السلام عليكم ورحمة الله وبركاته ..
كثير منّا له أماني ومطالب يتمنى ربي يحققها له سبحانه وأكيد لما نبي ربي يحقق أمانينا لازم يكون راضي عنا سبحانه جل جلاله ..
راح أعطيكم أمثلة بسيطة أي وحدة فينا لما تبي شيء من أمها أو زوجها تسوي أول شيء يرضيها أو يرضيه وبعدين تطلب لأنها عارفة أنه بيوافق أو بتوافق أمها لأن بيكون راضي أو راضية عنها ..
هذا الأشياء لازم نسويها عشان ربي يرضى علينا ويحقق لنا أمانينا (ولسوف يعطيك ربك فترضى)
الشيء اللي خلاني أكتب الموضوع هو بعض العضوات يكتبون ادعوا ان الله يفرج همي ويحقق ماأتمنى لكن لما أشوف ردودها على بعض المواضيع في بعضها تتشمت وتضحك على كاتبة الموضوع أو حتى تحطمها طيب كيف تبين الله يرضى عنك وأنتي تحطمين غيرك بدال ماتتكلمين بكلمة طيبة
احنا محاسبين على كل كلمة نكتبها عشان كذا لازم تكون كلمة ترضي الله ورسوله وبعدها راح نشوف كيف همومنا يفرجها ربي سبحانه وتعالى
يمكن البعض غفل عن هذي النقطة وحبيت أذكركم فيها أن أخطأت فمن نفسي والشيطان وإن أصبت فمن الله سبحانه ..
وبالنهاية أسأل الله الفرج لي ولكم وللمسلمين جميعاً وأن يفك أسر زوجي وأسر كل مسلم يارب هو على ذلك قدير ..
سبحانك اللهم وبحمدك أستغفرك وأتوب إليك ,,
أختكم / بيسآن الورد
بيسان الورد 24 @bysan_alord_24
عضوة جديدة
يلزم عليك تسجيل الدخول أولًا لكتابة تعليق.
ندى التميز
•
جزاك الله خير
الصفحة الأخيرة