الموضوع جوناااااااااااااااااان....

وانا بقولكم صارلي موقف مع ابوي وماكنت ادري انه موجود وكنت امشي واناظر برجلي وساكته افكر ((داخله جو)) الموهم وانا امشي رايحة صوب المجلس وكان السيب مظلم انوار مقفلة والدنيا ظلمة وابوي يمشي قدامي وساكت لما قرب مني توقعت خيالي لاني دائما اتخيل اشياء حسيت فيه شئ ضخم ويوم ارفع وجهي إلا ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه وامسك على قلبي بقوة ابوي قعد يسمي علي كان موقفي صعب خفت يدخل فيني شئ بسم الله الرحمن الرحيم واخواني ضحك علي .....

يمممممممممممه بنات صراحه فيه بنات زين عايشين للحين عقب الرعب اللي جاكم

وعندي موقف مره انا واختي كانت يمكن بخامس وانا بثالث وكان رمضان يعني الدوامات متأخره
ومدري ليه طلعنا بدري طبعا مشي للمدرسه ويوم وصلنا الا هي مقفله وجلسنا شوي ماجا الحارس
قالت اختي خلنا نرجع البيت لان الشوارع هاااااااااااااااديه ومافيها احد وحنا بالطريق جا واحد سوري
بسياره (ددسن) يروح ويرجع وحناخفنا وقمنا نسرع لين حكرنا بزاويه الرصيف وقف بسيارته وقال(اطلعي) والله مانسى كلمته وشكله لاف الشماغ دار مدار راسهطبعا اطلعي>>بلهجتهم يعني اركبي حسبي الله عليه جننا المهم ونررررررررركض وهو بسيارته يمشي ويهدي اذكر والله نمشي جنب السور كانت اشجاره عاليه وكثيفه
ونندس تحتها او ندنق ورى السيارات وهو يروح ويجي ضيعنا او مايشوفنا المهم ونوصل بيتنا ونلللللللللعق الجرس واشوا امي مابعد مانامت ويااالله فتحت >> مدري تأخرت او حنا من الخوف نحسها طولتالمهم وندخل نررررررجف واختي كانت صايمه على بالها كبيره وشربتها امي مويه وافطرت ههههههههه وقلنا لابوي السالفه قال تعرفون شكله قلنا اييييه >> لان يوم وقف بزاوويه الشارع كان قريييييب مننا واضح شكله مره المهم يوم جا بكره ودانا ابوي بالسياره > طبعا حنا عرفنا مكانه لان اول ماشفناه كان موقف عند اسطبل خيول معناته يشتغل هناك المهم ودانا ابوي عند مكان الاسطبلات وسبحان الله طلعلنا وقلنا لابوي هذا هو ونزل ابوي بلبسه حق الشغل العسكري المهم كلمه وليومكم والله مدري وش الحوار بالضبط بس تقريبا كذب قال انه كان يبي يوصلنا او شي كذا>> نصاااااب الحقير شلووووون بيوصلنا ويشوفنا نركض مانبيه ويلحقنا للبيت وش هالاخلاق!!!


وموقف ثاني صراحه بالنسبه لي يضحككك اما لعمتي فلم رعب مسكينه ههههههههه

هي ساكنه معنا وماتحب احد يدخل غرفتها تهاوشنا وانا كنت بغرفتها والله مدري وش كنت أدبر ههههه المهم يوم سمعت صوتهاجايه للغرفه بسرعه اندسيت ورى الستاره على بالي شوي وتطلع واطلع وراها بدون ماتدري وماتهاوشني بس طووووولت بالغرفه مدري شتسوي انا من الخوف حتى ماطليت اشوفها مادريت الا هي موخره الستاره بقوه تبي تفتح الدريشه وانا على بالي انها شافتني صرختت بوجهها الا هي تصااااااااااااارخ طبعا تروعت مني الله لايلوم اللي يلومها ههههههههههه المهم طقتني عالماشي ورحت انا طيرااااااااااان لأمي كانت بالمطبخ وانا وجهي اصفرررر متروعه الا عمتي وراي لاحقتني تصااااارخ وتقول لامي الموضوع وانا ورى امي اقول والله مادريت>> عمتي على بالها اني مندسه بخوفها وانا والله مندسه خايفه لاتهاوشني عشاني داخله غرفتها هههههههههه المهم وصلت السالفه لابوي وعدت على خير


