رعبته حالة نفسية ولا عادي

السلام عليكم
هذا يابنات امس كانو طالعين بسيارة زوجي اخوه وابني وزوجي
اخو زوجي الله يهديه يحب يمازح كثير
يوم وصلو نقطة التفتيش وزحمة وكانو بالتفتيش لابسين اسود ب اسود
المهم اخو زوجي حب يمزح شوي مع ابن اخوه ويروح يقول للعسكري معانا هذا ماتبغونه
وعلى حظه طلع العسكري فلاوي مثله راح فاتح الباب ل ابني وقاله يلا انزل
وصار يسحبه سحب من الباب وهو يضحك وابني على قول زوجي شوي ويغمى عليه من الرعب وبعدها تركوه والولد متغسل بعرقه من الخووف
الموضوع مو هنا
الموضوع بعد خمس دقايق من هالموضوع زوجي مالقى الا ابني فتح النافذة وقعد يرجع وانتم بكرامة ماخلى شي ببطنه ورجع لي منهار يروي الموقف يقولي بيعذبوني وبيضربوني ورجع مرة ثانية قبل لاينام وفوق كل هذا يجيني اليوم يقولي ماعرفت احل كويس بالاختبار خايف
انا مستغربة جدا هالتصرف والرعب لي عاشه الولد وهو عمره ١٢ سنة يعني مو صغير
هو عنده حالات من قبل
مرة سمع صوت دورية يوم كنا بالسوق صار يبكي
ومرة عشانه شاف دوريات قدام مدرسته قعد خايف مايبغى يروح يومين وماراح الا لما جاه ابوه وصله
واخوي ضابط يخااااف منه لدرجة اذا شافه يغمض عيونه عشان مايطالع فيه 😅😅😅
هل هذي الحالة عادية يعانون منها الاطفال ولا كيف
لانه لي يشوف رعبه وخوفه من هذا الشي يقول فعلا مريض او فيه حاجة