رفع

ورجعت بعد غيبه اخبارتسن يابعدي واخبار القصص ههههه كل مواقفكم تو قريته اعوذ بالله من الشيطان الرجيم لازم الوحده تحصن نفسه مهب طايرتن ماتدري وين هي بوه المهم لا يوقف وسبق وقلت الي تخاف اتمنى انه ماتكمل ونورتن والله يرفع قدرتسن (: .

اهليييين

القصصصص تخووووووف بسم الله


بس وينكم الحين فيه جزء ثالث والا خلاص

انا مش متأكده من هالشي .... ولأني متمسكه بعبادتي اليوميه من صلاة ودعاء وذكر وقراءة قران عقلي رافض يصدق


يابنات احس ان حد نفس شكل زوجي معي في السرير وتكرر هالشي كم مره وبالذات عند صلاة الفجر بالضبط

مره حسيت ان زوجي يلمسني وجسمه تقريبآ فوقي بس انا شبه نايمه وهالشي ضايقني ليه يعمل هالشي بهالهدؤ والصمت

فتحت عيني فجأه ..... والله ماعرف كيف اوصف ...شفتوا لما حد يقوم من السرير مكانه يرتفع باهتزاز بسيط .... كذا حسيت وانا مفتحه عيني ....كأنه هرب بشكل مفاجىء .... انا قلت زوجي لكن الغرفه فاضيه والباب مسكر .... ومسافه بين سريري والباب ومكان قومته مكان زوجي ملاصق الحيطه تقريبآ صعبه يختفي بلمح البصر ...مع قومة هالشي بنفس اللحظه سمعت سيارة زوجي داخله البيت وانا غرفتي بالدور الثاني اخر الفيلا مسافه لما يوصل ..... انا مجرد فتحت عيوني ابدآ ماتحركت من مكاني لسه فيني تعب النوم

هنا لما سمعت السياره باهتزاز السرير صادني رعب بمعنى كلمة رعب .....انا كل مره احلم ان زوجي يجيني واقوم من النوم عادي اقول اضغاث احلام لكن هالمره بالحقيقه معناها الي اشوفه بالحلم ( بسم الله الرحمن الرحيم ) والله اني حسيت بأنفاسه ولمسة يده كان فيها حرارة الآدمي

ومن يومها وانا اكثف القراءه قبل النوم .... شيبي فيني عيالي كبري ...ولا افكر بهالشي ابدآ خلاص حتى جسمي رافض حسب السن

يعني لو انا صغيره بقول يمكن افكر بهاك الشي لكن بالعكس انا تنقلب معدتي لما يصير .... وعاد مع جني ؟ استغفر الله

ومره كنت تعبانه بآخر الليل ماقدرت اقرا قرآن ففتحت المصحف وقريت اخر سورة البقره آمن الرسول وغفيت شوي على السجاده وقمت بعدها فراشي مادري كيف المهم كأني قمت ورحت الحمام واستفرغت ماده سودا بالمغسله ورديت فراشي والله يابنات مادري هو حلم ولا علم ولا بين البين

والاستفراغ كان قوي كأني فاتحه حنفيه اعلى شي وفجاه وقف بشكل سريع كان الاستفراغ ولأني مو بسهوله استفرغ حتى وانا حامل احس هالشي حلم بس حقيقي والله مدري كيف اشرح

ومره جاتني مرت عمي بالحلم بس نصها يبين تقولي ابوي مات وهالأنسانه نادر ماشوفها بحكم بعد المسافه بيني وبينها وحتى لو شفتها سلام عابر ولا فيه اي ارتباط من اي نوع

وظليت حوالي 3 شهور بعد هالحلم وتوفى ابوها فعلآ يقولون كان مريض وانا مادري اصلآ وهو ببلد غير بلدنا جنسيته غير عنا

ومره جتني شابه كأنها رؤيا او حلم يقضه على يساري واقفه تناديني باسمي لما التفت لها تقولي فلانه .... فلانه بنت فلان ماتت .... وبعدها بحوالي اربع ايام صار هالشي الي خبرتني عنه وكانت شابه

انا مستغربه ليه يخبرونا بالاخبار الي مو زينه ؟ ولازلت اتدكر شكلها بيضا ومتوسطة الطول ووجها منور ولابسه حجاب اسود وعبايه وكنها جايه تعطيني الرساله وتروح

وأمي تقول اغلب احلامي الظهر كأنها حقيقه اشوف حريم كثاااار يجوني الغرفه ويسلموا علي ووحده فيهم عجوووز وعندها عصا وشعرها احمر كنها محنيته تنزل تحب على راسي واصحى على صوتهم وماشوف حد لان اصلآ امي بالحقيقه ضريره

ولما توفى اخوي لرحمة الله كانت تسمع وحده تقرا قران وتبكي ماتوقف الا مع اذان المغرب وكان ايامها امي ماجتها الشغاله ولوحدها بالبيت انا اجيها بعد المغرب

ومرات اجيها القاها عند الباب تبكي تقول خايفه من الصوت الي تقرا وتبكي ... وامسكها ادخلها جوا وانا خايفه بس اهديها اقولها مافيه شي وين الصوت ؟؟؟ وهي تيكي زي الطفله تقول خايفه يجي بكره بعد وانا لوحدي واسمعها

كلمت زوجة شيخ دين قلت لها حياتنا بهالبيت ماتهنينا فيها اخوي مات وابوي كرهنا وامي شبه انجنت وانا كرهت البيت وامي لازالت تسمع اصوات قالت لي زوجة الشيخ بالحرف لاتطردينهم بالقران هذا مكانهم قبل لاتسكنونه انتوا.
حتى الناس مايحبون يجونا الكل بعد عنا وحاولت انا اقرا بماي وارش بالملح وماي زمزم زوايا البيت واصلي كل وقت فيه كل مره بزاويه ولكن مارتحنا انا وامي شوي الا بعد ماطلعنا منه وانهدم لاعادة بنائه لانه قديم

-


شيخه حبيبتي لازم لك ترقين نفسك وتستودعين الله جسدك
وبعد استخدمي المسك الأسود من أسفل وعلى جسمك
يمكن فيك عاشق ويمكن مجرد جني في بيتك عابث ويتحرش
شغلي القران اثناء نومك وحصني مكان نومك برش الملح والماء المقري وشيلي اي شيء ينقض التحصين
زي صور ملابس مستخدمه روائح في الغرفه وصكي باب الحمام لو قريب
اناه أتكلم من تجربه ويارب ترتاحي من هالاذى .