شفنيرا :

والله المواقف المرعبه وايد لكن افضعها واشدها على قلبي والى الحين عايشه ذكراها وعجزت انسى ضياع ولدي في المول ...وشلون راح اقولكم؟؟؟ كنت مره زايره اهلي ومحتاجه اغراض وكان حولهم مول قريب واقدر اروح له مشي المهم اخذت عيالي وياي ورحنا جلست اتسوق وخلصت الفلوس اللي معي ورحت اسحب ،ولدي الله يهديه رفض يجي وياي قال انا تعبت من المشي وبجلس انتظرج هني اخذت البنا ت ورحت يوم رجعت ملقيت الولد يالله احس نفسي توقف وانشلت حركتي ..وبون وعي جلست اركض اركض اركض واصرخ ياسر ياسر ياسر والناس تطالع فيني وبنياتي يصيحون .. وان اصيح واصرخ ولدي ضاع ولدي ضاع ... والله فيه رياجيل ماقصرو قعدو يدورون معي بس المشكله اني حطيت في بالي اني ماراح القاه وانه طلع من احد المداخل وانه جاء احد وسرقه ابليس الله يدمره وبوسط هل ااوساوس ذكرت الموبايل وذكرت امي قلت خلني اكلمها ترسلي اخواني يدورون معاي ..افتح جنطتي ادور الموبايل مالقيته واتلخبط واقعد ادور احد يعطيني موبايله لكن حسبي الله ماحد عبرني اللي يقول مامعي واللي يقول مافيه رصيد خلاص الدنيا انسدت بويهي وزاد صياحي وربكتي ومادريت سبحان الله الا تيني حرمه كبيره شوي وتضمني وتسمي علي وتعطيني جوالها وادق على امي طبعا الرقم يالله طلع معي بالحسره احس من الربكه نسيته ويوم طلع معي الرقم وسمعت صوت امي علطول شغلت الونانات وعيزت اتكلم وهيا تقولي علامج شو فيه ؟؟؟؟قلتلها ياسر ضاع ياسر ضاع،، مدري وين راح قالتلي خلاص انا جايتج الحين انا واخوج وياطول الوقت علي بالرغم من انه مايتعدى ربع ساعه بس كنه سنه عندي ..المهم جاء اخوي وهو يصرخ لقيناه لقيناه انا احسه بيغمى علي ومومصدقته مسك ايدي وركبني السياره ورحنا البيت يوم دخلت الااهو جدام ويهي ويضمني ذيك الضمه ونقعد نصيح ذاك الصياح اللي مادري وشلون اوصفه لكم وبعد ماهدينا سألته وشلون وصلت البيت ومن اللي يابك قال اني يوم ضيعتكم قعدت ابجي وشافني واحد من اصدقاء خالي اللي هو اخوي قعدنا ندوركم بعدين قاللي خلني اوديك بيت خوالك ....الله يهديه استعيل على باله انه ضايع من فتره طويله واهو مايدري انه الوقت اللي خليته فيه دقيقتين او ثلاث ....يالله جلست فتره وانا مومصدقه اللي مر علي وياني مثل الوسواس الله يحفضهم ويحميهم ويرزق كل محروم ايه نسيت اقولكم اني طلعت من المول وماقلت للي يدورون معي اني لقيته والله اني خبله...خواتي يقولون منظرج وانتي تضمين ولدج كنه مشهد درامي هههههههه

والله المواقف المرعبه وايد لكن افضعها واشدها على قلبي والى الحين عايشه ذكراها وعجزت انسى ضياع...