السالفه هذي من سنييين لما كنا صغار
امي طلعت تنام بالصالة لان مكيفها خربان مدري وش سالفته
المهم نامت بالصالة وانسدحت بطريق عشان المكيف يهف عليها
وهي مستغرقه بالنوم تقول حسيت باحد يصحيني لقيتها وحده تقولي قومي عن الدرب الله يهديك :ohmy:
طبعا هي من بسم الله تنصح امي تبعد عن دربهم

وحده اخت صديقتي تقول كان شقتها حوووسه وفوضى وفيه كراتين وكان زوجها بالعمل طبعا وهي بالشقه لحالها
المهم كانت تنظف وترتب وبعدها تعبت وقالت خليني انام شوي على الكنبه وفعلا خذت قيلوله ولما صحت لقت الصالة تلق من النظافه وكل مرتب ومنظف مع انها تاركتها فوضى ووسخه

وحده من معارف جدتي غسالتهم حاطينها بحمام الملحق
وفي يوم من الايام بعد ما راحوا عيالها المدرسه دخلت الحمام عشان تغسل الملابس ولما فتحت الغسالة لقت قطوتين صغار ميتين سمت بالله وشالتهم وحطتهم بجمب زبالة الشارع الله يكرمكم وغسلت الملابس عادي
لما جا الليل نامت طبعا ولما صحت تصلي الفجر لقت نفس القطوتين جمبها بالسرير بسم الله :ohmy:

رفع

بسم الله

وييييييييييينكم



طيب انا بقول لكم موقف صار لولدي الصغير قبل كم يوم

الله يسلمكم ولدي عمره ست سنوات وكان يحوس وراي طلباته ما تخلص تدرون اخر العنقود المهم

وهو وراي من مكان لمكان وطلب مني شغله قلتله بس بصلي العشاء بالأول

دخلت لحمام غرفتي اتوضى وهو قاعد على سرير ينتظرني وشوي وهو يدق الباب بقوه ويصارخ ويصيح ما مداني افتح الباب والقاه بغرفة إخوانه يبكي وشفافيه زرق وحاضن اخوه ويبكي

أساله شو فيك يقول شفت وحش بغرفتك ورى الباب وأخذه وأقوله مافيه شي وروايته وري الباب يقول شفته طلع لي وجه احمر وبرأسها قرون وأسنانه دبابيس يقصد حاده وعيون خط وياشر بانها خط أفقي ضميته وهديته وقعدت أقرى عليه المعوذات وأية الكرسي
وغرفتي لمن أنام فيها دائماً احلم بكوابيس ومرتاح بنومتي فيها ولمن أنام بمكان ثاني أنام مرتاحه

وقد صار لولدي موقف بنفس الغرفة بقوله لكم لا حقاً

قريت الموواقف يمممه تخووف اكثر موقف خفت منه اللي نامت في البررر مع جدتها ........
وتذكرت لكم بعض المواقف صارت مع جدي الله يرحمه ويغفر له كان قلبه قوي ومؤذن .... القصه 
كان جدي راجع من مشوار اخر الليل في الجنوب وكان ماشي من.طريق وعره ومهجوره وجبليه في الجنووب جهة الباحه هوو جدي كان عنده مزرعه واغنام وهو
ماشي بالطريق ماشي شاف عنزه  كانها توها والده ومعها صغيرها قال ماقدر اخليها بها الطريق احااف عليها من الذيب ووقف يبي ياخذها ويسال عن صاحبها ووصل لها وقرب ومد يده يبي يشيلها واختفت هي وصغيرها بسم الله ....   ......
وموقف ثاني معاه ماشي بالشاص في امان.الله وشوي يشوف في الحوض حق السياره.بلمرايه ولد اسود البشره يبتسم له ووقف.ونزل يبي يهاوشه يحسبه ولد ركب معاه بدون علمه ولا حصل احد .... ..... 
واما.عمي وعمتي.صار لهم موقف وهم صغار لليوم.يتكلمون فيه مره عمي كان.راكب الشاص >>صديق العائله الشاص ذا .... وكان عمي.يستنى عمتي بيروحون لبيت اختهم.زوجها مسافر وبينامون عندها ولما ركبت كان معصب لانها.تاخرت وقال.يالله يا ..... بسم الله ..... اركبوو معنا. ومشو ووصلو بسلام وكانت.الاجواء حلوه قررو يناموون بالسطح.ببيت اختهم وكل العائله استعدت للنوم بالسطح ولما الكل هدا بينام.الا وصوت البووري.حق الشاص بيييب.بيييب وطل عمي.وجدتي من فوق ومايشوفون فيه احد يقولون.استمر الصوت للصباح وعمي.جاه صرع ثلاث ايام.بسم.الله  ... والله بعد في مواقف كثيره مع جدتي بعد لكن مايحظرني منها شي الحين قصصها مره كثيره ومخيفه واختها ماتت بسبب الجن.الله يرحمها لانهم كانو يعيشوا بقريه كل بيوتها مبنيه حجر ومايعرفوون الدين.زين وعندهم بدع كثيره وخرافات الحمدلله الدين الاسلامي انقذهم منها  ...