ماجده222 :

عندي أختبارات ومالي نفس أذاكرالموهيييم تذكرت موقف الله لايعيده حصل لي أنا وواحد من أخواني أصغر مني بسنه تذكرووون يوم أنتشرت سالفت السفاح اللي بالشرقيه وخاصه بمخطط 91د في تلك الأيام<<<ترى تعبت عليهاخخ اللي سارأن أناوأخواني قاعدين نلعب بلايستيشن1وفرحانين بشريط كراش سيارات وأنواع الفله والضحك والتحديات وطبعا كل هذا بالملحق في الحوش وتعرفونها معزوله عن البيت وقدر الله أن أبوي وأمي وأخواني ماعدا اللي أصغر مني قرروا يطلعوا السوووق وأمي قبل لاتروح وصتنا ندخل البيت ونقفل الباب الداخلي بالمفتاح وطبعاقلنا خلاص وراحوا>> أقسم بالله أكتب وأنا أحس أني مخنوووقه ونسينا كلام أمي >>ياحبي لها والله وصتنا حتى وهي طالعه مع الباب الخارجي الموهيم وأنا قاعده ألعب لاحظت شيء مربسرعه مع باب المقلط لأني كنت مواجهته وكان طويل ولابس اللبس الأبيض الداخلي اللي للرجال أناهنا والله يابنات خفت خوف موطبيعي وقلت للأخوي وطبعا هوهداني وطلع يشوف وتأخر وأنا خلاص ماعاد قدرت أتحمل قلت لااااازم أطلع لأخوي ويوم طليت مع الباب كله خوف مابي أطلع بسرعه وش تتوقعون شفت>> شفت أخوي وهوه جامد في مكانه وكأنه يناظر في شيء وناشف ريقه ومصفروجهه وأناحاولت أطلع ماقدرت >>وربي أني أكتب ونفسيتي زفت المهم حاولت أشوف ماشفت شيء لأن كان مغطي جدار فاصل بين حوش الحريم والرجال وأخيرا أخوي ألتفت يمي وأنطلق بسرعه ودخل عندي وهويرجف وناشف ريقه ويقولي هاتي الكنب نحطه عالباب علشان مايقدر يفتح وأنا هنا ومدري كيف ربي عطاني قوه وأشيل الكنب وساعدني أخوي وتخيلوا حطينا كل الكنب اللي بالملحق عالباب وجلسنا أناوأخوي عليه ومدري كيف جت عيني على التلفون وفرحت أنه كان بالملحق وأمشي يمه والله يابنات أحس بكل مفصل في جسمي يطقطق وكأني بموت وأرفع السماعه وأرجف وأدق 999ويرد علي واحد الله يسامحه أنا أشكي له اللي حاصل وهوه يرد علي بكل بروود طييييب وييين بييييتكم ووصفييييلي البيت وأنا أوصف وأرجف وأبكي ورحم حالي المسكين صاريهدي فيني وأخوي خلااااص وجههوأناعلى هالحاله أنفتح الباب الخارجي وأسمع صوت أهلي وكأني في حلم وبعدنا الكنب وجري عند أمي وحكينا لها بس ماجبنا طاري اللي شفته وشافه أخوي وعاتبتنا ليه ماسمعتوا كلامي وبس بس يابنات يوم سألت أخوي وش شاف وش تتوقعون شاف واحد طوييييييل ويده ماسكه سقف المظلة حقت السياره وأسمر وشعره منكوش ومفلفل وكدش ويحلفلي أنه شافوه>>>طبعاكنا صغاروأحس يوم أذكرهذا الموقف أحس بيتعب جسمي الحمد لله وبس

عندي أختبارات ومالي نفس أذاكرالموهيييم تذكرت موقف الله لايعيده حصل لي أنا وواحد من أخواني أصغر...

ام عبدالله12مره :

