السلام عليكم ورحمة الله وبركاته ,,
شلونكم خواتي العزيزات ,,
بصراحه من زمان افكر اكتب لأفضفض لان مرات اتحسف اذا قلت شو بقلبي لأحد وخاصه التفسيرات الخاطئه اللي تي من الغير .. قبل لا اكتب قصتي ,, مابي ردود سلبيه ,, واللي تحس نفسها انسانه سلبيه ومحاربه لا تجرحني بردودها ,,
وادري وحده بتقولي دام طلبتي راينا تقبليها بصدر رحب اتقبلها صح اذا كان الاسلوب الشخص ساعدها لان مره كتبت في مكان عن مشكله عائليه يات وحده هاجمتني كأني ماعرف شنو اصف نفسي ,, فما بالكم اذا كانت قصة حب ,, الكثير من المهاجمات بيطلعون لي ,, :28: هههه ,, المهم ,,
قبل لا ابدأ قال رسول الله صلى الله عليه وسلم عن السيده خديجه اني رزقت حبها ,,
والله رزقني ,, بحب انسان اعتبر ان امثاله منقرضين في زمنا الحالي ,, حبنا من 10 سنوات بس ماكنت متمسكه فيه كثر ماهو متمسك فيني ,, ما كنت اتكلم عنه عند صديقاتي وهذا اسا كبير خلى هشي يستمر ,, العلاقه مبينه على الاحترام الكبير كان الاخ والاب والناصح الانسان المحترم الخلوق ,,
هذا الانسان يتمنى الزواج فيني ورافض الزواج من اختيار اهله ,, :29: ومايقدر يقولهم عني ,, لان عاداتهم البدويه صعبه ,, انا ما بتكلم عن مأساة اخوانه ولا خواته اللي وصلوا الاربعين وبعدهم في بيت اهلهم ,,
لكن بتكلم عن امه اللي احسها متسلطه لكن ماشاء الله عليهم كلهم بارين بأهلهم ومربينهم احسن تربيه لكن يعانون من العادات المتخلفه ,, في بعض الامور ,, يعني اذا ولدهم حب وحده عادي يخطبون له بدون علمه ويزوجونه غصب او يتبرون منه ,,
احساس ان مالهم راي بهالامور يألم ,, الحين انا وهو وصلنا الثلاثين انا شرحت له خلاص انت رجال مس,ول على نفسك تقدر تخطب واهلي مب من الناس المتشدده ,, بالعكس اذا امي تعرف اني احب ماتوقف جدام نصيبي اهم شي الرجال يكون صالح ,, مب متعصبين لدرجة الحرمان ,, من الشي اللي نحبه ,,
وانا متفاهمه معاها لكن هو رافض ان مايبي يغضب اهله ,, واذا تزوج بالسر بيغضب الرحمن ,, لانه عصى اهله ,,
والمشكله اقول لين متى بنتم ,,
ونحن من زمان متفاهمين اذا يا نصيبي ما اوقف اروح بس يعتصر قلبي عليه ,, لان هو بيتم وحيد ,,
المشكله ,, ان كانوا يخطبوني ,, مايصير نصيب ,, كأن حد ضارني او داعي علي ماتكتمل فرحتي ,, لين اوافق الله يبعد عني الضر والخاطب بروحه يهون ,, اقول لنفسي خيره ,,
ما ازعل كثر ما ازعل من كلام الناس ,, مب عشاني صرت كبيره ,, لا ابد ماهمني العمر بس اخاف اكون بروحي وهو واعدني مستحيل يخليني بروحي ,,
لكن كل بنت تتمنى طفل ,, ف ما ادري انا شايله بخاطري وايد على امه حتى اخوانه يوم تخطب لهم من اختياره مايتوفقون سبحان الله ,, قلبي يعورني عليهم ,, بس دايم انبه ,, ان امك ظالمه عيالها ومب حنونه عليكم ,,
يقول ماعليه بتظل امنا ,, ادري هالكلام يزعله ,, لانه مايرضى على الوالدين ومرات انا يوم ازعل على ابوي يقعد ينصحني ,, ان عيب وحرام ,,
فما اعرف كيف اتصرف ,, انا متوكله على رب العالمين اللي كاتبه لي ,,
لكن قلبي معورني عليه هو ,, وبنفس الوقت غضبانه منه ,, ومن تصرفات وحكم امه ,, يقول اذا الله خذ امانته ,,
يومها اقدر اقرر لان ماراح يزعلون علي .. ابيهم يفرحون قلت كيف يفرحون دام مب حاسين فيك ,,
جهه ثانيه ,, مب الحب حياتي احيانا تتوقف على امور اتمناها .. يعني الزواج اذا حد خطبني ,, الخاطب يهون ,, او انا ارفض بدون سبب ,, مب عشانه هو لا والله ,, بس اتم اصيح اذا حد خطبني احس بخوووف ,,
