SO-1408-SO @so_1408_so
عضوة جديدة
""رضــا الناس غايــة لا تدركك"",,السلبيـــات في حياتــنا ؟؟
السلبيات في حياتنا !!
موضوع كبير ومؤثر وممل ويعجز اللسان عن وصفه
وخاصة خاصة لما يكونوا اللي حولك سلبيين هنا تكون مشكله مالها حل
انك تكوني انتي سلبيه ومحطمه وشايفه نفسك او حياتك او نجازاتك لاتذكر مشكله بسيطه
حلها ... تحاولي تغيري نفسك .. تحاولي تغيري حياتك .. تحاولي تقنعي نفسك انه بالعكس حياتي حلوه وزوجي مافيه مثله.... الخ
بس لما يكونون المجتمع اللي حولك سلبي هنا ماتدري ايش تسوي تتركينهم بسلبيتهم اللي ماتزيد حياتك الا هم وطفش
وتجلسي منعزله لوحدك وتستسلمي لافكارك
ولا تخالطيهم وتسمعي من هالسلبيات اللي تخليكي تشوفي حياتك جحيم
بنات وبكل شفافيه من فينا مامرت بهالشي او عانت منه بشكل بسيط او بشكل اثر على حياتها
مثلا
**انتي متزوجه انسان تشوفيه كفؤ ومو مقصر معك وبنفس الوقت مايخلو من بعض السلبيات لانه مافيه بشر كامل
تلقين كل زياره لاهلك يذكروكي بهالسلبيات وانه طاح حظك من يوم اخذتيه ..... وبعدين طيب ايش اسوي اطلق ... مستحيل ...طيب والحل
**اولادك مو حلوين مايشبهوكي او اذا الكلام من طرف اهل الزوج مايشبهوا ولدنا..... طيب ايش اسوي ؟؟ عملية تجميل ينفع
**بيتك مو حلو.... مره سمنتي مع الحمل... مره بشرتك تعبانه...مره انتي انعزاليه......
وغيرها كثير كثير
والله يابنات شي يطفش ..تجلسي تدافعي عن حياتك بكل مجلس صعبه ...تجلسي ساكته وانتي تتهزئي وسلبيات حياتك وخصوصياتك تذكر امام الملا كمان صعبه ....
ليه احنا كذا ... ليه ماينظرون لانجازاتي اناا و لجوانبي الايجابيه لانه هذا الشي اللي انا مسؤوله عنه
ليه ماتنشغل الوحده بزوجها واولادها وبيتها اللي ربي عالم فيهم...
النهاية...انه نفس الواحد يلاقي صحبه طيبه يعينوه عالاخره قبل الدنيا
يحسسوه بميزاته الكثير اللي تزيده ايجابيه وتفاؤل
والمصيبه انه اي وحده تنتقدك تجي تطالعي بحياتها مو من باب الشماته لا والله بس تشوفي بما انها انتقدت هيه كيف
تلاقي نفسك افضل منها بكثير وزوجك وبيتك وشهادتك وجسمك .....الخ
افضل منها بمراحل طيب ايش الحل
حبيت اركز على موضوع احس المجتمع كثير متجاهله
مع انه سبب قطع الارحام وبعد الناس عن بعض
بنات خلونا نعيش بدون سلبيه غيري نفسك ولا تدوري عيوب غيرك
انشغلي بحياتك واتركي غيرك ينبسط بحياته
ترى كل شي بقضاء ربي وقدره
هيه مااختارت زوجها ولا حياتها ولا جسمها
فخلاص ... ملينا سلبيات...ملينا انتقادات وكلام معسول يحمل الكثير من المعاني....السنه صارت تمر بلمح البصر واحنا بدون انجازات واكيد ماراح نتقدم خطوه وحده قدام دام مافيه مشجع ودام الكل مسلط عليكي المجهر
بنات اتحفونا بتجاربكم ومشاركاتكم....والمكرفون لكم واعذروني الافكار مو مرتبه بس الموضوع مجرد فضفضه
26
2K
يلزم عليك تسجيل الدخول أولًا لكتابة تعليق.
الصفحة الأخيرة
كلمه ولو جبر خاطر