انا يابنات عندي قصه مختلفه شوي بعدين راح اقولكم عن قصصي مع بسم الله الرحمن الرحيم السالفه صارت من فتره طويل شوي من قبل 14 سنه بالضبط كنت برابع ابتدائي وتوني راجعه من المدرسه وكنت جالسه مع ابوي جتني امي وقالت لي روحي للجيران جيبي من عندهم طماط طلعت انا واختي الاصغر مني بسنه ونص طقينا الباب على الجيران وفتح لنا الباب اخو مرت الجيران وقلنا له امي تبي منك طماط قال تبون روحوا فوق وقول لاام فلان اوما انا اطلع واجيبه لكم لاوالله طبعا انا خفت اطلع لانه البيت كله رجال ومافي الا مرت الجيران وبنتها الصغيره بس حريم بالبيت انا رفضت اما اختي قالت انا اروح راحت وانا انتظرها عند الباب والباب كان مردود لكن اللي يمر بالشارع يشوفني واقفه < فهمتوني صح :( المهم اللي صار سمعت صوت رجال ينادي التفت لقيت سيارة الهاتف واقفه عند باب بيتنا وفاتح الباب ومنزل رجل وحده بس ويأشر لي بكل برائه اطفال او اقدر اقول بكل دلاخه رحت له ومن زود الغباء وعلى بالي ان الدنيا امان من جد تفكيري تفكير بزر < وفعلا كنت برز ولااحد عمره حذرني اني مااكلم احد غريب المهم وقفت قدامه على طول فجاءه ماحسيت الا اني بسيارة واحس بحرارة الكف على خدي والله يابنات اني احس بالكف الحين وانا الحين عمري 23 سنه والحادثه صار وعمري 8 ونص المهم شغل سيارته ومشى ولحد الحين وانا مب عارفه وش السالفه وش جالس يصير حولي قالي لاتخافين انا صديق ابوك قالي اجي امرك عشان نروح نتقضى من سوق الخظره انا طلع الف استفهام براسي اصلا ابوي من متى يرسل احد يجيب شي للبيت وطيب لو فعلا ارسله ليه عطاني كف وليه ابوي ماقالي مع اني توني شايفته بالبيت وليه يرسلني انا ماارسل اخوي واكبر من بـ 3 سنين يعني افهم مني وقتها طلعنا على الشارع السريع وكان اصلا طريق يطلع على برا الرياض وكان يدور براسي اني افتح الباب وانقز من السياره بس اللي كان مخوفني انه مسرع والسيارات مسرعه بعد يعني لو نقزت دعستني وحده من هالسيارات وخيره اني ماتجرات وفتحته المهم طلعنا من الرياض بشوي وبعدين من فوق كبري نزلنا على مكان فيه فتحات السيول اذا تعرفونها الكبيره مره اللي تجي من تحت الطرق وفتحه كبيره ماعرف اوصفها اكثر لكم هي زي هذي بس اكبر وكانت 3 فتحات بس وانضف اكيد فهمتوني المهم نزل هو وجاء من جهتي انا وفتح الباب واثره مسكره من برا يعني انا مااقدر افتحه الا اذا احد فتحه من برا خيره اني ماحاولت افتحه قدامه المهم نزلني ودخلني بالفتحه اللي بالوسط وقالي يالله انزلي ملابسك وقتها انا انصدمت قلت له لا قالي يالله والا والله لااذبحك واقطعك وارميك للكلاب :( حسبي الله ونعم الوكيل وجاء هو صار اللي صار < فهمتوها مااقدر اوضح اكثر :( بعدها قالي البسي يالله واركبي السياره وبعدها ركبت السياره وقالي اسمعي برجعك للبيت لكن بشرط محد يدري عني قلت انا طيب قالي وش بتقولين لااهلك قلت بقولهم اني عند صديقتي فلانه<لانها جنب بيتنا وكان هذا الحل الوحيد بس عشان يرجعني خفت اسكت او اي شي اسويه يذبحني قالي حلو خلاص وين تبين انزلك قلت انا اي مكان <ابي الفكه منه :( قالي بنزلك عند المسجد تدلين البيت قلت ايه ادله قالي طيب ونزلني عند المسجد ورجعت للبيت وحالتي حاله حتى نعالي مادري وين طاروا اعزكم الله يوم قربت للبيت لقيت الشرطه عند باب بيتنا وابوي يكلمهم ابوي الله يطول بعمره يوم شافني من بعيد جايه فهم اللي صار جاني وضمني لصدره وبكى انا شفت دموع ابوي اول مره بحياتي كلها ولله العظيم اول مره اشوف ابوي يضمني ولا بعدكان يبكي دخلني ابوي لاامي وقالها اكشفي عليها انا وقتها مافهمت وش يقصد .. هو راح يكلم الشرطي المهم دخلتني امي الغرفه وسالتني وكنت اجاوب ومن بكرا خلتني امي اروح للمدرسه عشان الجيران مايحسون ويصدقون لانه انتشر بالحاره اني انخطفت واختي الي قالت لاامي خليها تروح المدرسه عشان لو طلع عليها كلام محد يصدق لانها جايه للمدرسه المهم عقبها صار الكلام من ابوي للشرطه وانا مايوصلني شي وبعد اسبوعين نايمه على اساس اني بروح للمدرسه صحتني امي ولبستني ورحت مع ابوي للشرطه عشان اتعرف عليه لانه مسكوه حسبي الله ونعم الوكيل وبعد التحقيق الطويل طلع انه خاطف 3 بنات وانا وولد طلعوني اتعرف على سيارته وبعدين ودخلوني عليه وكان معه 6 شباب كنت اشوفه واعرفه بس خايفه اقول هو قالي الشرطي الله يجعله بالجنه ياحي ياقيوم ويسعده دنيا واخره اذا عرفتيه اشري عليه ماراح يقدر يسوي لك شي لان الغرفه مليانه شرطيين وقفني جنبه وقلت له هذاك الي واقف كان اسمه فهد :( كان منحف بطنه عشان مااعرفه بعدها طلعوني للمحقق مادري وش يسمونه بس اعلى مرتبه عاد علي الاساله ونفس الكلام اقوله له بعدها رجعت للبيت وبعد فتره ونفس الحكايه نايمه على اساس بروح المدرسه صحتني امي وبعدها قالت لي بتروحين مع ابوك للمحكمه :( تخيلوا انا ادخل ابوي محاكم اانا من بدا اخواني وخواتي دخلت ابوي المحاكم المهم بعد مادخلنا داخل المحكمه قالي ابوي ادخلي انتظار النساء وكان ززززززززحمه وملايين حريم واللي تقول سرق مني واللي تقولي عمي اخذ ارضي وكلام ماافهم شي منه شوي ويناديني ابوي وقالي يالله الحين بندخل وقفت جنب ابوي شوي ويجي الخاطف حسبي الله ونعم الوكيل مكلبش بسلاسل يدينه ورجلينه وجلس عند باب عاد مادري وش يسمونها الغرفه حقتهم ...وكنا حنا من الجهه الثانيه من الباب ..شوي ويدخلونه وتدخل بنت وبعدها انا دخلت وكنت لاصقه بابوي الله يطول بعمره قالي الشيخ شوفيه يمكن غلطانه تاكدي هو ولالا قلت له اي متاكده المهم عاد علي نفس الاساله حقت مركز الشرطه عشان يطابق الاجابات بس مادري وش جاني ماقدرت اجاوب الشيخ اللي يجزاه خير فهمها لان الغرفه مليانه شرطيين ورجال بلبس مدني عادي امرهم اللي جلسته مو ضروريه يطلع بقى بس القاضي و3 معه والكاتب والخاطف وضابط واقف عند الباب وابوي وانا وجاوبت على كل شي وبعدها طلعت من الغرفه ورجعت للبيت ومع كل هالاحداث واللي صار والله والله ولا دمعه نزلت مو لاني متبلده المشاعر لاوالله بس من الصدمه طلعت دموعي وطلعت الصدمه الصدقيه بعد 7 سنين انهرت وطلعت الصدمه الصدقيه ماقدرت انهار عند اهلي صرت ادخل غرفه لحالي او اروح لسرير واصيح لحد مااشبع والحمدالله انه مااثر علي مره وبشكل كبير واللي يصير معي الحين بس اذا مريت لحالي من عند رجال اسمر بالحيل تجيني رجفه خوف ودموعي تنزل بس اذا كنت مع اهلي الحمدالله مايصير فيني شي لاني احس بنوع من الامان

