قال تعالى:" والوالدات يرضعن أولادهن حولين كاملين لمن أراد أن يتم الرضاعة"
بالنسبه لي طفلي الاول سنه وفطمته علشان قل الحليب عندي
الثاني سنه و7 شهور ونحاول في الفطام .
الله يعين :26: :26:

الورده_1
الله يكون بعونك حبيبتي..
أكيد تجربه صعبه إللي مريتي فيها..
والأصعب هو حرمانك من إرضاع طفلك..
شكرا لك على المرور..


هلا والله بأم الكتاكيت الله يحفظهم ويخليهم لك..
يعني تسلسلتي في رضاعتهم ماشاء الله عليك..
زين سويتي.. خخخ
لا حرام والله .. الثالث هو الضحيه..
شوفي المفروض إنك حاولتي ترضعينهم كلهم نفس الفتره( إنطمي بس)
عشان ما تحسين بالذنب
لأن هالشي تعاني منه أختي معها ثلاثه أطفال رضعت الاول والثالث بس الثاني لاااااااا
ولليوم تحاسب نفسها على هالشي خصوصا أنه ضعيف كثييير
وهي دايم تربط ضعفه بعدم رضاعته ..

أما كلامك...
(( جنني كل شويه يبغى يرضع وقدام الناس فشلني
بس يجر البلوزه ويصيح واناا بتسم ابتسامه صفراء من الخجل ..وبعد كذا بدت تطلع الأسنان
وصار يعض ))
فحبيبتي مو وحدك والله ,, ياما شفت وشفت هالمنظر يتكرر قدام عيني أكثر من مره..
وبيني وبينك هذا الشي يخليني أتعقد من الرضاعه .. لانه زوجه أخو زوجي..
ابنها عمره أربع سنوات .. ويبغي يرضع يصارخ ويبكي عشان يرضع..
وقدام الناس بعد..
والله إن أمه تكسر الخاطر .. بس الحين هو تعدل شوي..

واستنتاجك صحيح فعلا..
مع إني رضعت مده قصيره بس اللي لاحظته
إن بنتي الكبيره متعلقه فيني كثييير وتحن علي
بس الصغيره أعوذ بالله ولا كأني أمها عادي موجوده أو مش موجوده
ولو اصيح وأبكي للصبح ما تتأثر عكس أختها سبحان الله...

ألف شكر لك على مرورك وعلى إفادتنا بتجاربك مع الرضاعه..
تسلمي وما قصرتي ..
ويا هلا والله.


زين على زين
هلا فيك عزيزتي..
والله يخليلك بنتك ويحفظها يا رب..
وإحراج الطفل لأمه بين الناس هو أصعب شي..
الله يعينك حبيبتي ..
وشكرا على مرورك..


ميموووونة و&ليمووونه&
لا تشيلون هم إنتم حاولوا تأكلون الأكل اللي يزيد من إدرار الحليب
وما في أفضل من السوائل .. وإن شاء الله تعوضوا بالطفل الثاني
أشكركم على مرورك ,, ويا هلا والله


أم الثلاثه..
هلا فيك .. وإنتي الأحلى عيوني.
والأشطر فعلا .. الله يخلي لك عيالك ويحفظهم
وإن شاء الله أأكون مثلك..( أدعي لي)
ميرسي على مرورك يا عسسسل




Rozana

أنا حاسه فيك والله .. بالفعل الرضاعه متعبه
صحيح ما رضعت فتره طويله..
بس كان يكفيني أحس فيكم من تجارب اخواتي الثنتين..
والله أنهم يحسدوني لأني ما رضعت .. ( وأنا أحسدهم )
سبحان الله محد راضي بحاله..
بس لاحظت شي من خلال اللي أشوفه بحياتي واللي قرأته من كلامكم.. مدري صحيح أو لا..
وهو أنه الطفل اللي يرضع غالبا ما تكون بنيته ضعيفه؟؟!!
عموما.. الله يحفظهم لك ..ويبارك لك فيهم..
هلا فيك عزيزتي ,, وتشكري على المرور.


nohaa
مراحب عزيزتي..
إحمدي ربك عشره أشهرأحسن من لا شي ..( أفضل مني)
والطفل الثاني عوضي وأرضعيه سنتين ..
والله يحفظ لك ولدك ,, وتسلمي على مرورك..




