رضعت طبيعي ...وابتلشت!!! ساعدوني

حبيبتي مشكلتك زي انا عيالي كلهم ما تقبلو الصناعي و خلاص اخدهم معاي ارضعهم حتى في السياره
بس علشانك تداومين حاولي جوعيها بعدين عطيها الصناعي ممكن تحطين في الرضعه حليب من صدرك اول كم مره علشان تتقبل الوضع:26: وحمدلله على سلامتك

السلام عليكم

اختي انا من رأيي اصبري شوية ولك الأجر ... انا ابني صار عمره 8 اشهر وهو ما يقبل يرضع الا مني ... لدرجة اني كنت اشفطله حليب (لأني موظفة) وما كان يقبل الا حليبي علشان رائحة حليب الأم مميزة .... اصبري لحتى يصير عمر بنتك 4 شهور و ابدأي باطعامها و ساعتها رح تبدى تنسى صدرك شوي شوي ... بعدين وينك ووين الريجيم :) لسه بدري حرام خلي البنت تاخد الفايدة من حليبك مشان تطلع مناعتها للأمراض منيحة ... الله يصبرك والك الأجر والثواب ... لا تكتئبي كل الأطفال هيك


والك الأجر

مرة سمعت انه اجر الأم المرضعة لطفلها في كل يوم هو أجر المرابط في سبيل الله

و كل المحبة لك :27::27::27:

الحمدلله على السلامه ومبرووووك البنوته الحلوه الله يخليه لك .
حبيبتى شوفي هذي مشكله الرضاعه الطبيعيه صح انه مفيده لكن الطفل مربوط بامه ماتقدر تروح ولاتجي وكل ماكبرت
ان شاء الله يزود تعلقه به اكثر انا مجربه
فلما ولدة بنتى خلاص انهبلت قلت ياترضى ترضع صدري والرضاعه مع بعض علشان الطلعات واذا كنت تعبانه لاسمح الله او كنت مشغوله اعطيه رضاعه او انى ابطل ارضعه صدري لكن الحمدلله الحين ترضع الاثنين لانه من ولادته وانا اعطيه الرضاعه ونصيحه حاولى قد ر امكانك انه ترضع وغيرى نوع الحليب وحط له ماء وسكر نبات هذي على طول حتى لو مارضعت الا قليل منه هو بعد مفيد يعنى بالاول لازم تقليلي من رضعات صدرك يعنى فتره النهارماتعطينه صدرك الامره او مرتين وفي الليل عطيه صدرك لانه اذا جاعت راح تقبل ترضع الرضاعه .
وفيه بالصيدليه حلمات لينه مره تشبه ليونه صدر الام علشان الطفل يتقبله.
واسفه على الاطاله .

الله يعينج انا حاسه فيج قعدت على هالحاله اربع شهور بالضبببببببط
مانام مثل الناس ولاطلع ولااروح مكان واذا اضطريت اخذها معاي واتفشل وانا ارضعها
حاولت فيها بالصناعي ومارضت...حطيت سكر نبات ولافاد

وبعد اربع شهور قعدت بنتي بس تبكي وماتنام .....طلع حليبي جف وصار قليل لدرجه انها ماتنام من الجوع
شريتلها صناعي وشربته وهي لايعه جبدها بس المهم شربته :)

الحين شفت الراحه الحمدلله.......... انتي جوعيها ((بس موتذبحين البنت)) وحاولي ترضعينها صناعي لو رقمين على الاقل وشوي شوي راح تتقبله انشالله

شكرا يا بنات على الردود والله اجس انكم مثل خواتي واكثر, جربت اجوعها باني اعطيها الصناعي اول ما تقعد من النوم لما تكون جوعانه لكن ما في فايده تظل تبجي
بيتوته..وانا بعد ارضعها بالسياره ويعصب علي ابوها!!
أسومة..ما شاء الله لي هالدرجه الاجر عظيم..الله يساعدني واقدر اكمل رضاعتها
وردة حائل...ممكن تقولين لي شنو هي ماركة الحلمات؟ لاني كنت اشتري الحلمات الي تنباع بالسوبر ماركت وان شالله تكون الي عند الصيدليه احسن
&ليمووونه&..والله كانج تتكلمين عني..والمشكله ان وزنها مو ذاك الزود يعني حليبي مو مغذي كفايه وما تنام عدل لانها ما تشبع عدل والله انها تتم صاحيه احيانا لمدة 6 ساعات وبس تغفي ترجع تقعد مره ثانيه وامي تقول لي بنتج ما تشبع!!