رضيع عمره اربع شهور يتنفس بصعوبه خشمه مسكر ساعدوني

عادي حصنيه

وخذيه للمشفى الافضل عنده جهاز لشفط المخاط والبلغم ااذ كان عنده بلغم

واذا مررره

في قطررره للاطفال رهيييبه يفتح سد الانف

اسالي عنه بالصدليات

انفه متسكر من ايش ؟

مزكوم ولا مكتوم من حساسيه او شي لاسمح الله ؟

عموما جيبي عود اذن وحطي بها شوي زيت زيتون , وامسكي ولدك زين او يساعدك ابوه او احد حتى يثبته .. وامسحي فقط من المنخر من الداخل بشي بسيط , انتبهي تدخليه كثير .

عشان يلين المخاط الجاف ومسدد انفه ويطلع مع العطاس او مع مسحك بالكلينكس .

وفيه قطرة محلول ملحي خاص للاطفال موجود بالصيدليه او بخاخ لكن القطرة افضل لأن البخاخ يخوفهم دخوله للأنف فجأة مع الصوت .

وحاولي تعطيه في رضاعته شوي ماء معتدل لأن المزكوم يعطش وينشف حلقه والطفل مسكين مايقدر يعبر لك , لازم تفهميه وتلبي احتياجاته بغريزتك الى ان يقدر يتواصل معك .

وتجنبي مستقبلا مشاكل الصدر والزكام القوي مثل عدم تعريضه للمكيف مباشرة حتى لو كان حر , الطفل جسمه ضعيف يجمع الحرارة بسرعه ويبرد بسرعه .

وقت النوم ضروري تلبسيه بجامه كم طويل وتكون دافيه ومريحه , درجة حرارة الجسم تنخفض مع النوم واللحاف ماينفع كثير , البجامه هي الحل حتى تحميه من برد المكيف .

واذا مرضه مو من المكيف الاجواء هالايام متقلبه الله يكفينا الشر .. ما أقول لك سكري على انفسكم بالبيت لكن الاعتدال في الحماية هي افضل وسيله لتقوية مناعة الطفل .

والزكام الحمدلله خير وبركه يعطي جسم الطفل فرصه حتى يقوي مناعته ويطورها ضد الفيروسات.

تعلمي واقرأي بالنت والبروشورات اللي تكون في المستوصفات والمستشفيات عن طرق العناية بالطفل حتى ماتتعبي من القلق والتفكير .. البكر تكون فيه التجارب مسكين وان شاء الله تتعلمي وتعلمي غيرك بالتجارب .

الله يسهل عليك ويحفظه لك .

زيت زيتون باعواد اذن لكن انتبهي تدخلينه كثير جوات انفه

وخليه ينام على بطنه اريح

يااختي وحنا عندنا بزران مو بكريه مانعرف وديه لاينقصه اوكسجين ويتعب لاقدر الله ولا يصير فيه شيء 
التتفس مهم مايبغى له تجارب فلانه وعلانه 

الله يعين يارب رحمتك والله اخاف من المستشفيات معاد فيها مصداقيه وثقه

شكراً لكل الي ردوا علي

ورفع للفايده