رضاعة الطفل والام حامل ... ادخلو عندي سؤال

معقوله يا بنات محد رد علييي ... وانا انتظر ردكم


يا الله ما عليه
الصبر مفتاح الفرج

انرد عليج ليش مانرد افا عليج يالغالية اختي انا احمل على اعيالي وهم عمرهم ست شهور وسبع تقريبا بس كنت ارضعم اربع اشهور والله كنت خايفه بس امي قالتلي رضعي الين اتحسين انه الجنين اتحرك بعدين اقطعي عنه الصدر بس انا كنت ارضعهم اربع اشهور والحمد لله ثلاثة من اعيالي ما شالله عليهم ماصار فيهم شي وبعد احسن اسئلي وشوفي بس انا قلت الي عندي واسمحيلي حبيبتي طولت عليج..

السلام عليكم:

أنا صار معي نفس الشى.. حملت وولدي عمره 10 شهور.. و الله أيام عصيبة خاصة اني كنت ناوية أرضعه سنتين.. المهم أنا تدريجيا خففت رضاعته لين بطلت خلال شهر لاني خفت عليه.. أدري ما افدتج وايد بس ان شاءالله أصحاب الخبرة ما راح يقصرون .

الله يعينج يا أختي..

مشكورين على ردكم لي

واتمنى مزيد من الردود علشان اطمن

عزيزتي الافضل انك توقفين الرضاعة

لانه ولدك ما شاء الله اربع شهور ممكن يرضع صناعي ويبدا ياكل

لكن الي في بطنك وانت راح تتعبون لانه الي في بطنك راح يسحب والرضاعة تسحب

وجسمك راح ينهد لا تكرري خطئي

ابنك سهل فطامه لانه صغير والحريم دايم يقولوا حليب الحامل مغشوش

انا انصحك توقفين الرضاعة وهذا الي نصحتني بيه الكتوره

والحليب الي في صدرك راح يختفي تماما خلال سته ال ثمانية اسابيع

واي سؤال انا حاضره