بذكر لكم موقف مره عنداهلي كان يوم مدرسه وانا كنت نايمه ووحده من خواتي غايبه عن المدرسه كانت جالسه بغرفه اخواني ماحسينا الا الباب حق غرفتنا ينفتح بقوه وصحينا انا وامي ولما شفنا من وانها اختي وجهها اصفر ولسانها انربط ماعاد تتكلم قلت وش فيك مافهمت عليها الا لما قالت حرامي ولما ناظرت مع الشباك وانه رجال يحوم ورى البيت واخذ جوالي مسويه قويه واتصل على الشرطه طبعا هذا وانا مخترعه لايكون معاه رشاش يبي يذبحنا المهم واكلم الشرطي يقول لي روحي شوفيه هنا والا راح وانا اهاوشه واقعد اقول له يمكن معه مسدس قال لا مامعاه روحي تاكدي هالشرطي رفع ظغطي فوق خرعتي واقفل في وجهه وتقعد امي تنادي على اسم ابوي علشان يروح والله شين وقوي عين فتح باب الشارع وطلع ولا كن شي صاير من جد كل ماتذكر وجه اختي اقعد اضحك عليها الله لايعيده من يوم

:22::42:
حركوا الهمه وياليت تكون قصص جن

انا ياما صارت لي مواقف تشيب الراس بس اخر موقف يضحك ويخوف كان امس الصباح ... توها واصلتني شغاله من كينيا ولها عندي اقل من اسبوع وتعرفون اشكالهم كيف كانهم رجال وجثث من جد واللي عندي حتى شعرها محلقته ومره تخوف وغير كذا انا ماحب الشغالات بالمررررره واخاف منهم ومن قصصهم ولليوم مأثره فيني قصة عايشه الكويتيه اللي ذبحتها الشغاله قبل فتره ... المهم اني لما يصحى زوجي للدوام بالصباح اروح غرفة عيالي وانام معاهم واقفل الباب علينا بالمفتاح كله خوف منها بس امس ولدي الصغير الله يصلحه صحى يبي الحمام وانتو بكرامه وفتح الباب وراح وانا حسيت احد قريب من وجهي ولما فتحت عيوني لقيت الشغاله قريب وجهها مني وعيونها مبققه وحمر وشكلها يفجع وماده يدها عاد من الخوف وربي قمت اضربها بالمخده في كل مكان واحذفها بكل شي جنبي حتى رضاعة بنتي صكيتها بوجهها واصارخ باعلى صوتي كانني بفيلم رعب وهي من الخوف المسكينه مغطيه وجهها بيدينها وبعدين راحت تركض من عندي جننتها هههههههههههه ..انا وقتها ماكنت مستوعبه شي اللي اعرفه ان الباب مسكر كيف دخلت هذي يعني كنت اطقها ومو حاسه بنفسي ...واكثر شي اكرهه اني افتح عيوني من النوم والقى احد وجهه قريب مني او يطالع لي ما استوعب على طول يمكن اذبح اللي قدامي من الخوف ...ولما طلعت الشغاله رجع ولدي يركض وسكرت الباب ومافتحته الا لما جا زوجي ونسألها وش كانت تبي تقول ولاشي ..


موقف ثاني وانا صغيره يمكن كتبته قبل او بمنتدى ثاني .. المهم انو وانا لسى بالابتدائي كانت امي وجدتي يفطرون بالدور الثاني والحليب صار بارد قالت امي خذي نزليه للشغاله بالمطبخ تسخنه وتجيبه ... ولما كنت بالدرج مسكني خالي الله ياخذ عمره وكان يبي يجرني غصب لغرفته وانا من الخوف ماقدرت انادي امي لانها شديده خفت منها اكثر من خالي ولما كنت افك نفسي منه بالغصب كان يحاول يشيل هدومي من تحت والبيت فاضي مافي الا امي وجدتي فوق والشغاله بالمطبخ باخر البيت ماحد درا عني بديت اصارخ ماسمعتني امي وهو يحط يده بكل مكان قمت شلت براد الحليب وصبيته عليه وركضت لفوق ... تدرون وين القهر اني ماعلمت احد عن اللي صار وكله خوف من امي الله يهديها من كثر ماهي شديده مستحيل نعلمها بشي يعني حتى لو علمتها بتضربني هي طبعها كذا وللحين اكره هالخال الله لايوفقه من قلبي اقولها ووالله حياته كلها مشاكل ولابسامحه سبب لي حاله نفسيه وما اقدر انسى الموقف مع انو قديييييييييييم


كمان موقف واحنا في مواقف المستشفى راح زوجي يحجز موعد وانا والصغار انتظرنا بالسياره .. وكان فيه رجال يمكن بالاربعينات او اكبر شوي المهم انو شكله طبيعي وكان يدور جنب سيارتنا ويبتسم للصغار والحمدلله كانت الشبابيك مقفله وشويات الا والرجال جاي ركض للشباك من جهة بنتي ورا ويضربه باقوا ماعنده ويصارخ افتحووووووووو يا... يا.......يقول كلام ماينقال ويضرب الشباك بيدينه بغى يكسر القزاز وكان فيه واحد بالصرافه تبع المستشفى شافنا وجا يركض ومسك الرجال بقوه وتجمعوا الرجال عليه وبالكود قدرو يوقفونه وانا ماسكه كل عيالي بحضني بالمرتبه الاولى وادق على زوجي يعطيني مشغول
ولما جا اخيرا وربي تمنيت اصكه كف يقلب ملامح وجهه من القهر ليش يعطيني مشغول فرضا ماحد ساعدنا وهالمجنون سوا فينا شي وكسر القزاز كنت زي المهبوله اضرب بواري واتصل من الجوال واضم عيالي واصيح كلها بوقت واحد .. قام يتاسف قال والله حسبتك تبيني استعجل فكنت اعطيك مشغول لاني خلاص قربت انتهي .. وطلع هالرجال مريض نفسيا او بالاصح مجنون ومشهور في المدينه اللي احنا ساكنين فيها الله يشفي الجميع

بسم الله الرحمن الرحيم
مره كنت راجعه من اهلي وتعرفون الشقق اد طولت محد نظفها تجي غبااار
المهم كنت تعبانه اول يوم وتثاني يوم انعزمنا ورجعت لشقتي زوجي طلع وانا جالسه لحالي في الكنب وسط الصاله قريبه من المطبخ رتبت كل الشقه باقي المطبخ الساعه كانت اثنعش والله العظيم سمعت صوت خبطه قويه جايه من داخل المطبخ احس عظمي وجسمي بغا ينشل صوت مره قوي كنه صوت حادث
واخد جوالي واروح الصاله واسكر الباب ادق علا زوجي اول شي عطاني مشغول بعدين قفله حسبي الله عليه ولاجا الالساعه ثنتين
واجلس عند بنتي واناانتفض والله مادري شلون نمت كني بغيبوبه ماقمت الاوزوجي فتح الباب بقوه وواقف عند راسي يقول وش تبين ياقلق
وانا والله اشااهق واشاهق من الخرعه تخيلي تنامين مرعبوبه ويجيك من يرعبك زياده

الاخت الي فوقي حتا انا قد صار لي موقف قريب من موقفك مع خالك بس انا مع عمي كنت صغيره اللحين يحسبني ناسيه بس اتدكره كنه امس
حسبي الله عليه ونعم الوكيل الحمدلله الي ربي حفظني منه
اللحين اكررهه واكره عياله كره العمى مع ان عياله اطفال
المشكله انه ماقدرت اكلم احد عن اللي صار لي
الله يحفظنا ويحفظ المسلمين والمسلمات من هالاشكال