الصراحه الموضوع مرررررره روعه

الموقف الي صار لي كنت بلندن أنا وقريبتي كنت أتسوق أنا وهي تمشينا وتسوقنا الى المغرب

وانا كنت حامل بالسادس

قالت قريبتي أنا بجلس وانتي روحي طبعا أنا طلعت عيوني لأني خوافه والرجعه فيها قطار يعني ما اقدر ارجع

للسكن الي إحنا فيه الا بالقطار

ودتني قريبتي الى القطار نفسه وتقول انتبهي لا تركبين القطار الأزرق اركبي الأحمر قلت أوكي. مسويه قويه

وأركب وانا وكرشتي على أعصابي استنى المحطه الي بانزل فيها فجاءه وقف القطار قبل محطتي بأربع محطات

ونزل كل الموجودين بالقطار الا أنا :hahaha: مصممه الا اروح بنفس القطار

وش صار صار القطار من ضمن كل خمس قطارات توقف وتبدل

جاني واحد بريطاني هو وصديقته ويقول ليش جالسه عاد أنا سمعت كلامه ونزلت :06: و الانجليزي ماعرف

الاشوي ولا عرفت اكلم احد واناظر يمين ويسار ما لقيت الا رجل اسود طويل ومجدل شعره ومعه قيتار ويناظرني بعيون حمر

وأشوف الي نزلوا من القطار راحوا قطار ثاني وأروح والحقهم قلت يمكن بيروح لنفس محطتي واحط رجلي بالقطار ثم ما ارتحت ونزلت صار القطار بيروح ولايه ثانيه بعيده عن لندن

تخيلوا الموقف مامعي فلوس والجوال مخلص شحنه :angry2::

واجلس ادعي واسأل ولا احد يفهم وأروح اسأل البريطاني وصديقته وأركب معهم القطار الثاني تراهم كانوا معي بالقطار الاول واشوى اوصل وانا قلبي بكرشتي

ووصلت المحطه ولا ادل البيت وأشوف اثنين سكرانين من الخوف ما سيدت لفيت وامشي واركض هذا غير الكلابه الي بالطريق الى ان وصلت وانطل نفسي على السرير ماني مستوعبه الي صارلي

وش رايكم بالموقف

بنات يالله نبي مواقف

استغفر الله الذي لا اله الا هوا الحي القيوم وأتوب اليه

احنا مرة كنا في تركيا وراكبين سفينة في خليج البسفور ومبسوطين ونتفرج وكان مليان سفن المهم وحنا في قمة سعادتنا إلا وتوقف علينا السفينة في عرض البحر خربت او السواق عليمي المهم وهو يحاول فيها تتحرك تجي سفينة كبيرة محملة سياح ومسرعة مرة وتطلق صافرتها والسفينة حقتنا موقفة في طريقها وحنا نشوف السفينة الثانية وهي متجهة لنا الناس يصارخون وحنا ندعي ونتشهد وما بقى بينا وبينها الا مسافة صغيرة سبحان الله تحركت سفينتنا في اللحظة الأخيرة ونجينا من موت محتم بيكون بسبب اصطدام ذيك السفينة بسفينتنا .----- بس صراحة رعب إنك تشوفين الموت قدامك وما تقدرين تسوين شي وسلامتكم.