ثالث موقف لي انا

ايام الجامعه بمستوى خامس وكان صعععععب وانا شايله هم مررررررررره مابي ارسب بأي ماده المهم كانت اختبارات نهائيه وانا طبعي اقوم العصر واذاكر ليييييين اروح للجامعه يعني اواصل وكان عندي اختبار.. الماده مو صعبه بس استاذتها معقدتنا حسبي الله عليها المهم من كثر ماني شايله هم حتى ماقدرت انام الظهر وفجأه غطت عيني قبل المغرب بشوي الا اتحلم و كنت احس فيه كأن شي يلمس اطراف رجولي طبعا كنت نايمه عالسرير بالمقلوب يعني راسي على طرف السرير ورجولي عند الدريشه المهم افرك رجولي ببعض لانه شعور زي دغدغه وانا ماحب كذا المهم فتحت عيني الا اشوف قطوه متعلقه بالستاره وتدلدل سودا وشينه مره المهم اغمض وافتح عيوني وأسمي وانادي خواتي واطالع الا مافيه شي!وقعدت اسمي واورح اصلي المغرب وانا منصدمه مدري هو حلم ولا علم ولا تهيؤات من ضغوط الاختبارات المهم الحمدلله ماتعقدت كثير من السالفه


وفيه مواقف كثيره عن الجن بسم الله الرحمن الرحيم

اذكر وحده من صديقات اختي اهلهم بشقراء وفيه منطقه قريبه من شقرا مشهوره بالاشياء هذي المرعبه تقول نزلنا بمسجد محطه واشوف وحده لابسه شرشف صلاه احمر وتصلي المهم البنت صلت هي واخوتها وامهاتقول يوم خلصت صلاه التفت بشوف وجهها الا اشوفه فاااااااضي مافيه وجه بسم الله الرحمن الرحيم
وسلامتكم

يممممممممممممممه مواقفك تخوف بسم الله الرحمن الرحيم تخيلو امس اقراء ردودكم وقصصكم قلت ماراح انوووم الا لين اخلص المووضوع كله من قصص وجت الساعه 7 صباح وزوجي راح ادوام لدرجعه شافني وقال ليه مولعه المبات بس ماقلت له اني خايفه وقلت له لا تداوم بس سفهني المهم وانا اقراء الا جت الساعه 8 صباحا قلت خلاص بكمل العصر الحين بنام وانوم وتخيلو اني حلمت بقصصصكم اقراها وحده وحده بسم الله الرحمن الرحين ونص القصص احلم وانا اقراها مدري وش مكتوب فيها بس اقراء حتئ قومتني بنتي جت جمبي وقمت حطيتها جمبي وانام اكمل نومتي الا اكمل الحلم اقعد اقراء الردود مره ثانيه يمه بسم الله الرحمن الرحيم
اعوذ باكلمات الله التامات من شر ماخلق

اب كملوا قصصكم

<<< تقولهاا وهي خايفه

انا كنت مرة جالسة بالصالة تقريبا"الساعة 6 او 7 الصباح ومعي كتيب اقرا فيه عن المسيح الدجااال ومنهمكة في القراءة وتخيل شكلة لانه في

الكتاب يوصفونه وانا خلاص عايشة جو وتخيلات الا وجرس الباب يرن وكان قريب مني في الصالة والله يبنات احس ان قلبي بيوقف واحس الدم

طلع في وجهي احس بحراره واخرته عامل اخوي يبغى ابوي الله يرحمه والله اني ودي اني طالعة ومعطيته كم طراق من الروعة الي فيني

..................
كملوووووووو بليز