ريحة المطر :

بسم الله الرحمن الرحيم مواقفكم من جد مخيفة الله لايحطني فيها ولا عيالي والمسلمين اجمعين .. خواتي القعدة توام ،، وحده منهم فيها خوف شنيع تخيلوا الحين هم اولى متوسط مستحيل تنام لحالها على السرير تنام جنب اختي ينحشرون .. واحنا شاكين انها تشوفهم بسم الله على قلبها واختي الثانيه تداريها مرره اكيد تدري عنها بس ماعمرهم قالوا شيء ابدا .. تصدقون بعد ماقريت عن المس وكذا خفت مره يكون فيها شيء تو بالواتس اب تسال امي وينك قالت امي بنام قالتلها ابيك شوي عاد انا امزح معها قلت الله من القلق يانوف ضاقت الا هالوقت تبين امي قالت امي اي والله جت جرتني من فراشي ونومتني عندها ،، ان شاءالله مجرد كوابيس وخوف اللي فيها .. واحنا بيت اهلي عاد لايخلو من الحركات نص الكم خخخخخخ بس حمدلله مافيه اذيه ،، وامي جاتها فتره تحس فيهم وتشوف زي الاطياف ،، وزمان يوم كنا صغار كان الدور الثاني مهجور محد فيه نادر مانطلع فوق انا واخواني نلعب الظهر عاد كنا كثير نسمع صوت ركض فوق واحد ينزل ويطلع الدرج ،، بس اختفت الاصوات بعد ماملينا البيت كله خخخخخخخ العام صارلنا موقف فيه ،، كنت انا عند اهلي اتوحم وحالتي حالة ومررره تعبانه ونزيف وقرف المهم عندنا غرفه الحريم صغيره امي فضتها وخلتها غرفة لنوم الضيوف وانا واخواني يعني سبيل خخخخ وكان ايام برد وهالغرفه بالدور اللي تحت ،، المهم انا وبنتي نايمين وهي مررره قلق الله يهديها يالله تنام ،، اذن الفجر وجت حزة قومة المدارس قامت امي واحس بحركتها برى وبنتي تووها غطت بالنوم خفت تقوم قمت سويت نفسي نايمه وسكرت اللابتوب ،، مادريت الا وحده من خواتي تنادي بنتي قالت هديـــــــــــــــل بصوت واطي انا استغربت يدرون انها لو تشوفهم طالعين بتسوي مناحه تبيهم لانهم يهربون دايم اذا جوا يطلعون خخخخخخخ وبيني وبين نفسي اقول اكيد اني غفيت ويتهيا لي طبعا هالتفكير كله بلحظة بس وش شككني بنتي فزت قالت نعممممم عاد انا عصصصصصبت على خواتي ونويت للي نادتها نية قشرا ،، بس اشوى بنتي نامت على طول وانا اطلع مستشرة وارقى فوق وانصدم والقاهم الثنتين بفرشهم مابعد قاموا واسالهم قالوا وش تبين انتي روحي بس عاد مادري ماخفت ذاك الوقت نزلت وخميت بنتي ونمت يمكن لاني وحم وحالتي حالة مالي خلق اخاف خخخخخخ والموقف الثاني بنفس هالايام كان الوقت يمكن ٨ او ٩ بالليل انا بالغرفه عالنت وامي تغسل الملابس امي حاطة غسالتها بالمخزن والمخزن بوسط المطبخ واذا تغسل مستحيل تسمع صوت من برى يصير ازعاج المهم مادريت الا جتني طايره قالت انتي ناديتيني قلت لا قالت اجل اكيد وحده من خواتك قلت مدري يمكن مع اني ماحسيت باحد ينزل من فوق ،، امي استغربت كذا مره تسمع احد ينادي ومطنشه متحمسه تغسل ياحبيلها تموت بالغسيل خخخخخ عاد يوم طلعنا فوق لان جلستنا فوق قالت امي منهي ذي السخيفه اللي تناديني وارد عليها طول الوقت وتروح تخليني كل وحده قالت موب انا امي سكتت وانا طبعا ماقلت شيء قدام خواتي خفت على وحده منهم مره خوافه عاد قلت لامي عن اللي نادى بنتي وردت عليه قالت ايه انا حاسه فيه شيء بس انا اوريك فيهم ههههههههههه وتبدا كل عصر تقل شيخ تدور بالغرف وتقرا سورة البقرة واذاعة القران من اول مانسكرها بس علينا الصوت ،، عاد اخوي ملتزم الله يحفظة وعنده علم ماشاءالله قال لامي اذا انتي متاكدة من وجودهم ترى مايطردهم الا سورة البقرة وفعلا عقبها ماحسينا بشيء ،، وبس :)

بسم الله الرحمن الرحيم مواقفكم من جد مخيفة الله لايحطني فيها ولا عيالي والمسلمين اجمعين .. خواتي...