقك بتربيتهم
كلامك صحيح
وهذا الذي ينبغي على الوالدين
فهم مسؤلية باعناقهم يوم القيامة
الله يهدي الجميع
وهذا الذي ينبغي على الوالدين
فهم مسؤلية باعناقهم يوم القيامة
الله يهدي الجميع
الصفحة الأخيرة