ابي اكمل دراستي مايستوي شي يمنعني ,,
من سنه وشي اهلي خذوا لي سياره ,, لين اليوم ما اسوقها مع عندي رخصه ,,وما قاعده اتوفق ان احصل مدرب يساعدني يشيل الخوف مره حصلت مطوع
سوالي فيلم ,, يوم شافني اعرف اسوق والخوف هذا مو من السواقه من شي ثاني ويوم قلت قمت اشوف ضباب ,, وكلامه مب اول شخص يقوله لي ,,
انتي محتاجه قريه ,, وبالفعل يا قرى علي وصارت عيوني تدمع بدون صياح وهشي صار لي قبل زمان بعد ,,
بس ماقالي شي المطوع وعدني بأنه يقرى علي عقب يدربني ذهب ولم يعد استغرب ان بعض الامور ماتكمل ,,
يوم اقول حق اهلي ابي اروح حد يقرى علي ,, انا اقرى الاذكار ومرات يصيدني كسل ومخي يتشوش ما ابي شي ,,
واهلي يعارضون مب انهم مايؤمنون بالرقيه لا بالعكس بس معاي انا بذات يوقفون بطريجي لا ,, اونه المطاوعه ياخذون فلوس وحرام الواحد يقرى بفلوس وهذا مب مطوع صادق ووو يطلعون مليون عذر وعذر ,, بس خلي اختي تمرض او حد من اهلنا ماشوفهم يقولون جي ,,
ف مادري البلى في من !!!!
اي وبغيت اعرف شلون اشارك في قسم تفسير الاحلام لان ماعرف وين احط حلمي !!
قصائد أحمد @ksayd_ahmd
عضوة جديدة
يلزم عليك تسجيل الدخول أولًا لكتابة تعليق.
بحرالعنى
•
ياختي عمرك وصل الثلاثين وانت تنتظرين واحد ممكن يكون صادق وممكن يكذب ويضيع وقتك لو كان صدق يحبك اقنع امه بالموافقه مهما كان الام يلين قلبها وماترقف بنصيب ولدها خصوصا انك بنت ناس ومافي بينكم اختلاف بالجنسيه والدين والاصل استخيري الله ترا عمر الحرمه موممثل الرجل
تسلمين عزيزتي الغاليه ,, على ردج ممكن يكون صادق وممكن يكون كذاب هذا انا اعرفه من زمان مب صغيره عشان انغش ,,
اقولكم امه صعبه وايد يعني اذا قالها ,, بتوقف في ويهنا هو مفضل الصمت وعدم الزواج ,, وانا وضحت ان انا ما راح اوقف نصيبي لكن نصيبي ما ايي يعني اذا وافقت يخترب كل شي من جهة الخاطب نفسه ,, وهشي تكرر معاي 4 مرات ,, ما اقدر اسوي لنفسي شي في هالحاله ,,
وهذا الانسان صادق مثل ما انا صادقه مع نفسي انسان يخاف ربه وبار بوالدينه واعرف كيف اخلاقه ودينه مايحب الكذب ,,
ما اتمنى اي حد تظن سؤ بشخص ماتعرفه لو كذاب انا بعرف من زمان وما بتكلم
بس انا ابي اعرف ليش الامهات جي تفكيرهم ,,
وسألني سؤال قالي لو عندج ولد ربيتيه وتعبتي عشانه ,, وسويتي عشانه كل شي ويا هو جزاج بشي من ورى ظهرج ماراح تزعلين ,,
ازعل بس مب لدرجة ان طول عمري احقد عليه او ادعي عليه مايتوفق هاي شيسمونه ,, قلب ام ولا شنو ؟؟
اقولكم امه صعبه وايد يعني اذا قالها ,, بتوقف في ويهنا هو مفضل الصمت وعدم الزواج ,, وانا وضحت ان انا ما راح اوقف نصيبي لكن نصيبي ما ايي يعني اذا وافقت يخترب كل شي من جهة الخاطب نفسه ,, وهشي تكرر معاي 4 مرات ,, ما اقدر اسوي لنفسي شي في هالحاله ,,
وهذا الانسان صادق مثل ما انا صادقه مع نفسي انسان يخاف ربه وبار بوالدينه واعرف كيف اخلاقه ودينه مايحب الكذب ,,
ما اتمنى اي حد تظن سؤ بشخص ماتعرفه لو كذاب انا بعرف من زمان وما بتكلم
بس انا ابي اعرف ليش الامهات جي تفكيرهم ,,
وسألني سؤال قالي لو عندج ولد ربيتيه وتعبتي عشانه ,, وسويتي عشانه كل شي ويا هو جزاج بشي من ورى ظهرج ماراح تزعلين ,,
ازعل بس مب لدرجة ان طول عمري احقد عليه او ادعي عليه مايتوفق هاي شيسمونه ,, قلب ام ولا شنو ؟؟
الصفحة الأخيرة