رسوم الجامعة وزوجي😭

صلو على الحبيب
بنات عندي مشكلة بسيطة ان شاءالله
انا يابنات طالبه جامعية ادرس انتساب والحمدلله اعتذرت مرتين بسبب زواجي وبسبب نفاسي باقيلي اعتذار واححد بس وبعدها ينسحب ملفي من الجامعة ططبعا انا ادرس برسوم قيمتها 3 الاف ريال للترم الواحد .نجي للمشكلة طلبت زوجي يسدد لي رسوم الجامعه بما انو الزامي اكمل ولا حيفصلوني وما كاني درست سنتين بس للاسف اعتذر انو ماعندي فلوسس ويدوبك الدين بيخلصص باقيلي 3 الاف ريال وانتهي من الدينن قولتلو بسس من حقكك توقف معايا وتساندني انو اكمل جامعة قال وبعد ماتكملي بتتوظفي ؟؟ قلت مو هنا كلامنا انا طموحي اني اكمل ججامعهه قال انا ماقدر ادفعلك قلت تقدر تتسلف قال لا ماصدقت اخلص الدين وقفلت على الهرجه بعدها فتحتها انو يتسلف ويسدد لصاحب الدين 1000 كل شهر وبرضو ماعطاني لا حق ولا باطل الممههم نجي للقههر والعمى اللي شفتو امسس جاني يقول ببيع السيارهه 😳 قلت ليشش قال لقيت سياره احلى بسعر وقدرو طبعا سيارتنا ما تجيب المبلغ كامل ف قولتلو انها ماتجيب قال عادي ادبر 6 الاف قلت سلف ؟ قال ايوا عادي .. انا وقتها انصدمت كيف تدبر لنفسكك ؟؟ وانا لا .. اقسم بالله جتني بكيهه ماقصرت معاك باي شي واجي وقت حاجتي لك اول من يتركني ويرخي يدو رغم انو شارطة عليه بعقد الزواجج انو اكمل دراستي وكنت وقتها بالجامعه وتزوجت وجيت بكمل اعتذر انو دينو لسى كثيرخليت ابويا يسدد لي والترم اللي بعدو قال نفس الشي وسدد ابويا .. بنات انا تعبت من ذي المهزلة ابغى اوقفو عند حدو بابا صار يتريق عليا انو زوجك من جنبها وزوجك وزوجك ومابغى اطلبو فلوس اصلا مالي وجه وربي مو عارفه كيف اتصرف ايش اقول وربي مو قادرة اطالع بوجهو من قهري بالله ساعدوني ايش اسوي ايش اقول 😔💔