أنين السحر :

يللا بكمللكم راح اقولكم كيف زوجي تعب وانضرينا كلنا يوم كنا نايمين انا وزوجي وولدي في غرفه تانيه نايم عشان نحن نسهر شوي وطفلنا انومه بدري كان عملاة سنه ونص تقريبا المهم سهرنا ونمنا وشويه صحيت ع صوت ولدي يبكي فقمت رحت عنده اسكته المهم سكته وعيوني راحت في النوم جنبه وشويه يابنات ما ادري ايش اللي صار حسيت بشي غريب ومفزع وانا نايمه صحيت وجسمي كله مقشعر والدنيا كلها تلف حولي وزي صوت اووووووو:30: طبعا الدنيا ضلام انا صحيت وصرت ازعق واقول لا اله الا اله وولدي نفس الشي صحي يبكي بصوته وصرت اهدي عليه واسكته وانا مفجوعه ومرتبكه مدري ايش صار واللا يابنات في نفس الوقت القى زوجي واقف عند الباب ويناديني وانا ءاشرله روح اصبر اسكت الولد خايفة يصحى وماعاد ينام لانه كان متعب شوي وبس رقدته ورحت لزوجي لقيت وجهه مخطوف وفي عيونه دموع ويقولي بصوت خايف شكلي حاموت قلتله اعوذ بالله لاتقول كدا يقولي شوفي رجولي واطالع والاقي رجوله تنفض وتهز هز وتتحرك باضطراب بدون شعورة قلتله بسم الله عليك ايش صار ليش جيتني ع الغرفه قاللي انت لمن رحت للولد اتاخرتي وشويه حسيت بحركه ع السرير قلت جيتي وشويه احس بضغطة السرير استناك تنسدحي الا ادير وجهي الاقي وجهك جمبي ع السرير راسك بس وهو يقجع بشكل بشع بشع :30:انا طرت من الخوف وزعقت:o وقمت والاقي رجلي تتحرك بقوة ولا اقدر اسيطر عليها المهم انا قلتله ايش صار معايا والولد وصرت اهدي عليه واقوله لاتخاف دا بس لانك خايف وبردان وصرت ادفيه ورجله بااااااااردة فقمت حطيتها تحتي عشان تدفى الا يقولي لا لا طلعيها صارت منمله مررررررررررة طلعتها وصرنا نتكلم عشان نضيع الجو ورجوله هديت شويه ونحن نهرج كل مانجيب سيرت السحر او المس رجوله تهز بقووووووة انا انفجعت وسرت اقرا على رجله صارت تهز تهز اقوى واقوى وزوجي يقولي خلاص وهو خايف مررررة المهم قالي قومي خلينا نصلي وبهدى ان شاء الله دا كله ونحن شاكين بس رحنا صلينا وجلسنا قدام بعض بعد الصلاة وصرنا نتكلم الا يقولي زمان كانت عيوني ترف كل ما امسكها الا هو مسك عيونه الا صارت ترف رف المهم قلبي نغزني مشيتها وقلتله وانا ابتسم صدفه سبحان الله وصرنا نضحك وعقبت عليها بتريقه اخاف تمسك شفتك ترف كمان الا مسك شفته تريقه الا صارت تهز وتتحرك لحالها انا قلبي دق بسرعه وقلتله علي الا هو يرد وكله خوف والله مو ان اللي احركها هنا ان خفت واضطربت وقلتله امسك خشمك واضغطه الا انفتح وانتفخ لحاله ومسك اصباعه وسكه الا انفك اصباعه وانسك لحاااااااله :eek:هنا يابنات صرنا نبكي انا وزوجي من الفجعه وجمعت قوايا وصرت اقرا عليه ورجوله صارت تهز وساقه وجسمه وراسه وماعاد قادر يسيطر ع نفسه وصات نظراته غريبه وخبيثة وانا اقرا واقرا الا صار يحاول يدعسني برجوله وعيونه ووجهه كلها رعب وانتقام وانا ابعد خااااايفه يسوي فيا شي شويه سكت وزوجي هدي بس برضو رجله لازلت تنفض ع خفيف شغلت مجد للقرءان وكانت ايات عن سحرة فرعون الا وزوجي يضطرب ووجه ينتفخ ويحمرر ويخور ويطيح قمت انا من الخوف عليه سكيت التلفزيون وانا ابكي :(:eek:ورحت عنده اهزه قام ورجله برضها صرت اشجعه يقرا ع نفسه الاهو اتشجع وصار يقرا ع رجله الا يا بنات والله رجله ترتفع ارتفاع عالي وتنزل وتتحرك وهو يقرا ويقرا الين ماعاد يقدر يسيطر ع نفسه وصار ينظرلي بنظرات حقد وعيونه تلمع ويقوم يبغى يجيني الا انا وقفت وصرت اقرا ماسكه مخدة واضربه بها وزوجي فجأة ينادي علي يقولي اهربي مو انا اللي ابغى اذيك ويرجع يفقد وعيه وتتبدل نظراته ويحاول يرميني باشياء تقيله ويتفل ع وجهي ويتهددني وانا مرعوبه دحين معايا جني:07: ويبغى ياذيني وانا بس اقرا وماسكه المخدة في يدي وخايف ع ولدي وفجاة بنظرات حقيرة ووسخة ويغمزلي وانسدح وحط لرجل ع رجل وهزها صار يعط ع شفايفه وياشرلي بعينه لغرفة النوم يطالع فيا وجسمي هنا انا وقف تهديد وصار ينظرلي صرت ازعق بصوتي وانادي ع زوجي الا زوجي يعدل نفسه ويزعقلي ويبكي ماهو انا اهربي اهربي شوي هدا وجلس وصار يكلمني زوجي عبي ملابسك بدق ع اخواني وانت بوديك لاهلك وصار كل ماتجي عيني في عينه يتعب ويظهر عليه ويسويلي حركات مرعبه وماعاد يقدر يسيطر ع نفسه فصار يكلمني وما يطالع فيا وانا قلبي طاير:06: يرجف شوي صار زوجي يكلمني انه خايف علي وخايف اسيبه وانه يحبني وخايف يبعد عني وهو يهرج فجأة لسانه طله ودخل وراح يمين شمال بدون ارادته يعني يسكته وصار زوجي يبكي وغيرنا الكلام ونحن نتكلم فجاة يدة صارت تسوي حركه غريبه زي كانه يعد فلوس ويحاول يوقفها ترجع مرة تانيه وصارت عينه تطالع فيه وهيا تلمع المهم احداث كتيرة مرعبه صارت من الصبح لحد العشا كلم اخوانه وهو يبكي ويتخبط الين وصلهم اللي صار وجو بسرعه العشا وراح مع اخوانه لشيخ وانا جا اخويه واخدني وللموضوع بقيه ان شاء الله

يللا بكمللكم راح اقولكم كيف زوجي تعب وانضرينا كلنا يوم كنا نايمين انا وزوجي وولدي في غرفه تانيه...