السلآآم عليكم ..~
.... أسعد الله مسآآؤكم.. بكل حبـ ,,
اخواتي الرشيقات .. احب اقدم لكم من مطبخي المتوآآضع .. بعض الاطباق اللذيذه والسهله
في الحميه .. ويعلم الله ان كل ما سأقدمه كان طعامي الخآص ..
وسبب حرصي في تقديم هالعمل هو اخواتي بالفريق الأخضر ( فريقي) بسبب التخبيصات والمزاج
اللي نعاني منها .. فحرصاً مني على استمرارنا جميعاً بالنزول .. حبيت اقدم لكم هالافكار الي ممكن تساعدكم ..
وطبعاً نظامي التخفيف ..ولله الحمد النتيجه .. اخسر بالاسبوع 1كيلو ونص .. الى كيلوين
طبعا الي احب انوه عليه ..
1: اشرب 3 كاسات ماء اول مااصحى عالريق .. وطول اليوم اكمل عليهم 5 كاسات ..
2: امارس رياضه يومياً عالاوربت تراك .. الي يقدرني ربي عليه .. مرات دقيقتين ومرات 10 ومرات ربع ساعه
3: افطر يومياً الصباح .. ( من الوجبآت الي راح تشوفونها)
4: قبل النوم يومياً اخذ ملعقه صغيره من بذرة الكتان مع كاس ماء
5: اتغدى برضو يومياً
6: العشاء خفافي واحيان بدون ..
7: لاللمشروبات الغازيه ..واذا اشتهيتها استحاله اشرب مع الاكل ومره بالاسبوعين
8: ممنوع شرب الماء مع الاكل بتاتا .. بعد الاكل بنص ساعه عالاقل
ويآآرب تنحفون كلكم بصحه وعآآفيه
النتيجه / بشره صحيه ومشدوده ... جسم مشدود ... كرش قارب للزوال ومشدود ..جسم خفيف وصحي
ملاحظه ..~
موضوعي هذا من مجهودي الخآآص وتعبت فيه .. ارجو من الي بتنقل تذكر مصدره حصري لعالم حوآآء ..
واتمنى من المشرفآآت نقل الموضوع لقسم رشاقتي في لياقتي .. لأنه مو مسموح فتح موضوع جديد وكان نفسي موضوعي يكون بقسم رشاقتي .. ليتم الاستفاده منه من رواد القسم .. وتعبت ادور المكان المناسب في طرح الموضوع .. بليز لااحد يرد لما اخلص الموضوع
Brb
انصحكم بألافطار بالرغيف الصحي ( خبز النخاله ) ... او توست القمح .. اقل سعرات
سوي لك بيض مسلوق .. مع شرائح طماط .. بالرغيف الصحي مع كاسة شاهي .. يم يم :22:
توتيلا بر .. محشوه بتونه مع ملعقه صغيره مايونيز ( قليل الدسم ) .. وكاس شاهي محلا بسكر دايت
الغداء :
سلطة بالخس الامريكي + خيار ارباع + فلفل احمر بارد + فلفل اصفر بارد + فلفل اخضر بارد + كروم + خبز توست بر مقطع مكعبات ومحمص بالفرن .. مع صلصة الصوص اللذيذه
هالسلطه راح اقولكم مكوناتها في الرد الجاي ... استخدمها بكل أكلي وكلها لايت جداً جداً لذيذه
فيوتشيني ... اسلقيها بماء وملح فقط .. ان حبيتي استخدمي زيت نور قطرتين مع دجاج بدون عظم قطع صغيره
مسبكه عالنار مع بصل وبهار وملح.. وفلفل اخضر بارد طوال وفلفل احمر بارد طوال
والصلصه ( ملعقه جبن سائل قليل دسم + ملعقه مايونيز صغيره قليل دسم + قشطه )
نص كأس رز مسلوق بماء وملح ..معه قطع سمك فيليه ..
الدجاج مقلي ولكن بزيت نور خالي من المواد المتحوله والبطاطس كذلك .. ولكن لاتضربون بعنف .. حبات قليله فقط عن الخاطر :o واحرصي الزيت يكون نظيف وجديد وصدقيني ماراح يشرب اي زيت ولك الاثبات شوفي
برهان نشفت القطعه الدجاج بالمنديل وماطلع منها قطرة زيت واحرصي وانتي تقلين ماتكونين مقلله النار لان النار الهادئه تخلي الاكل يشرب زيت .. خليها وسط والزيت حامي لما تقلين
لاحد يررررررد .....