>>>AMAL <<< :

مواقفي مع الرعب كثيره :( وتبكي بعد بس الحمد لله اني لسى مافقدت عقلي اخر موقف لي لما سافرت الشرقيه ممكن قبل شهر او اكثر بصراحه كل ما اذكر الشاليه يقشعر جسمي واكرهـ شي اسمه شرقيه :( ادري لو اقول لكم ماراح تصدقون بس اقسم بالله كل المواقف الي صارت لي تأكد ان الشاليهات هذي مسكونه اول شي موقعها مرعب مرهـ وعتمه يعني مضلم بشكل يجيب الشبهه حتى العمال الي فيها ابد اشكالهم ماتريح لما جينا نستأجرها اول مادخلنا طبعاً قالو اطلعو برا الشاليهات كلها وتعالو بعد نص ساعه علشان نحسب لكم من الساعه اربع اربع الفجر كانت الساعه 3 ونص وطلعنا ع قولتهم وقلت لزوجي شرأيك نروح المحطه نجيب فطور ونعبي شاهي يمدي مرت نص ساعه .. وكانت المحطه قريبه مش بعيده عن الشاليهات تخيلو يابنااااااااااااااات خمس مرات وحنا رايحين جايين ع مكان هالشاليه اقسم بالله اختفى الطريق الي يودينا له كان الطريق الي يودي للشاليه بين الأشجار يعني مو باين مرررره بس حنا متأكدين اننا مرينا ع المكان بس مو موجوده الفتحه الي بين الأشجاااار حتى كان زوجي يخفف السرعه علشان نتأكد اكثر .. والله يابنات لما قريت الاذكار وآية الكرسي وخلاص زوجي مو قادر يتحمل من التعب يبي بس ينااااام وجلست ادعي قلت ممكن لاننا تعبنانين ماشفناه زين :( سبحان الله طلع لنا فجائه الطريق رحنا للشاليه وصلنا اتوقع خمس ونص او ست يعني كل هالوقت وحنا ندورهـ الموووهم سحبناها نوومه ولا صحينا إلا الساعه اربع العصر اول مره بحياتي اناااام كل هالنوم انا بالعااده لو كنت مسافره او نمت بمكان غريب مافيه امل انام اجلس مواصله يوم ومن التعب ممكن انام بس اربع ساعات احس اني كنت بغيبوبه .. الموهم طلعنا من الشاليهات ورحنا ندور مطعم نتغدى خدمات الشاليه مره سيئه مافيه شي وهو شبه فاضي يعني مره الناس الي فيه ينعدون بالأصابع إلا هذي اللحظه والوضع عندي عــادي مو خايفه مرهـ ماخفت إلا لما رجعت الرياض تدرون ليه لما تغدينا اتصلت ع اختي واختي كانت هي وزوجها مسافرين الشرقيه بعـد وصفنا لهم طريق الشاليهات وقالو خلاص راح نجي بعد العشاء تغدينا انا وزوجي وصلينا المغرب ورجعنا للشاليه طبعاً الطريق مظلم كالعاااده وحنا راجعين إلا واشوف داخل الشاليهات ع جنب مكان للدبابات واقول لزوجي شوي إذا راحو اختي وزوجها نبي نلعب انا وياك الموهم رحنا لشاليهنا وجت اختي بس الغريب انهم ماطولو .؟؟؟ حتى رفضو يتعشون انا انصدمت كانت اختي تتحجج بحجج غريبه ..؟؟ سكت زوجي وقال براحتكم طلعو وطلعنا بعدهم علشان نجيب عشى لما رجعنا متعشين قلت لزوجي يالله بنروح الدبابات تكررت علينا السالفه اختفت مكان الدبابات احلى مافي زوجي انه مايبين لي انه خايف ويحسسني اني اتوهم بكل شي قال لا انتي مضيعه مكانها مو هنااا قلت الا والله انا شايفتها اليوم ع اليساار الموهم فرينا كم فره ع الشاليهات إلا ونلقاها ع اقصى اليسار طبعاً فاااااااااااااضيه مافيها احد بس سوداني شغلها لنا وجلسنا نلعب إلى هنا وانا حاسه اني متوهمه لان كلمه تتوهمين معششه بمخي من كثر ماتقولها لي امي !! رجعنا للرياض جلست احكي لأختي عن مواقفنا بالشاليهااات تدرون وش قالت لي تقول والله العظيم اني انا وزوجي لما رجعنا من الشاطئ وتوجهنا للشاليه حقكم لقينا الانوار تتشغل وتطفي وكان فيه احد يفتح الستاره ويسكرها تقول وانا متأكده انها خمسه تقول زوجي يقول ممكن مو هي الي قدامها تقول لما رجعنا لخمسه لقينا كان مافيه شي الوضع هااادي ومو كان فيه احد تقول المشكله نشوفك انتي وزوجك ع الشاطئ ولا كان قلنا واحد منكم داخل الموهم انها خافت وقالت لزوجها يتعذر انه تعبان ويبي يرجع للفندق قال ايش ماتبي تخوفني اصلن وانا اكتب لكم الحين اقشعر جسمي وتذكرت هالسفره الله لا يعيدها :(

مواقفي مع الرعب كثيره :( وتبكي بعد بس الحمد لله اني لسى مافقدت عقلي اخر موقف لي لما سافرت...