أنين السحر :

السلام عليكم ورحمة الله وبركاته هلا بناوت اليوم جايبتلكم موضوع مايصلح للخوافات وبعد موضوع الاخت دلع وطلب الاخوات مواقف مرعبه عن الجن قلت لازم انزل قصصي مع الجن في موضوع مستقل عشا الكل يقدر يشوفها بيسر وسهوله الصراحة أنا أعشق القصص المرعبة وسوالف وحكايات الجن بل أهواهاااااا :30: ونتيجة لكدى صارت معاية مواقف وحكايات من هادا النوع بدون إرادتي وهنا راح أحكيلكم بعض من هدي المواقف يالله بسم الله نبدأ: أحب أقولكم إني مارست القراءة على ناس ممسوسين ((متلبس فيهم الجن )) وكلموني وكان سبب بدايتي لهدا الشي مو بقصد بل صرلي بدون ماأحسبلة أي حساب وأقول لكم كيف عشان يكون الموضوع واضح وأبدأ تمام تمام يا مقدامات ((وحدة من أخواتي ممسوسة الله يشفيها قولو آمين تدرو كيف دخل الجني فيها كانت مافيها شي وكانت أخت زوجها هي الممسوسة ومرة كانت أخت زوجها في حالت صرع والجني فيها وأختي حاضرة الموقف خرج ودخل بأختي ومن يومها وأختي ماربحت خير عشان كان ماعليها صلاة وماهي محصنة نفسها ((ترى يابنات أنتبهو الجن إذا لقو الشخص ماهو محصن بالأذكار الشرعية وبالذات أيام الدورة يدخلو فيه بسهولة ويكون عرضة لهذه الامور )) المهم عالجناها عند مشايخ كثير لكن لسى ربي ماكتبلها الشفا ودا الكلام تقريباًمن 13 سنة والحين صارت ماتنصرع إلا في النادر لمن تزعل وأمور زي كدا قولو الله يشفيها المهم أقولكم كيف كانت البداية يوم من الأيام كنت أنا وأمي وأختي الكبيرة جالسين في الليل نسولف ونتسامر وأختي الكبيرة التانية الممسوسة نايمة في نفس الغرفة إللي جالسين فيها ونحن نسولف قالتلي أختي ياأم المقدام إيش سويتي في المسابقة حفظتي ((كانت عندي مسابقة مشتركة فيها في المدرسة في حفظ سورة البقرة )) قلتلها إيوة حفظت قالتلي مو معقول من جد جاوبتها من جد حفظت قالتلي هي سمعيلي يالله وكمان ماما أصرت عليّ إني أقرأها قلت طيب وصرت أسمع لأختي سورة البقرة بصوت عالي ونحن منهمكين فجأة !!! إلا مانسمع إلا أختي النايمة تطلع أصوات غريبة ومخيفة وتتحرك فوق الفراش بشكل يخوف أتاري الجني حضر فيها من قراءتي سورة البقرة ((حسبي الله جا بيننا و وسطنا ونحن ماندري بسم الله sid )) والخوف يسيطر على المكان ومحنا عارفين كيف نتصرف وكيف نتعامل معاها ونطلع الجني مايعرف لهدي الامور إلا المشليخ ونحن ماعندنا خبرة وأول مرة يحصلي هادا الشي المهم أستقرينا علىإنه مافي حلّ إلا إني أكمل القراءة عليها حتى يخرج الجني وما على المضطر إلا ركوبها وأستمريت في القراءة عليها وأنا كلي خوف والله يابنات موقف من جد يخوف بل مرعب ولا أحسد علية sid المهم تعالو شوفو أختي صارت مع القراءة تصيح وتزعق تتألم وترى مو أختي إللي تصيح وتتألم الجني هو إللي يصيح على لسانها ويتألم من القرءآن وأنا مستمرة على القراءةإلا والجني يابنات يكلمني ويسبني والله يابنات سب محد يقولة وأعوذ بالله حسودي صار هو يصيح يقوللي شوف كيف صوتها ولا توقف وبلى في صوتك وأنا صرت كل آية أحس يتعذب منها أكثر أكررها ورا بعض عشان يتعذب أكثر وهو يقول شوف كيف واثقة من نفسها وأنا ماأوقف يبغاني أوقف وإلا ماأشوف إلا قامت ترميني بالأشياء إللي جمبها في الغرفة وتبى تضربني عشان أوقف ويتهددني ويتوعدني وأنا والله خايفة لكن ماوقفت وعشان ماتسويلي شي قامت أختي التانية السليمة وجابت عصاية المساحة وصارت واقفة كل ما قام الجني يبى يضربني تضربها بيها وجات كمان أختي الثالثة بجك موية باردة وكل ماقام الجني تكبها بالموية وصارت وحدة تضرب والثانية تبخ وأنا مواصلة قراءة والله ماحزنت إلا على أمي كانت وراية قاعدة ورماني الجني بالمخدة قمت رخيت راسي وطااااخ في وجه ماما المهم صار يتعذب ويصيح ألين أنهاروبدأ يضعف ويهدأ أرتمت أختي على الارض وهي تضطرب وتضرب وتفرفر وصرت أزيد في القراءة وصارت تجفل ((والله شي يحزن ويفجع)) الين ما وقفت أختي عن الحركة وقامت تئن بصوت واطي حسينا إنه خرج منها ووقفت وقتها القراءة وسألتها فلانة قولي لاإله إلا الله فقالتها وقلتلها مين أنت وعارفتنا قالت فلانة وعارفتكم بس إيش إللي صار تخيلو يابنات ماتدري إيش إللي صار بس عرفت إنها أنصرعت من الألآم إللي تحسها والحاله المبهدلة والبلبلة لملابسها صرنا نحكيها وهي تقول بالله صار كدا والله مسكينة المهم يابناوت أنتهى الموقف الصعيب لكن أصبحت بعده أجرأ على هذه الأمور ماصرت أخاف أتعامل معاهاوكان بداية لمواقف أخرى تحتك بالعالم الثاني كلها متعة وإثارة ومفامرة أشبعت حب الإثارة في نفسي لكن لاأنكر الضرر الذي أصابني ضريبة هذا الإحتكاك وسأخبركم إن شاء الله ببعضها لاحقاً وكمان تعبت بس قولولي الموقف يخوف واللا لأ؟ وللموضوع بقية ان شاء الله والآن جا دوركم يا حلوات أنتظر مواقفكم المخيفة المثيرة !!! عن الجن:30:

السلام عليكم ورحمة الله وبركاته هلا بناوت اليوم جايبتلكم موضوع مايصلح للخوافات وبعد موضوع...