مس دندن
مرحبا عزيزتي
و.قال تعالى:
" والوالدات يرضعن أولادهن حولين كاملين لمن أراد أن يتم الرضاعة" صدق الله العظيم
يعني سنتين ..
بس 11 شهرا مش بطال ..
أشكرك على ردك.. ويا هلا فيك



وردة حائل
مرحبا فيك..
والله يحفظ لك عيالك..
أشكرك على مرورك وتسلمي عيوني.


أشكر كل وحده دخلت وأفادتنا بتجربتهاااااا
واهنيكم من كل قلبي ,, بارك الله فيكم
وتقبلوا فائق احترامي وتقديري لكن..


أختكم...
( لمسه ذوق)

السلام عليكم ورحمة الله وبركاته

جزاك الله خيرا اختي الغالية لمسة ذوق على الموضوع
********

أختي الغالية مس دندن

الاية التي ذكرتيها غير موجودة في القران

فالاية هي كالتالي:
وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِير

وهناك ايه اخرى عن الرضاعة وهي:
وَالْوَالِدَاتُ يُرْضِعْنَ أَوْلَادَهُنَّ حَوْلَيْنِ كَامِلَيْنِ لِمَنْ أَرَادَ أَنْ يُتِمَّ الرَّضَاعَة

ولكن هناك ايه تذكر
وَوَصَّيْنَا الْإِنْسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا

وقد ذهب العلماء
ان اقل مدة الحمل 6 اشهر
فان ولدت الام طفلها بعد ست اشهر حمل
فينسب المولود لزوج الامراة
اما ان كانت مدة الحمل اقل من ذلك فلا ينسب لزوجها ..

وعلى ذلك
6 اشهر حمل زائد 24 شهر رضاعة يساوي 30 شهرا

والله تعالى اعلم

وبارك الله فيك وفي اهلك وذريتك وجعلهم قرة عين لك

موضوع جميل

أنارضعت ولدي سنة وشهرين وفطمته غصبا عني لأنه كان عنده نقص في الحديد ..وهو كان يرضع كثير وأكله قليل ..وطبعا الحليب مافي حديد كفاية

لكن يندمت كتير فيمابعد وكل ما أتذكر كيف سوى لما فطمته أحزن عليه ...وإن شاء الله ناوية في الحمل القادم أكمل سنتين يارب ..والله يعينني

لكن الرضاعة متعة ..صح إنها متعبة لكنها تحسس الأم بالحنان والأمومة ..ومشاعر حلوة ورائعة

وترى أغلب إلي يرضعوا طبيعي يكونوا نحاف لكن في جسمهم فايدة
مو زي الرضاعة إلي تنفش على الفاضي بدون صحة

وشكلي طولت كلام:26:

اقوللللل مشالله تحطمت يوم شفت ردودكم الله يارب يتمم عليكم .رحمت عيالي اني امهم بنتي البكر بعد النفاس على طول من النفاس كنت متزوجة صغيره ومافكرت ومااحد نبهني كان عمري 16 وولدي بعد من النفاس وبصرااااحه منقهرررررررره :08: :mad: من نفسي ليش مارضعته صح كنت ادرس بس كان معي بنفس الحظانه :30: الحين هو نححححيف مرة وشهيتة قليلة ونظره ضعيف يلبس نظارة وهذا الشي مضيق صدري دايم الوم نفسي ومااحد بعد حفزني اني ارضعه بلعكس اهلي يقولون لا ترضعينة تلهين عن الدراسه والله ولدي اهم بس وش الفايده؟؟؟والحين بنتي ارضعها بس حليبي قل مره عمرها 5 شهور صناعي وطبيعي ...<<<<<<<<خذت درس واحاول اشرب واجرب كل شي عشان يدر صدري :(