فراولة بالشوكلاته :

انا احكيكم عالرعب على اصوله طبعا انا اشتغل بمستشفى صغنطوطة ومايجونا مرضى كثير الحمدلله الا نادرا وبالقسم عندنا في غرفة فنيات نقفل علينا الباب وننام واذ جا مريض يدق الجرس و سبحان الله يابنات ددايما لمن انام لحالي يجيني الجاثوم اخرها امس وربي صرت زي الخشبة كنت نايمة واحلم انو اختي تصحيني وفجاة احس انو في احد حط يده علياوقللي يالله قومي قمت قلت ماابغ فجاة حسيت اني صحيت وحسيت بيده على ظهري ويوم قلتله ماابغ قام مشي وطلع من الغرفه وخرج والباب مسكر و اساسا انا لحالي والله يابنات انا كنت مرررررهقه وودي انام بس يوم صارت هذي الحركة قمت جلست زي الألف ومع الخوف قعدت محلي ماتحركت ومرة برضو تحصنت ونمت وحطيت قناة قرآن وطبعا مقفل الباب بالمفتاح واسمع صوت زميلتي تناديني وتبغ تدخل ووالله يابنات اسمع خطواتها واحس جبل فوقي وماني قادرة اقوم يوم صحيت الا جررري وطلعت برة وقعدت بالحوش في عز الظهرية .... .... .... ومر وانا نايمة بغرفتي جاني الجاثوم باليل وشردت رحت قعدت بالصالة ومن جا ثاني يوم وانا نايمة وميتة رعب انه يجيني مرة ثانية ف قلقانه ومتلحفه عدل باللحف المهم الصباح جات الشغاله تصحيني ,, ماادري كيف فكرتها جني وصرت اصااارخ واتغطيت باللحاف وقمت ابغ اهرب منها واتكركبت وطحت بالارض وبعدين لمن صحيت صارت خااايفة مني غثيتكم ها؟؟

انا احكيكم عالرعب على اصوله طبعا انا اشتغل بمستشفى صغنطوطة ومايجونا مرضى كثير الحمدلله الا...

AlJawzaa :

موقفي عاد غير مره كان زوجي بالدوام وكنت اصلي الظهر وخاشعه الاخت والا اسمع صوت مفتاح في الباب على طول توقعت انه جاي بدري بس من عادته لازم يكلمني ويقول انه جاي المهم كملت صلاتي واسمع المفتاح في المدخل الثاني قسم الرجال وكان احد قاعد يجرب المفاتيح وقتها قطعت الصلاه ورحت اشوف من العدسه وشفت.......................................ذاك الرجال ضخم وعريض ويده مليانه مفاتيح وقاعد مستمر يجرب في الابواب وقتها كأنكم صابين علي مويه بارده والله العظيم صوتي انقطع ابغى اتكلم ابغى ارفع صوتي عليه مايطلع الصوت والمشكله انه شكله تعبان ويتأفف ويرفس الباب وزوجي الله يهديه اليوم الاول قال لي ان فيه مريض نفسي في الحاره هرب من المستشفى وقتها وقفت مكاني واستسلمت وارتجففففففففف ولما شفته جلس قدام الباب وبأت محاولاته بالفشل تذكرت ان جارنا مأجز مكسوره رجله وقاعد بالبيت رحت اتصلت وانا ابكي ورد الولد يرفع الضغط تحقيق وانا عيني على الباب استنى متى يفتح.............شويه رد وقلتله في واحد يبغى يفتح علي الباب الحقني وماشاء الله ماسمع الا صوته يقول خييييييييييير ايش فيك طلع الاخ عامل اعطاه جارنا مفتاحه علشان يلون الشقه بس غلط في العنوان بس زوجي مسح به البلاط للمعلوميه لهذا السبب سنه كامله وانا عندي حاله نفسيه واخاف من كل شي حتى وانا عند الناس وسمعت جرسهم يرن ارتجف وهم يهدون فيني بس الحمد لله تجاوزت هذه المرحله بالذكر والقران

موقفي عاد غير مره كان زوجي بالدوام وكنت اصلي الظهر وخاشعه الاخت والا اسمع صوت مفتاح في الباب...