انا يابنات صار لي موقف ماانساه
كنت منسدحة على سريري كني غفيت شوي الا شي يرقى على سريري من جهة رجولي قلت بس هذه قطوة من الخوف
ماقدرت اتحرك لاني اخاف خوف موطبيعي منها المهم مادريت الا باللي انسدح وراي ملزق جسمه بظهري والله ياعلم
احس بحراره جسمه هنا انا انشليت حاولت التفت اشوف وش هذا ماقدرت شوي الا سحب جسمي لين نمت ع ظهري
وضغط ع صدري ماقدرت اتنفس حسيت ان روحي بتطلع وسبحان الله قعدت اقرا المعوذات لين راح
الصفحة الأخيرة
كنا انا وخواتي جالسين مع بنت خالتي بالصاله
كنا جالسين تحت الثريا حقت الصاله طبعا الثريا كبيررره جدا
عاد تعرفون ثريات الصاله
المهم
جلسنا سولفنا بعدها قمنا
وجا ابوي جلس بالصاله ويقرا قران
تخيلو الثريا الكبيره طاحت ووين طاحت
جنب ابوي بالضبط
يعني لو طاحت عليه يمكن انكسر راسه نصين او جاه ارتجاج بالمخ
وحنا جالسين فوق سمعنا صوت شي طاح قوووي خفنا ونزلنا على طول
شفنا ابوي يقرا قران والثريا طايحه استغربنا ان ماطق لها خبر وجالس يقرأ ؟
قلنا له يبا شف الثريا طايحة
قال شلون طاحت بسم الله !!
الغريب ان ابوي ابد ما انتبه لها ولا سمع لها صوت يوم طاحت وحنا اللي بالدور الثاني سمعناها
رغم انها كبيررره مره وفيها لمبات كثيره وثقيله
والغريب بعد انها ماطاحت على ابوي رغم انه تحتها على طول
الثريا جت على يمينه ومافيه مسافه بينهم كلنا استغربنا شلون ماطاحت عليه
الله ستر الحمدلله
عاد امي تقول هذا من القران سبحان الله
لانه دايم يقرا قران اخر الليل
الله حاميه