انا يابنات عندي قصه مختلفه شوي بعدين راح اقولكم عن قصصي مع بسم الله الرحمن الرحيم السالفه صارت...

سكره مكره :

اللي ارسلت لي رساله مشكوره ياعسسسسسسسسل <<ماقدرت ترد عليك بسبب المشاكرات ,, خلوني اقول لكم موقف حصل على ايام الثانوي مره انا ووحده من البنات نازلين من الدور الثالث شوي الا نشوف وحده في اخر الممر جالسه على كرسي تصارخ وتبكي وتتألم ومعاها بنت ثانيه ولما قربنا منهم شفنا البنت تقرى عليها وهذيك تبكي وتتألم وعرفتا انفيها جني بسم الله الرحمن الرحيم وانا خوااااافه مره قلت لصديقتي خلينا ننزل قالت لا ابشوفها عن قرب واشوف وش يصير وربي احس موقفنا كان غبي ونروح لييييين قربنا من البنت يعني ماصار يفصل بيننا وبينها الا يمكن متر ونص وواقفين نطالع كنها فرجه الله يشافيها وشوي الا يدها بدت ترتعش وتسوي حركات غريبه بعدين دخلوها فصل كان فاضي وقفلو الباب وحنا نزلنا واليوم الثاني جات البنت اللي كانت ترقيها قالت لنا كنت بقول لكم انزلو خفت عليكم تكونو مو متحصنات او شي ماينفع تجو تتفرجو على اشياء زي كذا,, القصه الثانيه انا اسهر الساعه 7 الصباح جيت بنام تغطيت باللحاف وانا من النوع اللي اغطي وجهي عاد ممداني اغمض عيوني الا اسمع صوت كانو دفتر ينفتح كل شوي ورقه تنفتح قلت يمكن اتوهم لكن طول الصوت انتظر متى يوقف مافيه فايده قلت لا مو معقول يكون جني اكيد انا اتوهم خليك يابنت شجاعه وشوفي وش السالفه وافتح اللحاف عن وجهي وقسم يابنات بس فتحته وقف الصوت واتلفت بالغرفه ماافيه شي قلت يمكن يكون فيه دفتر والشباك مفتوح والهوا يحرك الورق وربي لقيت الشبابيك مسكره ولا فيه ولااي اثر لدفتر وارجع اتغطى باللحاف والنبض عندي واصل مليون واسمي بالرحمن واقرى المعوذات ومادريت بنفسي الا امي تصحيني في العصر

اللي ارسلت لي رساله مشكوره ياعسسسسسسسسل <<ماقدرت ترد عليك بسبب المشاكرات ,, خلوني اقول...