السلام عليكم .....
بنات وحريم حواء تكفون ابي الفزعه :(الله لايهينكم
المهم السالفه اني لقيت جرذي بالبيت :06: صار النوم مايطب عيوني طبعا اول ماشفته بالصاله جلست فتره استوعب الموضوع :unsure:هذا قطو والا وش ذا اول مره اشوفه وه بس ويقوم يدخل بالمطبخ واقوم اركض واسحب الباب ومسويه نفسي قويه :30: واصك الباب عليه قلت لين يجي:arb: ويشوف له صرفه وانا بس ادعي ربي انه يفكني منه عاد زوجي ماشاءالله عليه ابرد منه مافيه انا محتره ومنقهره وهو ولا همه وبعد مداولات معه :09: اخيرا جاب هنديين يشوفون فيه شي المطبخ او لا دخلهم وطلعوا قالوا مافيه شي قلت وشو اللي مافيه شي انا شايفته بعيوني :icon33: طبعا قبل يجيب الهنود بيوم حط صياده وصمغ دخل الصياده واكل الخيار وطلع الله ياخذه
المهم لنا اسبوع على هالحاله والمطبخ مسكر وجبنا اليوم شركه يوم دخل المصري قال مافيش حاقه واللي قهرني انه رش المطبخ والدواليب وفيها المواعين:icon33: قلت لزوجي ليه ماقلت لي طيب اخاف يضر الحين وش ينظفها لانه مستحيل يدخل الدواليب
وانا الحين ضايق صدري مررررره وش اسوي احس مب عارفه اسوي شي يقول خلاص المطبخ مافيه اي كائن حي مدري وين طس له هالجرذي الله يمحاه وانا ماعندي شجاعه ادخل ولانيب جاسره ياربي بس وش اسوي بالمواعين لا ن اتصلت على شغاله بتجيني بكره ان شاءالله وخايفه ماتنظف المواعين بالغسل حتى الغبي رش غسالة المواعين من جوا من صارلها كذا وش سوت
(عسى بس فهمتوا شي من حكيي) من القهر كلامي محيوس وملخبط
اكيد تقولون وش تبي ذي:(
أســرآر @asrar_25
محررة
يلزم عليك تسجيل الدخول أولًا لكتابة تعليق.
مملكة كندة
•
اغسليها بمويه وملح وليمون
أســرآر
•
الله يجزاكم خير ويحرمكم عن النار ويفرج عنكم يارب
الحمدلله ريحتوني كنت احسبها خلاص مايصلح استخدمها جاني وسواس قلت حسافه مواعيني كثييره وقرابيعي واجد
الحمدلله ريحتوني كنت احسبها خلاص مايصلح استخدمها جاني وسواس قلت حسافه مواعيني كثييره وقرابيعي واجد
الصفحة الأخيرة