اناوسبق وقلت لكم عن بيت جدي انه مسكون بسم الله الذي لايضر مع اسمه شيءفي الارض ولافي السماء وهو السميع البصير ومافيه احد من اهل البيت ماشاف حتى خالي يوم نام عندنا شاف حرمه عجوز وعمي شاف حرمه منسدحه عجوز في احد الغرف ومرة عمي تشوفهم باستمرار حتى مره كانت تغسل الملابس وتقول اشوف تنورتك ورجلينك واناديك تعالي انتي وراك واقفه وراي وتقول تهجين وتنزل تدورني قالو انه هي واخوانه(اللي هي أنا) رايحين من اول النهار مع امهم وكل اهل البيت شافو الا انا بس موقفي وانا صغيره بس وذكرته لكم المهم اجيكم في الرعب اختي مريضه اسأل العظيم رب العرش العظيم أن يشفيها وينتقم ممن اذاها ويكف الاذى عنها وعنا تكفون قولوا امين تشوف بسم الله الرحمن الرحيم (الجن) وتجي عندنا يغمى عليها وتصيح ياربي ياكريم انك تشفيها ودايم تقص لي واحيانا اجي والقاها مغمى عليها فتعرفون قصصها مع قصص اهل البيت كيف خلتنا نخاف المهم نجي للقصه نامو كل اهل البيت ونامت امي واختي اللي قلت لكم عنها الله يشفيها وكل مريض والكل نام البيت مقسوم جزئين امي واختي واخوي سكرو عليهم غرفه برى الشقه وناموا من بدري مرره بقى انا وثنتين من خواتي سكرنا علينا الشقه بالقفل وبدت السهره عشان مانطلع صوت وهم جالسات على سريري وقلت بروح اجيب غرض من المطبخ واجيكم وانا اروح للمطبخ واجي طااااااااايره العب عليهم لاحظو مافي الشقه غيرنا بس الباقي ناااااااااااايم برى الشقه والشقه مقفله بقفل يعني لازم يدقون الباب عشان يدخلون علينا مافيه الاحنا المهم جيت طايره يمه يمه وادخل الغرفه واقفل علينا وخواتي يقومون من السرير وش صاير وش فيه قلت شفت جني في المطبخ مادريت غيرالباب يدق علينا بقوه وخواتي يتمسكون في اااااااه هذا الجني ياويلينا و يقعدون يبكون أنا دوروني خلاص ماعاد اقدر اوقف اقوى موقف رعب في حياتي عظامي وركبي قامت تصفق في بعض قلت لهم من هذا اللي يدق الباب وهم يبكون يقلون مدري الجني للي شفتيه في المطبخ الشقه مقفله وامي واخواني برى أنا استوعب من ياربي ولا يدق الباب برجلينه وايدينه بعد يعني معصب وأنا من من من من الى مالا نهايه وخواتي حطو روسهم في حضني وكلنا على السرير البنات ماتو في هدومهم والباب يدق بقوه وكل ماقلنا من زاد الدق وجن جنونه اخذت القرآن وقريت منه الا اللي بالباب استنزل يدق كنه بيكسره وخواتي يصايحون خلاااااااااااص سكري القرآن سكررررررررررررررررررري قصدهم لا تثورينه علينا هههههههههههه اقسم بالله انه اقوى موقف مدري وش اسوي انا قلت في نفسي بلاكم ماتدرون مايحتاج يكسر الباب علينا يدخل راسه من غير لايكسره واقول شكله جاء دورنا نشوف الله يكفينا شرهم والمسلمين اجمعين المهم قالت اختي قومي افتحي له خلاص وصلت معهم يبونه يسوي اللي يسويه ويخلصنا المهم انا مااعجبني قرارهم اني افتح له الباب لانه بيعصب علي انا وهم متلحفات وصغيرات يمكن يرحمهم قمت من السرير وفتحت الشباك وصياح تخيلوا اخر الليل الحقوني يااااااااااااااااااااااااااااااااااااااااااااااااوه ياويلنا الا الي وراء الباب صوت اختي افتحي امزح معكم افتحي هههههههههههه انا هنا حسيت ان لحظة النجاة هي احسن لحظة الله ينجينا من كل مكروه دنيا واخره ويرزقنا فرحة لحظة النجاة من النار المهم حتى وانا ابي افتح خواتي راسهم في البطانيه يقلد صوت اختي يقصدون الجني لا تفتحين انا فتحت وكانت المفاجأه ماهي اختي ااامزززززززح اختي توها قايمه من النوم طلعت نايمه في احد الغرف اللي بالشقه وقفلنا وهي معنا ولما سمعتني اقول يمه واقفل قامت خايفه دقت الباب علينا ويوم شفاتنا خايفين حبت تمزح وتمثل علينا تزيد مع بكانا وقرأت القرآن بس من جد طولت تقول بغيت اجيب فيمتو واكبه من تحت الباب اشوى انها ماجبته والا كان امدينا في اشهار وسلامتكم دعواتكم لاختي الله يفرجها عليها ويشفيها ولأمي

لا اله الا الله محمداًرسول الله سبحان الله العظيم سبحان الله وبحمده استغفرالله واتوب اليه ولا حول ولا قوة الا بالله وإنا لله إنا إليه راجعون