رضينا بالهم والهم ماهو راضي فينا

بسم الله الرحمن الرحيم
السلام عليكم ورحمة الله وبركاتة كيف حالكم يا بنات عالم حواء انا في البداية ترددت اني اكتب لكم
قصتي اوبالاحرى معاناتي لكن في النهاية قلت مالي الا اخواتي في المنتدى اشكيلهم واطلع اللي في قلبي لان ما عندي صديقات اقدر افضفضلهم مشكلتي هي انا متزوجة من خمس سنوات وعندي طفلين ما حسيت بطعم السعادة مع زوجي ابـــــــــــــــــــــــــــدا ماتتخيلون قد ايش انا اعاني من هالعيشة
لا حب لارومنسية بينا حاولت معة لكن مافية فايدة حياتنا باردة جــــــــــــــــــــــــــــــدا اللي صار امس صار اليوم وبكرة بعد .افكر في الطلاق يوميا لكن خايفة على عيالي بقولكم على الاسباب وهي:
اولا تفكيرة تفكير شيبان لا كلام حلو ولادلع دمة ثقيل سواليفة تسد النفس اذا تكلم يا ينتقد او يتكلم عن الاراضي بعد الاسهم طبعا والايسولفلي عن اهلة وذكرياتهم زمان(قالها لي 100 مره)صرت احفظها
والا ساكت طلعات شينة نروح مطعم كل اربع شهور لا وانا اللي اطلبة .هدايا مافية لا في مناسبة ولا غيرها .اهم شئ عندة اهلة ذبحني بهم لازم اروح عندهم وانا اتضايق من القعدة عندهم سوايفهم مملة
عن الجمال والجنس فقط ما يخلون وحدة الا ويمدحونها ويصفونها وصف خيالي وكله كذب ومبالغة
ومو بس كذا يمدحون انفسهم ان اكلهم حلو ويفهمون في كل الامور مع اني ما شفت ولااكلت عندهم شئ حلو روحنا عندهم البارح وتعشينا عندهم اللحم ما استوى ومافية ملح الحمد لله اخوان زوجي مايعطون اهله وجة ويسوون اللي يرضي حريمهم بالرغم انهم عاديات جدا جداوالسنتهم طويلة اذا ماسوى اللي تبغى ورتة النجوم في عز القايلة .
من ضمن الاشياء اللي كرهتني فيه شكلة ماهو حلو يعني قبـــيــــــــــــــــــــــــــــــــــح وانا بشهادة الجميع جميلة والحمدلله اخلاق وانيقة (ليس غرور )ولكن انا اقولكم على كل شئ ومع ذلك مايمدحني ولايدلعني انا اموت من القهر لما اشوف وحدة شينة وجة واخلاق وزوجها حلو ومدلعها
مثال مرة اخوي احلى منها مليار مرة ومعطيها كل الللي تبغى ولا يقولها لا ابدا وهي (استغفر الله العظيم)مرة صارت مشكلة بينا في الاجازة الكبيرة قالي انا ندمان على زواجي منك وياليتك تموتين
وسب في اهلي والله العظيم انهم طيبين معة انقهرت منة وبعد فترة انا اللي اعتذرت خوف من الله
ولا اعتذرالسفر ما نسافر واذا روحنا نتمشى في الشوارع او نروح البحر غيره مافية
ويسكني في اوسخ الشقق انا اشتري ملابسي بفلوسي واذا اعطيت اهلي شئ يزعل وهو يعطي اهلة وساعد اخوانة في زواجاتهم وابوهم عايش وراتب التقاعد 14000ريال
ودي اكتب لكم اكثر لكن انا مشغولة يالله لقيت وقت انا اسفة على الاطالة وعدم ترابط الافكار لكن كل
ما تذكرت شئ كتبته
وسؤلي هل معي حق اذا طلبت الطلاق؟؟؟؟؟؟؟؟؟؟؟؟؟؟؟؟ انتظر ردودكم وشــــــــــــــــــــــكــــــــــــرا