دانا غلاتي :

مواقفكم مرررعبه صدق اما انا صارلي موقف خرعني حيــــــــل تخيلو يابنات مره كنت جوعانه حدي وكنت حامل بالشهر السابع وانا توني راده من الكليه نمت وقمت العصر وزوجي بيطلع عند ربعه طلبته يجيبلي شي اكله قالي اطلبي من المطعم قلت اوكيه وطلبت وجلست انتظر ربع ساعه والا الجرس يدق واقول مين قال ماما هذا في مطعم واروح افتح الباب مثل كل مره امد يدي اعطيه الفلوس واستلم الطلب ويوم جيت اصك الباب الا الهندي يدف الباب باقوى مامعه وانا ادف احاول اصك الباب وماقدرت وانا اصارخ بصوتي كله الحقووووني حرامي واركض في الحوش تخيلو شكلي عاد حامل واركض وهو وراي يمشي ماشوف الا ظله وراي وانا ابكي واصارخ بصوتي كله وارمي الاغراض اللي معي وابكي وجاني شي يابنات احس ان اللي في بطني بينزل واطيح عند باب الشقه وماحسيت الا باليد اللي ماسكتني من ورا وانا خلاص بيغمى علي ويوم التفت اطالع فيه الا طلع زوجي الله يقطع ابليسه حب يسوي فيني مقلب اثاريه جالس عند الباب ينتظر الطلب يوم جا حاسب عليه وحب يسوي فيني المقلب ذا وانا يوم شفته وعطيه ذاك الكف واقعد ابكي وانوح وانواع الدعاوي عليه والله يابنات ماقدرت اتحرك من الخرعه وجسمي كله ينتفض وجلس يقرا علي ويعتذر وانا ماني بيمه مغير انتفض واشاهق واتخيل ان الهندي هو اللي دخل وهو يقول يابنت الحلال هدي ماتوقعتك خوافه كذا طلعتي خرطي مانتي قويه وقعدت زعلانه عليه يومين ماكلمه وهو يحاول يراضيني وانا ماش ماني بيمه جتني مغوص وبلاوي كله بسبت هالموقف وكرهت خدمة توصيل المنازل ليومكم ذا وانا ماطلب الا اذا كان بعلي موجود00 لي عوده مع مواقفي المرعبه

مواقفكم مرررعبه صدق اما انا صارلي موقف خرعني حيــــــــل تخيلو يابنات مره كنت جوعانه حدي وكنت...