ننتظر

انا موقفي رحنا مره انا واخوي الصغير واخوي الاصغر يعني كلنا بزارين ارسلونا اهلي نجيب عشا من البيك المهم السياره كانت رايحه فيها واخوي مايعرف الطريق المهم اشترينا العشا يوم جينا بنرجع ماعرفنا كيف نرجع للبيت وكنا كل ماشفن خطوط نختار على كيفنا والله شوي الا تنقطع الاناره والدنيا تظلم ولانا ماسكين خط الرياض والسياره مافيها بنزين واحنا مامعنا فلوس والله بغيت اموت من الخوف وركبي تطقطق فبعض


شوي وقفنا عند راعي بسطه ودلنا على الرجعه بس بعد ويش كنت بموت من الخوف

الله يسعدكم ردوا على موضوعي هذا


http://forum.hawaaworld.com/showthread.php?t=3644354

يماااااااااااااااه


انا وش دخلني هينااااااااااا اهئ اهئ

انا موقفي ماحب اتذكره ذكرى سيئة ورعب مميت

اتفقنا في يوم احنا وقرايبنا نروح للبر نخيم مدة 3 ايام اللي هي اربعاء خميس جمعة

وكنا خمس عوايل كثيرة المهم اتفقوا يطلعو بعد المدارس على طول للبر واتفقو على المكان

بعيد مسافة 100 طريق سيارت وعشرين طريق بر كانو يبون مكان معين كبير ومعروف

المهم اتفقت جدتي الله يرحمها مع ابوي انها تروح مع ولد عمتي للبر يجهزون ويبنون الخيمة ويرجع ولد عمتي يشيل العايلة مع ابوي

انا واختي غايبات انا كنت في ثالث ثانوي قلنا لامي نبي نروح مع جدتي تقول أمي قرصني قلبي اول مارحتن بس تعوذت من

الشيطان ركبنا مع جدتي ونزلنا ولد عمتي وراح بعد مابنينا الخيمة وجهزنا كل شي تركنا هناك وكانت الساعة 8 الصباح

وعلى اساس كل العوايل تكون موجودة مابين 12 الى1 عندنا ......

جت الساعة وحدة الساعة ثنتين الساعة ثلاث ولا أحد بين هنا انا واختي قلنا لجدتي غريبة وينهم وكانت جدتي مبين عليها الخوف

بس طمنتنا وقالت اكيد تعطل احد ويساعدونه ... وهي بعدين قالت لنا خفت عليكم بنات ومعاي ولحالنا تقول قعدت اتخيل شيبي يصير اذا

بقينا لحالنا الى الليل............ رحنا نتمشى وكانت ايام فقع ونجمع بهالفقع وانا جعت قلت برجع للخيمة اكل واختي وجدتي بعيدات

الا وانا بالخيمة الا سيارة وانيت غمارتين وقفت قدامي حسبتها سيارة ولد عمتي بققت عيوني الا ناس ماعرفهم تغطيت وجمدت مكاني

كنت جالسة قلت يمكن مايشوفوني ........... قال اللي راكب السيارة ياهل البيت <<<< مسلسل بدوي

سكت مارديت نادى مرة ثانية يابنت انا هنا قلبي تضارب قلت نعم كانو رجالين في السيارة قالو وين رجالكم قلت هنا ورا الجبل

اللي ورانا قال اي جبل انا اسميه جبل وهم يسمونه تلعة ههههههههه قلت هنا ورا قال وينهم ماشفناهم قلت هالحين يجون

قال هاه قلت هالحين يجون قال هاه انا هنا سكتت وبعدين قلت شتبييييي روح يالله رووووووووح وراح وقمت اركض اركض اركض لعند جدتي بغيت اموت من الخوف وجدتي من بعيد شافتهم وجت تركض وعباتها طايرة وراها خخخخخخخخخخخخ

وتصارخ وش قالوا لك شيبون سوو فيك شي قلت لا بس يسألون عن الرجال .... هنا كلنا خفنا وقعدنا نبكي واخر شي دخلنا الخيمة

وجدتي فكرت تسوي نفسها مجنونه قالت اذا جا احد بنفش شعري وبركض له عشان يخاف وخلت معاها سكاكين هههههههه كسرت خاطري

بغت تموت من الخوف وانا واختي بس نبكي واخر شي الساعة سبع في الليل لقونا وصار فيلم هندي ابوي يحظننا ويبكي وأمي تحظننا وتبكي...........

طلع ولد عمتي مخربط بالمكان ودانا لمكان غلط وماثبت المكان وضيعنا بهالصحاري الواسعة قعدت كم سنة عندي عقدة من البر وقمت مااطلع كثير .......

والحمدلله اللي نجانا

بالله يابنات ادعو لجدتي بالرحمة اشتقت لها كثير وانا اسولف عن الموضوع اتوفت زي هالشهر العام الله يرحمها ويسكنها فسيح جناته

وهالسالفة صارت قبل اكثر من 11 سنة ......